କଟକ ୦୬।୦୬ : ବାହାନଗା ଟ୍ରେନ୍‌ ଟ୍ରାଜେଡି । ଏସ୍‌ସିବି ମେଡିକାଲରେ ପହଞ୍ଚିଲେ ରେଳ ବିଭାଗର ଡାକ୍ତରୀ ଦଳ । ଯଦିଓ ଏସ୍‌ସିବି ପ୍ରତ୍ୟେକ ଆହତଙ୍କ ଉନ୍ନତମାନର ଟିକିତ୍ସା ଚାଲିଛି । କିନ୍ତୁ ଆବଶ୍ୟକ ପଡିଲେ ରେଳ ସମସ୍ତ ପ୍ରକାଇ ସହଯୋଗ କରାଯିବ ବୋଲି କହିଛନ୍ତି ପୂର୍ବତଟ ରେଳପଥର ଜେନେରାଲ ମ୍ୟାନେଜର ।

ସେହିପରି ଯେଉଁ ପୀଡିତମାନଙ୍କର ପରିଚୟ ମିଳିପାରିନାହିଁ । ସେମାନଙ୍କ କିପରି ଚିହ୍ନଟ କରାଯିବ ଏବଂ ପରିବାର ବର୍ଗଙ୍କୁ ଯୋଗାଯୋଗ କରାଯିବ । ସେଥିଲାଗି ଚେଷ୍ଟା ଜାରି ରହିଛି । ରେଳବାଇର ଡାକ୍ତରୀ ଟିମ୍‌ ଲଗାତର ଭାବେ ନଜର ରଖିଛି ।

ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ବାହାନଗା ରେଳ ଦୁର୍ଘଟଣାର ଶିକାର ହୋଇ କଟକ ବଡ ମେଡିକାଲରେ ଭର୍ତ୍ତି ହୋଇଥିବା ଆହତଙ୍କ ମଧ୍ୟରୁ ୫୨ ଜଣ ଡିସ୍‌ଚାର୍ଜ ହୋଇସାରିଲେଣି । କିନ୍ତୁ ଆଇସିୟୁରେ ଭର୍ତ୍ତି ସଂଖ୍ୟା ବଢିଛି । ମଙ୍ଗଳବାର ସୁଦ୍ଧା ୧୭ ଜଣ ଆହତ ବ୍ୟକ୍ତି ବିଭିନ୍ନ ବିଭାଗର ଆଇସିୟୁରେ ରହି ଚିକିତ୍ସିତ ହେଉଥିବା ଏସ୍‌ସିବି ଜରୁରୀକାଳୀନ ଅଧିକାରୀ ଡଃ ଭୁବନାନନ୍ଦ ମହାରଣା ସୂଚନା ଦେଇଛନ୍ତି । କଟକ ଏସ୍‌ସିବିରେ ମୋଟ୍ ୧୯୭ ଜଣ ଭର୍ତ୍ତି ହୋଇଥିଲେ । ସେମାନଙ୍କ ଭିତରୁ ୬ ଜଣଙ୍କ ପରିଚୟ ମିଳିପାରି ନଥିଲା । ଖୁସିର କଥା ହେଲା ଅପରିଚିତଙ୍କ ମଧ୍ୟରୁ ୪ ଜଣଙ୍କ ପରିଚୟ ମିଳିସାରିଛି ବୋଲି ଏସ୍ସିବି କର୍ତ୍ତୃପକ୍ଷ ସୂଚନା ଦେଇଛନ୍ତି ।