ଆଠଗଡ ୦୬/୦୯: ଅବକାରୀ ବିଭାଗ ଏବଂ ଖୁଣ୍ଟୁଣି ପୋଲିସ୍ ପକ୍ଷରୁ ଚଢ଼ାଉ । ଯେତେ ଖୋଜିଲେ ସେତେ ବାହାରୁଛି ଚୋରା ଦେଶୀ ବିଦେଶୀ ମଦ ସହ ପୋଚ। ଖୁଣ୍ଟୁଣି ପୋଲିସ୍ ସହିତ କଟକ ଫ୍ଲାଇଂ ସ୍କ୍ୱାଡ ଓ ଆଠଗଡ଼ ଅବକାରୀ ବିଭାଗର ମିଳିତ ଚଢ଼ାଉ କରି ଖୁଣ୍ଟୁଣୀ ଥାନା ଅନ୍ତର୍ଗତ ଡ଼ାଳୁଆ ଓ ଖଣ୍ଡୁଆଳି ଗ୍ରାମର ଚତୁପାର୍ଶ୍ଵରେ ଚଢ଼ାଉ କରାଯାଇଥିଲା ।
ଚୋରା ଦେଶୀ ମଦ ରନ୍ଧା ପ୍ରସ୍ତୁତ ପାଇଁ ରହୁଥିବା ୯୩୧୦ ଲିଟର ପୋଚ ସହିତ ୧୧୫୫ ଲିଟର ଦେଶୀ ମଦକୁ ନଷ୍ଟ କରିଛି ଅବକାରୀ ବିଭାଗ । ଆଠଗଡ଼ ଅଞ୍ଚଳରେ ଅନେକ ଥର ଚଢାଉ ହେଉଛି। କିନ୍ତୁ ଅବକାରୀ ବିଭାଗୀୟ ଅଧିକାରୀ ମାନେ ଅଭିଯୁକ୍ତ ମାନଙ୍କୁ ଗିରଫ କରିବାରେ ବାରମ୍ୱାର ବିଫଳ ହେଉଛନ୍ତି। ଏହି ଚଢ଼ାଉରେ ଅବକାରୀ ଏବଂ ପୋଲିସର ୬ ଉର୍ଦ୍ଧ ଅଧିକାରୀ ସାମିଲ ଥିଲେ ।
