scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା

15/08/2022 at 9:00 AM

ଭୁବନେଶ୍ୱର,୧୫/୮ : ଉତ୍ତର ପଶ୍ଚିମ ବଙ୍ଗୋପସାଗରେ ସୃଷ୍ଟି ହୋଇଥିବା ଲଘୁଚାପ ଅବପାତର ରୂପ ନେଇଛି । ଅବପାତ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷିଛି । ସୋମବାର ସକାଳ ଯାଏ ଭୀଷଣ ବର୍ଷା ଜାରି ରହିବ । ଏଥିପାଇଁ ୧୨ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି କରାଯାଇଛି । ସୋମବାରଠାରୁ ରାଜ୍ୟରେ ବର୍ଷା କମିବ ।

କେବଳ ପଶ୍ଚିମ ଓଡ଼ିଶାର ୪ ଜିଲ୍ଲାରେ ଅଧିକ ବର୍ଷା ହୋଇପାରେ । କିନ୍ତୁ ରାଜ୍ୟ ଉପରେ ଲଘୁଚାପର ପ୍ରଭାବ କମିବା ଯୋଗୁ ଆଉ ବିସ୍ତୃତ ଅଞ୍ଚଳରେ ବର୍ଷା ହେବନି । ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର (ଆଇଏମ୍ଡି) ଏହି ପୂର୍ବାନୁମାନ କରିଛି । ଆଇଏମ୍ଡି ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ୧୫ରେ ଛତିଶଗଡ଼କୁ ଲାଗିଥିବା କିଛି ଜିଲ୍ଲାରେ ବର୍ଷା ହେବ ।

ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼ ଓ ନୂଆପଡ଼ାରେ ଅଧିକ ବର୍ଷା ହୋଇପାରେ । ଛତିଶଗଡ଼ରେ ପ୍ରବଳ ବର୍ଷା ଆଶଙ୍କା ରହିଛି । ମହାନଦୀର ଉପରମୁଣ୍ଡରେ ଅଧିକ ବର୍ଷା ରହୁଛି । ଏହା ମହାନଦୀ ସମେତ ଏହାର ଶାଖା ନଦୀରେ ଜଳସ୍ତର ବଢ଼ାଇବ । ଅବପାତ ପ୍ରଭାବରେ ରବିବାର ରାଜ୍ୟରେ ପ୍ରବଳ ବର୍ଷିଛି । ଦୁଇ ବ୍ଲକ୍ରେ ୨୦୦ ମିଲିମିଟରରୁ ଅଧିକ ବର୍ଷା ରେକର୍ଡ ହୋଇଛି । ଜଗତସିଂହପୁରର ଏରସମାରେ ୨୧୫ ଓ ସୁନ୍ଦରଗଡ଼ର ହେମଗରିରେ ୨୦୪ ମିମି ବର୍ଷା ହୋଇଛି ।

ଜଗତସିଂହପୁର ଜିଲ୍ଲାରେ ୧୩୨, ସୁନ୍ଦରଗଡ଼ରେ ୧୦୦, ପୁରୀରେ ୯୨, ସୋନପୁରରେ ୭୫, କଟକରେ ୭୪, ସମ୍ବଲପୁରରେ ୬୯, ବରଗଡ଼ରେ ୬୩, କେନ୍ଦୁଝରରେ ୬୨, କନ୍ଧମାଳରେ ୬୦ ଓ ଝାରସୁଗୁଡାରେ ୫୭ ମିଲିମିଟର ବର୍ଷା ହୋଇଛି । ଅଧିକାଂଶ ଜିଲ୍ଲାରେ ୩୦ରୁ ୪୦ ମିମିରୁ ଅଧିକ ବର୍ଷା ହୋଇଛି । ରାଜ୍ୟରେ ହାରାହାରି ବର୍ଷା ପରିମାଣ ୫୪.୫ମିମି ରହିଛି । ସ୍ୱାଭାବିକ ବର୍ଷା ତୁଳନାରେ ଏହା ୩୭୭% ଅଧିକ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । ଜଗତସିଂହପୁର ଜିଲ୍ଲାରେ ସ୍ୱାଭାବିକ ବର୍ଷା ତୁଳନାରେ ୧୬୧୮% ଅଧିକ ବୋଲି ତଥ୍ୟ ଦିଆଯାଇଛି ।

   Related Posts