ଭୁବନେଶ୍ୱର ୧୫।୦୫: ବୁଧବାର ଓଡ଼ିଶା ଆସୁଛନ୍ତି କଂଗ୍ରେସର ନେତା ରାହୁଲ ଗାନ୍ଧି । ବଲାଙ୍ଗିରରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ରାହୁଲ । ଏଥିପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି । କଂଗ୍ରେସର ଏହି ପୂର୍ବତନ ଅଧ୍ୟକ୍ଷଙ୍କ ଗସ୍ତକୁ ନେଇ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।
ଖବର ଅନୁଯାୟୀ, ଦିନ ସାଢେ ୧୧ଟାରେ ଭୁବନେଶ୍ବରର ପହଞ୍ଚି ସ୍ବତନ୍ତ୍ର ହେଲିକପ୍ଟରରେ ମନୋହରପୁର ରିଜର୍ଭ ପୋଲିସ ପଡିଆରେ ପହଞ୍ଚିବେ । ସେଠାରୁ ତାଙ୍କୁ ଭବ୍ୟ ସ୍ବାଗତ କରାଯାଇ ବାଇକ୍ ରାଲିରେ କୋଶଳ କଳା ମଣ୍ଡପକୁ ନିଆଯିବ। ବଲାଙ୍ଗୀର ସାଂସଦ ପ୍ରାର୍ଥୀ ଏବଂ ସଂସଦୀୟ କ୍ଷେତ୍ରର ୭ ବିଧାୟକ ପ୍ରାର୍ଥୀଙ୍କ ଲାଗି ଭୋଟ ଭିକ୍ଷା କରିବେ ରାହୁଲ। ରାହୁଲଙ୍କୁ ସ୍ବାଗତ କରିବା ପାଇଁ ବଲାଙ୍ଗୀର ଜିଲ୍ଲା କଂଗ୍ରେସ, ମହିଳା କଂଗ୍ରେସ, ଯୁବ କଂଗ୍ରେସ , ଛାତ୍ର କଂଗ୍ରେସ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ଆସନ୍ତା ୧୬ ତାରିଖରେ କଂଗ୍ରେସ ଅଧକ୍ଷ ମଲିକାର୍ଜୁନ ଖଡ଼ଗେ ମଧ୍ୟ ଓଡିଶା ଆସିବାର କାର୍ଯ୍ୟକ୍ରମ ରହିଛି । କନ୍ଧମାଳରେ ଆୟୋଜିତ ସାଧାରଣ ସଭାରେ ଖଡଗେ ଉଦବୋଧନ ଦେବେ । ସେହିପରି ପଶ୍ଚିମରେ ବି କମ୍ପିବ ମୈଦାନ । ପ୍ରଚାରକୁ ଓହ୍ଲାଇବେ ପ୍ରମୁଖ ତିନି ଦଳର ହେଭିଓ୍ବେଟ୍। ରାଉରକେଲା, ଦେବଗଡ଼ ଏବଂ ଅନୁଗୋଳର ପ୍ରଚାର କରିବେ ବିଜେଡି ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
