ଭୁବନେଶ୍ବର ୮|୯: ଲଘୁଚାପ ଦୁର୍ବଳ ହେବା ପରେ ଏବେ ମଧ୍ୟପ୍ରଦେଶ ଅଭିମୁଖେ ଗତି କରୁଛି । ଫଳରେ ଓଡ଼ିଶା ଉପରେ ବଡ଼ ଧରଣର ବର୍ଷାର ବିପଦ ନାହିଁ । ଆଗାମୀ ୨୪ଘଣ୍ଟା ମଧ୍ୟରେ ରାଜ୍ୟର ଅଳ୍ପ କିଛି ସ୍ଥାନରେ ବର୍ଷା ହୋଇପାରେ । ତେବେ ୯ ଓ ୧୦ ତାରିଖରେ ରାଜ୍ୟର ଅଧିକାଂଶ ସ୍ଥାନରେ ବିଶେଷ କରି ଉତ୍ତର ଓଡ଼ିଶା ଉପକୂଳରେ ଅଧିକ ବର୍ଷାର ସମ୍ଭାବନା ରହିଛି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ଗତ ୨୪ଘଣ୍ଟାରେ ରାଜ୍ୟରେ ହାରାହାରି ୪୭ମିମି ବର୍ଷା ହୋଇଥିବାବେଳେ ୨ଟି ଜିଲ୍ଲା ସମ୍ବଲପୁର ଓ କନ୍ଧମାଳରେ ୧୦୦ମିମି ବର୍ଷା ହୋଇଛି । ସେହିପରି ୧୦ଟି ଜିଲ୍ଲାରେ ୫୦ରୁ ୧୦୦ମିମି ମଧ୍ୟରେ ବର୍ଷା ରେକର୍ଡ ହେ।ଇଛି ।