ନୂଆଦିଲ୍ଲୀ: ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଜାପାନରେ ଟୁ ପ୍ଲସ ଟୁ ବୈଠକରେ ଯୋଗ ଦେଇଛନ୍ତି। ଜାପାନର ବୈଦେଶିକ ମନ୍ତ୍ରୀ ହୟାଶୀ ୟୋଶିମାସା ଏବଂ ଜାପାନର ରକ୍ଷା ମନ୍ତ୍ରୀ ହମଦା ୟାସୁକାଜୁଙ୍କ ସହ ଦ୍ୱିତୀୟ ଭାରତ-ଜାପାନ ଟୁ ପ୍ଲସ ଟୁ ବୈଠକ କରିଛନ୍ତି । ବିଦେଶ ମନ୍ତ୍ରଣାଳୟ ଅନୁସାରେ, ନିୟମ ଆଧାରିତ ବୈଶ୍ୱିକ ବ୍ୟବସ୍ଥା ପ୍ରତି ପ୍ରତିବଦ୍ଧତାକୁ ସ୍ପଷ୍ଟ କରି, କ୍ଷେତ୍ରୀୟ ଅଖଣ୍ଡତାକୁ ଉଭୟ ଦେଶ ସମ୍ମାନ ଜଣାଇଛନ୍ତି। ଏପରି ପରିସ୍ଥିତିକୁ ଏକତରଫା ନ କରି ଅନ୍ତରାଷ୍ଟ୍ରୀୟ ଆଇନ ଅନୁସାରେ ବିବାଦର ଶାନ୍ତିପୂର୍ଣ୍ଣ ସମାଧାନର ଆବଶ୍ୟକତା ଉପରେ ଜୋର ଦେଇଥିଲେ।

wp:html

Just concluded a warm and productive 2+2 Ministerial meeting along with Raksha Mantri @rajnathsingh ji in Tokyo.

Thank FM Hayashi Yoshimasa and Defence Minister Hamada Yasukazu for the wide ranging and open conversations.

My concluding remarks are below: pic.twitter.com/SC1M0xNQcE

— Dr. S. Jaishankar (@DrSJaishankar) September 8, 2022

/wp:html

ବିଦେଶ ମନ୍ତ୍ରଣାଳୟ କହିଛି, ମନ୍ତ୍ରୀମାନେ ଦ୍ୱିପାକ୍ଷିକ ସୁରକ୍ଷା ଏବଂ ପ୍ରତିରକ୍ଷା ସହଯୋଗରେ ୨୦୧୯ ନଭେମ୍ୱର ବୈଠକ ପରେ ହୋଇଥିବା ପ୍ରଗତି ଉପରେ ଖୁସି ବ୍ୟକ୍ତ କରିଛନ୍ତି । ଭାରତ-ଜାପାନ ସ୍ୱତନ୍ତ୍ର ରଣନୈତିକ ଏବଂ ବୈଶ୍ୱିକ ସହଭାଗୀତାର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ । ଦୁଇ ଦେଶ ମଧ୍ୟରେ ବହୁସ୍ତରୀୟ ସମ୍ୱାଦର ମହତ୍ୱକୁ ସ୍ୱୀକାର କରି, ଜାତିସଂଘର କାର୍ଯ୍ୟକୁ ମଜଭୁତ କରିବା ଦୃଷ୍ଟିରେ ସୁରକ୍ଷା ପରିଷଦରେ ସୁଧାର ଉପରେ ସମ୍ୱାଦ କରିବାକୁ ଆଶା ବ୍ୟକ୍ତ କରିଛନ୍ତି।