ଜୟପୁର ୨୭/୮: ଦେଶରେ କରୋନା ସଂକ୍ରମଣ ଜୋରସୋରରେ ବୃଦ୍ଧି ପାଉଛି। ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲତଙ୍କ କାର୍ଯ୍ୟାଳୟ ଅର୍ଥାତ୍ ମୁଖ୍ୟମନ୍ତ୍ରୀ କାର୍ଯ୍ୟାଳୟ ଯାଏଁ କରୋନା ସଂକ୍ରମଣ ପହଞ୍ଚି ସାରିଲାଣି। କୁହାଯାଉଛି ଯେ ମୁଖ୍ୟମନ୍ତ୍ରୀ କାର୍ଯ୍ୟାଳୟରେ କାର୍ଯ୍ୟରତ ୯ଜଣ ଅଧିକାରୀ-କର୍ମଚାରୀ କରୋନାରେ ସଂକ୍ରମିତ ହୋଇଛନ୍ତି। ତାଙ୍କ ସଂସ୍ପର୍ଶ​‌ରେ ଆସିଥିବା ସମସ୍ତ କର୍ମଚାରୀଙ୍କ ସାମ୍ପଲ୍ ନିଆ ଯାଉଛି।

ଏହା ପୂର୍ବରୁ ଅଗଷ୍ଟ ୧୮ତାରିଖରେ ରାଜସ୍ଥାନର ଫଲୌଦିରୁ ବିଧାୟକ ପବ୍ବାରାମ ବିଶ୍ନୋଇଙ୍କ କୋଭିଡ-୧୯ ଟେଷ୍ଟ ରିପୋର୍ଟ ପଜିଟିଭ ଆସିଛି। ବିଧାୟକ ଶୁକ୍ରବାର ବିଧାନସଭା ଅଧିବେଶନରେ ଯୋଗ ଦେଇଥିଲେ। ବିଧାୟକଙ୍କ ପରିବାରରେ ତାଙ୍କ ବ୍ୟତୀତ ତାଙ୍କ ନାତିଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି। ଉଭୟେ ଏବେ ହୋମ୍ କ୍ବାରେଣ୍ଟାଇନରେ ଅଛନ୍ତି।