scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପାଇଲଟଙ୍କ ସହ ରାହୁଲଙ୍କ ଘନଘନ ବୈଠକ, ବଦଳିବେ କି ଗେହଲଟ୍ ? ବିଜେପି ଭଳି କଂଗ୍ରେସର ଚେଞ୍ଜ୍ ପଲିଟିକ୍ସ

21/09/2021 at 9:57 AM

ନୂଆଦିଲ୍ଲୀ, ୨୧।୦୯ :   ପଞ୍ଜାବରେ କଂଗ୍ରେସର ଗୋଟିଚାଳନା ସଫଳ ହେଲା ପରେ ଏବେ ରାଜସ୍ଥାନରେ ରାଜନୀତିକ ଗତିବିଧି ଜୋର୍ ଧରିଛି । ଶୁକ୍ରବାର ରାହୁଲ ଗାନ୍ଧୀ ରାଜସ୍ଥାନର ପୂର୍ବତନ ଉପ ମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ସହ ଆଲୋଚନା କରିଥିଲେ । ସୂତ୍ରାନୁସାରେ, ଉଭୟ ନେତାଙ୍କ ମଧ୍ୟରେ ରାଜ୍ୟରେ କଂଗ୍ରେସର ସ୍ଥିତି ଓ ୨୦୨୪ ଲୋକସଭା ନିର୍ବାଚନ ପ୍ରସଙ୍ଗରେ ଆଲୋଚନା ହୋଇଛି ।

ଗୁରୁତ୍ୱପୂର୍ଣ୍ଣ କଥା ହେଉଛି ଯେ, କ୍ୟାପ୍ଟେନ ଅମରିନ୍ଦର ସିଂ ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାର ଗୋଟିଏ ଦିନ ପୂର୍ବରୁ ସଚିନ ଓ ରାହୁଲଙ୍କ ମଧ୍ୟରେ ବୈଠକ ବସିଥିଲା । ଏହା ହେଉଛି ଉଭୟ ନେତାଙ୍କ ମଧ୍ୟରେ ଏପରି ଭାବେ ବସିଥିବା ପ୍ରଥମ ବୈଠକ ।

ପାଇଲଟ ଜୁଲାଇ ସୁଦ୍ଧା ରାଜ୍ୟର ଉପ ମୁଖ୍ୟମନ୍ତ୍ରୀ ଓ ଦଳର ସଭାପତି ଥିଲେ ।ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ସହ ତାଙ୍କର ବିବାଦ ବଢିବା ପରେ ଦୁଇଟି ଯାକ ପଦରୁ ତାଙ୍କୁ ହଟାଇ ଦିଆଯାଇଥିଲା । ରାହୁଲଙ୍କ ସହ ବସିଥିବା ବୈଠକରେ ସଚିନଙ୍କ ହାତରେ କ୍ଷମତା ଡୋରି ଦେବାକୁ ଚର୍ଚ୍ଚା ହୋଇଛି ବୋଲି କିଛି ସମର୍ଥକ ସୂଚନା ଦେଇଛନ୍ତି । କିନ୍ତୁ ଦଳର ଜଣେ ବରିଷ୍ଠ ନେତା କହିଛନ୍ତି ଯେ, ଏବେ ରାଜ୍ୟରେ ଦଳରେ କୌଣସି ବଡ ପରିବର୍ତ୍ତନ ହେବ ନାହିଁ । ଦଳ ଏବେ ସମ୍ପୂର୍ଣ୍ଣ ଭାବେ ଉତ୍ତର ପ୍ରଦେଶ, ପଞ୍ଜାବ ଓ ଉତ୍ତରାଖଣ୍ଡ ବିଧାନସଭା ନିର୍ବାଚନ ଉପରେ ଫୋକସ କରୁଛି । ଏହି ସବୁ ରାଜ୍ୟରେ ୨୦୨୨ରେ ନିର୍ବାଚନ ଅୁଷ୍ଠିତ ହେବ ।

ତେବେ ରାହୁଲଙ୍କ ସହ ବୈଠକ ନେଇ ସଚିନ ପାଇଲଟ କୌଣସି ପ୍ରତିକ୍ରିୟା ଦେଇ ନାହାଁନ୍ତି । କଂଗ୍ରେସର ଅନ୍ୟଜଣେ ବରିଷ୍ଠ ନେତା କହିଛନ୍ତି ଯେ, ରାହୁଲ ୨୦୨୪ ଲୋକସଭା ନିର୍ବାଚନ ପୂର୍ବରୁ ରାଜ୍ୟରେ ମୁଖ୍ୟମନ୍ତ୍ରୀ ଅଦଳବଦଳ ଚାହୁଁଛନ୍ତି । ଏପରି ହେଲେ ପାଇଲଟ ମୁଖ୍ୟମନ୍ତ୍ରୀ ହୋଇପାରନ୍ତି ।

ସୂଚନାଯୋଗ୍ୟ, ରାଜସ୍ଥାନ, ପଞ୍ଜାବ, ମଧ୍ୟପ୍ରଦେଶ, ଗୁଜୁରାଟ, ଉତ୍ତରାଖଣ୍ଡ ଓ ହିମାଚଳ ପ୍ରଦେଶରେ କଂଗ୍ରେସ ସିଧାସଳଖ ବିଜେପି ସହ ମୁକାବିଲା କରିଥାଏ ।

   Related Posts