Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମିଳିଲା ନିଖୋଜ କ୍ରିକେଟର ରାଜଶ୍ରୀଙ୍କ ପତ୍ତା, ସ୍କୁଟି ଠାରୁ ୨୦୦ ମିଟର ଦୂରରେ ଝୁଲୁଛି ମୃତଦେହ

13/01/2023 at 12:06 PM

କଟକ ୧୩/୦୧: ଶେଷରେ ନିଖୋଜ କ୍ରିକେଟର ରାଜଶ୍ରୀ ସ୍ୱାଇଁଙ୍କ ମିଳିଛି ପତ୍ତା । ଜଙ୍ଗଲରୁ ମହିଳା କ୍ରିକେଟରଙ୍କ ମୃତଦେହ ଉଦ୍ଧାର ହୋଇଛି । ଜଙ୍ଗଲରୁ ଝୁଲନ୍ତା ଅବସ୍ଥାରେ ରାଜଶ୍ରୀଙ୍କ ମୃତଦେହ ଉଦ୍ଧାର ହୋଇଛି । ଗୁରୁଡି ଝାଟିଆ ଜଙ୍ଗଲରୁ ରାଜଶ୍ରୀଙ୍କ ମୃତଦେହ କରାଯାଇଛି । ରାଜଶ୍ରୀଙ୍କ ସ୍କୁଟିଠାରୁ ମାତ୍ର ୨୦୦ ମିଟର ଦୂରରୁ ମିଳିଛି ମୃତଦେହ । ଏହାସହ ମୃତଦେହ ନିକଟରୁ ଏକ ସୁଇସାଇଡ୍ ନୋଟ୍ ମିଳିଥିବା ସୂଚନା ।

ସୂଚନା ଥାଉକି, ଓଡ଼ିଶା ମହିଳା କ୍ରିକେଟ୍‌ ସିନିୟର୍‌ ଟିମ୍‌ ଚୟନ ପ୍ରକ୍ରିୟାରେ ବାଦ୍‌ ପଡ଼ିଯିବା ପରେ ହଠାତ୍‌ ଜଣେ ଖେଳାଳି ହୋଟେଲ୍‌ରୁ ନିଖୋଜ ହୋଇଯାଇଥିଲେ । ନିଖୋଜ କ୍ରିକେଟିୟର୍‌ ହେଲେ ରାଜଶ୍ରୀ ସ୍ୱାଇଁ । ତାଙ୍କ ଘର ପୁରୀ ଜିଲ୍ଲା ରାମଚଣ୍ଡୀ ଅଞ୍ଚଳରେ । କ୍ୟାମ୍ପରେ ନିଜର ଦକ୍ଷତା ପରୀକ୍ଷା ଦେବାକୁ ଆସି ଟିମ୍‌ରୁ ବାଦ୍‌ ପଡ଼ିବା ପରେ ସେ ଅନ୍ତର୍ଦ୍ଧାନ ହୋଇଯିବା ଖବର ଓଡ଼ିଶା କ୍ରିକେଟ୍‌ ଆସୋସିଏସନ୍‌ ସମେତ କ୍ରିକେଟ୍‌ ପ୍ରେମୀଙ୍କ ମଧ୍ୟରେ ଚାଞ୍ଚଲ୍ୟ ସୃଷ୍ଟି କରିଥିଲା । ତାଙ୍କ ମୋବାଇଲ୍‌ ନମ୍ବର ସୁଇଚ୍‌ଡ୍‌ ଅଫ୍‌ ରହିଥିବା ବେଳେ ତାଙ୍କ କଳା ରଙ୍ଗର ଆକ୍ଟିଭା ସ୍କୁଟି ଏବଂ ହେଲ୍‌ମେଟ୍‌ ଆଠଗଡ଼ ବନଖଣ୍ଡ ଗୁରୁଡ଼ିଝାଟିଆ ଥାନା ଅନ୍ତର୍ଗତ କପୁରସିଂରୁ ବ୍ରାହ୍ମଣବସ୍ତ ରାସ୍ତାର ତାଳଧଣ୍ଡି ରାସ୍ତାରେ ଏକ ଜଙ୍ଗଲ ନିକଟରୁ ମିଳିଥିଲା ।

ଗାଡ଼ି ଏବଂ ହେଲମେଟ୍‌ ମିଳିଥିଲେ ହେଁ ରାଜଶ୍ରୀଙ୍କର ସନ୍ଧାନ ମିଳିପାରିନଥିଲା । ତେବେ ଝିଅକୁ ହତ୍ୟା କରାଯାଇଥିବା ଅଭିଯୋଗ ଆଣିଥିଲେ ମାଆ । ଚୟନ ପ୍ରକ୍ରିୟାରେ ମୋ ଝିଅ ପ୍ରତି ଅନ୍ୟାୟ ହୋଇଛି । ଚୂଡ଼ାନ୍ତ ତାଲିକାରୁ ମୋ ଝିଅ ନାଁ ଜାଣିଶୁଣି କାଟି ଦିଆଯାଇ ଛି। “ମୋ ଝିଅ ଭଲ ଖେଳେ”। ତାଲିକାରୁ ନାଁ କଟିଯିବା ପରେ ଚାପରେ ଥିଲା ରାଜଶ୍ରୀ । “ତାକୁ ମାରି ଦେଇ ଲୁଚାଇ ରଖାଯାଇଛି “। “ଘଟଣାକୁ ଦବାଇ ଦେବାକୁ ଚେଷ୍ଟା କରାଯାଉଛି ବୋଲି କହିଥିଲେ ତାଙ୍କ ମାଆ ।

   Related Posts