ନୀଳଗିରି ୩୦।୦୯ :  ବାଲେଶ୍ୱର ଜିଲ୍ଲା ନୀଳଗିରି ଉପଖଣ୍ଡ ହସ୍ପିଟାଲର ଉପର ମହଲାରେ ପଶିଲା ପାଣି । ରୋଗୀମାନେ ନାହିଁ ନଥିବା ଅସୁବିଧା ଭୋଗୁଛନ୍ତି ।  

ଖବର ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଏପରି ଘଟଣା ଘଟିଛି । ପ୍ରବଳ ବର୍ଷା ପାଇଁ ଛାତ ଉପରୁ ପାଣି ଗଳିଥିଲା । ଯାହାଫଳରେ ମେଡିକାଲର ଓ୍ୱାର୍ଡରେ ପାଣି ପଶିଥିଲା । ତେବେ ଆବଶ୍ୟକ ବେଡ୍‌ ନଥିବା ବେଳେ ରୋଗୀମାନେ ତଳେ ରହିଛନ୍ତି । ଏପରିକି ମେଡିକାଲରେ ପାଣି ପଶିବାରୁ ଶତାଧିକ ରୋଗୀ ହନ୍ତସନ୍ତ ହେଉଛନ୍ତି ।

ସେପଟେ ଖବର ପାଇ ସମାଜସେବୀ ସବ୍ୟସାଚୀ ମହାପାତ୍ର ଓ ୬ ନମ୍ବର କାଉନ୍‌ସିଲର ଘଟଣାସ୍ଥଳରେ ପହଞ୍ଚି ରୋଗୀଙ୍କ ଦୁର୍ଦ୍ଦଶା ବୁଝିଛନ୍ତି । ଏହାସହ ମେଡିକାଲ ଅଧିକାରୀଙ୍କ ସହ କଥା ମଧ୍ୟ ହୋଇଛନ୍ତି ।