oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ଧିରେ ଧିରେ ଦୁର୍ବଳ ହେଉଛି ଘୂର୍ଣ୍ଣିବଳୟ ପ୍ରଭାବ : ଦୁଇ ଦିନ ବର୍ଷା ପରେ ପାଗ ଶୁଖିଲା

24/07/2022 at 8:12 AM

ଭୁବନେଶ୍ୱର ୨୪/୦୭: ଉତ୍ତର ଓଡ଼ିଶା ଉପରେ ସୃଷ୍ଟି ଘୂର୍ଣ୍ଣିବଳୟ ଏବେ ଆଭ୍ୟନ୍ତରୀଣ ଓଡ଼ିଶା ଉପରେ ରହିଛି । ଏହାର ପ୍ରଭାବ ଧୀରେ ଧୀରେ ଦୁର୍ବଳ ହେଉଛି । ଆଗାମୀ ଦୁଇ ଦିନ ରାଜ୍ୟର କିଛି ସ୍ଥାନରେ ଅଧିକ ବର୍ଷା ହୋଇପାରେ । ପରେ ପାଗ ଶୁଖିଲା ରହିବ । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଏହି ପୂର୍ବାନୁମାନ ଦେଇଛି । ରବିବାର ଓ ସୋମବାର ଦୁଇ ଦିନ ରାଜ୍ୟରେ ପ୍ରବଳ ବର୍ଷା ହୋଇଛି । ଉତ୍ତର ଆଭ୍ୟନ୍ତରୀଣ ଓ ଦକ୍ଷିଣ ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ବର୍ଷା ସମ୍ଭାବନା ରହିଛି । ଗଜପତି, ଗଞ୍ଜାମ, କନ୍ଧମାଳ, ପୁରୀ, ଖୋର୍ଦ୍ଧା, କଟକ, ନୟାଗଡ଼, ବୌଦ୍ଧ, ଅନୁଗୁଳ, ଢେଙ୍କାନାଳ, ଦେବଗଡ଼, ସୁନ୍ଦରଗଡ଼, ସମ୍ବଲପୁର ଓ କେନ୍ଦୁଝର ଜିଲ୍ଲାର ଗୋଟିଏ ବା ଦୁଇଟି ସ୍ଥାନରେ ପ୍ରବଳ ବର୍ଷା ହୋଇପାରେ ବୋଲି ପୂର୍ବାନୁମାନ ଦିଆଯାଇଛି ।

ସେହିଭଳି ସୋମବାର ମାଲକାନଗିରି, କୋରାପୁଟ, ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର, ଯାଜପୁର, ଢେଙ୍କାନାଳ, କଟକ, ଜଗତସିଂହପୁର ଓ ପୁରୀ ଜିଲ୍ଲାର କିଛି ସ୍ଥାନରେ ବର୍ଷା ହୋଇପାରେ । ୨୬ ଓ ୨୭ ବର୍ଷା ସମ୍ଭାବନା ନାହିଁ ଓ ପାଗ ଶୁଖିଲା ରହିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । ରାଜ୍ୟରେ ଆଗାମୀ ଦୁଇ ଦିନ ସାମାନ୍ୟ ବର୍ଷା ହୋଇପାରେ । ଏହାପରେ ୫ ତାରିଖ ଯାଏ ବର୍ଷା ନାହିଁ ବୋଲି ସୋଆ ଜଳାବାୟୁ ଓ ପରିବେଶ କେନ୍ଦ୍ର ନିର୍ଦ୍ଦେଶକ ଡ. ଶରତ ସାହୁ ଆକଳନ କରିଛନ୍ତି ।

ଗତ ୨୪ ଘଣ୍ଟାରେ ରାଜ୍ୟର ବିଭିନ୍ନ ସ୍ଥାନରେ ଭଲ ବର୍ଷା ହୋଇଛି । ଛତ୍ରପୁରରେ ୯୧.୬ ମିଲିମିଟର, ଟିଟିଲାଗଡ଼ରେ ୬୩.୨ ମିଲିମିଟର, ଭବାନୀପାଟଣାରେ ୫୦.୬, ତାଳଚେରରେ ୩୫, ବାରିପଦାରେ ୨୪, ପୁରୀରେ ୨୩.୭, ଭଦ୍ରକରେ ୨୨.୪, ସୁନ୍ଦରଗଡ଼ରେ ୨୧.୩, କେନ୍ଦୁଝରରେ ୨୧.୧, ଦେବଗଡ଼ରେ ୨୯.୪ ମିଲିମିଟର ବର୍ଷା ହୋଇଛି । ଶନିବାର ସକାଳୁ ସନ୍ଧ୍ୟା ଭିତରେ ଯାଜପୁରରେ ୪୧, ସୋନପୁରରେ ୩୫, ବାଲେଶ୍ୱରରେ ୨୨, କଟକରେ ୧୧ ଓ ଭୁବନେଶ୍ୱରରେ ୨.୫ ମିଲିମିଟର ବର୍ଷା ହୋଇଥିବା ପାଣିପାଗ ବିଭାଗ ତଥ୍ୟ ରଖିଛି ।

ଜଳସମ୍ପଦ ବିଭାଗର ସୂଚନା ଅନୁସାରେ, ମହାନଦୀ ତଳମୁଣ୍ଡ ଆଠମଲ୍ଲିକରେ ୮୦, କାକଟପୁରରେ ୭୦, ଟିଟିଲାଗଡ଼ରେ ୬୩.୨, ପାଇକମାଳରେ ୬୦, ସିନାପାଲିରେ ୫୫.୬, ଭବାନୀପାଟଣାରେ ୫୦.୬ ମିମି ବର୍ଷା ହୋଇଛି । ମହାନଦୀର ଉପରମୁଣ୍ଡରେ ଥିବା ଝରାବନ୍ଧରେ ୬୪, ଗାଇସିଲଟରେ ୩୫ ମିମି ବର୍ଷା ହୋଇଛି । ବୁଢ଼ାବଳଙ୍ଗ ନଦୀ ଅଞ୍ଚଳର ସୋରରେ ୬୮ ଓ ବାହାଙ୍ଗାରେ ୭୦ମିମି ବର୍ଷା ହୋଇଛି । ଋଷିକୂଲ୍ୟାର ଛତ୍ରପୁରରେ ୯୧ ଓ ପୋଲସରାରେ ୭୦.୮ ମିମି ବର୍ଷା ହୋଇଛି ।

   Related Posts