ଜୟପୁର ୨୬।୯: ମାଟି ଅତଡା ଖସିବାରୁ ୩ ଦିନ ହେଲା କୋରାପୁଟ ଦେଇ ଯାଇଥିବା କେକେ ଲାଇନରେ ରେଳ ଚଳାଚଳ ବାଧାପ୍ରାପ୍ତ । କୋତାବାଲସା ଠାରୁ କିରଣ୍ଡୁଲ ମଧ୍ୟରେ ୮ଟି ଯାତ୍ରୀବାହୀ ଟ୍ରେନ୍ ସହ ଅନେକ ମାଲଗାଡି ଚଳାଚଳ ବାଧାପ୍ରାପ୍ତ ହୋଇଛି ।

ଗତ ରବିବାର ସକାଳୁ କୋରାପୁଟ ନିକଟସ୍ଥ ମାନବାର ଓ ଜରତି ଷ୍ଟେସନ ମଧ୍ୟରେ ପାହାଡ ଧସି ରେଳ ଟ୍ରାକ୍ ଉପରେ ମାଟି ଅତଡା ପଡି ରହିଛି । ତେବେ ମାଟି ଅତଡା ବିପୁଳ ପରିମାଣର ପଡିଥିବାରୁ ଏସବୁକୁ ହଟାଇବାକୁ ସମୟ ଲାଗୁଛି । ରେଳ ବିଭାଗର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସ୍ଥିତି ତଦାରଖ କରୁଛନ୍ତି । ତଥାପି ମାଟି ଅତଡା ହଟାଇବାକୁ ଆହୁରି ୨ ଦିନ ଲାଗିପାରେ । ରେଳ ଚଳାଚଳ ବାଧାପ୍ରାପ୍ତ କାରଣରୁ ସାଧାରଣ ଯାତ୍ରୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସେହିପରି ମାଲଗାଡି ଚଳାଚଳ ବନ୍ଦ ଥିବାରୁ ରେଳ ବିଭାଗ କୋଟି କୋଟି ଟଙ୍କାର ରାଜସ୍ୱ ହରାଉଛି । ହୀରାଖଣ୍ଡ ସମେତ କିଛି ଟ୍ରେନ ଜୟପୁର ନଆସି କୋରାପୁଟରୁ ଫେରିଯାଉଛି ।

You Can Read :