ଗତ ବର୍ଷ ଜୁନ୍ ମାସରେ ସୁସ୍ମିତା ସେନ୍ଙ୍କ ଭାଇ ରାଜୀବ ସେନ୍ ଏବଂ ଅଭିନେତ୍ରୀ ଚାରୁ ଅସୋପା ପରସ୍ପରକୁ ଛାଡପତ୍ର ଦେଇଥିଲେ। ଦୁହେଁ ନିଜ ଝିଅ ଜିଆନାକୁ ମିଶିକି ଲାଳନପାଳନ କରୁଛନ୍ତି। ପ୍ରାୟତଃ ତିନିଜଣ ସୋସିଆଲ ମିଡିଆରେ ଏକାଠି ଫଟୋ ଏବଂ ଭିଡିଓରେ ନଜର ଆସିଥାନ୍ତି । ଏହା ଅନେକଙ୍କୁ ଅନୁମାନ କରୁଛନ୍ତି ବୋଧ ହୁଏ ଦମ୍ପତି ଖୁବ୍ ଶୀଘ୍ର ଏକାଠି ହୋଇପାରନ୍ତି ।
ନିକଟରେ ହୋଇଥିବା ସାକ୍ଷାତକାରରେ ରାଜୀବ ଏଭଳି କଳ୍ପନାଜଳ୍ପନାକୁ ଅସ୍ୱୀକାର କରିଛନ୍ତି। ହିନ୍ଦୁସ୍ତାନ ଟାଇମ୍ସ ସହ କଥାବାର୍ତ୍ତା କରି ସେ କହିଛନ୍ତି ଯେ ଚାରୁ ଏବଂ ମୁଁ ଭଲ ବନ୍ଧୁ ଅଟୁ ଏବଂ ଆମେ ଆମ ଝିଅ ଜିଆନାଙ୍କ ପାଇଁ ପିତାମାତା ଭାବରେ ସମ୍ପୂର୍ଣ୍ଣ ଉତ୍ସର୍ଗୀକୃତ, ମୋର ଆଉ କିଛି କହିବାର ନାହିଁ। ରାଜୀବ, ଚାରୁ ଏବଂ ଜିଆନା ମା ଏବଂ ଭଉଣୀ ସୁସ୍ମିତା ସେନ୍ଙ୍କସହ ଦୁବାଇ ଯାଇଥିଲେ। ଏହି ଯାତ୍ରା ବିଷୟରେ ରାଜୀବ କହିଛନ୍ତି, "ଚାରୁ ଏବଂ ଜିଆନାଙ୍କ ସହ ମୋର ଯାତ୍ରା ଅତ୍ୟନ୍ତ ମଜାଦାର ଏବଂ ସୁନ୍ଦର ଥିଲା। ଜିଆନା ମଧ୍ୟ ଏହାକୁ ବହୁତ ଉପଭୋଗ କରିଥିଲେ, ସେ ପ୍ରକୃତରେ ଖୁସି ଥିଲେ। ଏହା ଜରୁରୀ ଯେ ଜିଆନାଙ୍କୁ ଅନେକ ସମୟ ମିଳୁଛି ମୋ ସହ ବିତାଇବାକୁ
୨୦୧୯ ରେ ରାଜୀବ ଏବଂ ଚାରୁ ଦୁହେଁ ବିବାହ କରିଥିଲେ । କିଛି ମାସ ପରେ ସେମାନଙ୍କ ବୈବାହିକ ଜୀବନରେ ଝଡ ଆସିଥିଲା ।୨୦୨୧ରେ, ସେମାନେ ଜିଆନାକୁ ଜନ୍ମ ଦେଇ ଥିଲେ । ସେପ୍ଟେମ୍ବର ୨୦୨୨ ରେ, ଦୁହେଁ ନିଜ ସମ୍ପର୍କକୁ ଦ୍ୱିତୀୟ ସୁଯୋଗ ଦେବାକୁ ନିଷ୍ପତ୍ତି ନେଲେ ତଥାପି ଦୁଇ ମାସ ମଧ୍ୟରେ ସେମାନେ ପରସ୍ପର ବିରୁଦ୍ଧରେ ଅନେକ ଅଭିଯୋଗ କରିଥିଲେ ଏବଂ ଶେଷରେ ୨୦୨୩ ରେ ପରସ୍ପରକୁ ଛାଡପତ୍ର ଦେଇଥିଲେ।
