ନୂଆଦିଲ୍ଲୀ: ରାହୁଲ ଗାନ୍ଧୀଙ୍କ ଉପରେ ଶାଣିତ ଆକ୍ରମଣ କଲେ କେନ୍ଦ୍ରମନ୍ତ୍ରୀ କିରଣ ରିଜିଜୁ। ରାହୁଲ ଭାରତ ପାଇଁ ବିପଦ। ସେ ଦେଶ ଭିତରେ ବିଭେଦ ସୃଷ୍ଟି କରିବା ପାଇଁ ଲୋକଙ୍କୁ ଉସ୍‌କାଉଛନ୍ତି ବୋଲି କିରଣ ରିଜିଜୁ କହିଛନ୍ତି। ରାହୁଲ ଗାନ୍ଧୀଙ୍କର ବ୍ରିଟେନ୍‌ର କେମ୍ବ୍ରିଜ୍ ୟୁନିଭର୍ସିଟିରେ ଦିଆଯାଇଥିବା ଏକ ଭାଷଣକୁ ଟ୍ୱିଟ୍ କରି ଏପରି ଆଟାକ୍ କରିଛନ୍ତି ରିଜିଜୁ।

ଆତ୍ମଘୋଷିତ କଂଗ୍ରେସ ରାଜକୁମାର ସବୁ ସୀମା ପାର୍ କରୁଛନ୍ତି ବୋଲି ରିଜିଜୁ କହିଛନ୍ତି। ସେ କହିଛନ୍ତି “ଭାରତୀୟ ଏକତା ପାଇଁ ଏହି ଲୋକ ଅତି ଭୟଙ୍କର। ବର୍ତ୍ତମାନ ସେ ଭାରତକୁ ଅଲଗା କରିଦେବା ପାଇଁ ଲୋକଙ୍କୁ ମତାଉଛନ୍ତି। ତେବେ ଭାରତର ସବୁଠାରୁ ଲୋକପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଗୋଟିଏ ମନ୍ତ୍ର ରହିଛି ଏକ ଭାରତ ଶ୍ରେଷ୍ଠ ଭାରତ।”

କେମ୍ବ୍ରିଜ୍ ୟୁନିଭର୍ସିଟିରେ ଭାଷଣ ଦେଇ ରାହୁଲ ଗାନ୍ଧୀ ପ୍ରଧାନମନ୍ତ୍ରୀଙ୍କୁ କଡ଼ା ସମାଲୋଚନା କରୁଛନ୍ତି। ମୋଦୀ ଭାରତୀୟ ଗଣତନ୍ତ୍ରର ଗଣତାନ୍ତ୍ରୀକ ସଂରଚାକୁ ଭାଙ୍କୁଛନ୍ତି ବୋଲି ରାହୁଲ ତାଙ୍କ ଭାଷଣରେ କହିଛନ୍ତି।

ସେ କହିଛନ୍ତି “ଭାରତ ମିଳିତ ରାଜ୍ୟମାନଙ୍କର ଏକ ସଂଘ। ପରସ୍ପର ମଧ୍ୟରେ ଏକ ବୁଝାମଣା । ହେଲେ ଯଦି ଆପଣ ଗୋଟିଏ ଆଇଡିଆକୁ ଗୋଟିଏ ସଂଘ ଉପରେ ଲଦିବାକୁ ଚେଷ୍ଟା କରିବେ ପ୍ରତିକ୍ରାୟା ସୃଷ୍ଟି ହେବ। ଏଠି ଜଣେ ଶିଖ୍ ଭଦ୍ରଲୋକ ବସିଛନ୍ତି। ସେ ଶିଖ ଧର୍ମରୁ ଆସୁଛନ୍ତି। ଆମ ଭାରତରେ ମୁସଲମାନ ଓ ଖ୍ରୀଷ୍ଟିଆନ ରହୁଛନ୍ତି। ଭାରତରେ ବିଭିନ୍ନ ବାଷା ରହିଛି। ସେମାନେ ସମସ୍ତେ ଭାରତୀୟ। କିନ୍ତୁ ଶ୍ରୀ ମୋଦୀ କହୁଚନ୍ତି ଯେ ସେମାନେ ନୁହଁନ୍ତି। ସେମାନେ ଦେଶର ଦ୍ୱିତୀୟ ଶ୍ରେଣୀର ନାଗରିକ। ମୁଁ ତାଙ୍କର ଏ କଥାରେ ସହମତ ନୁହେଁ।”

ରାହୁଲଙ୍କର ଏହି ମନ୍ତବ୍ୟରେ ଜବାବ ଦେଇଛନ୍ତି ରିଜିଜୁ। ସେ ଲେଖିଛନ୍ତି ଯେ ରାହୁଲଙ୍କ କଥାରେ ପ୍ରତିକ୍ରିୟା ଦେବା ଦରକାର ନାହିଁ। ତେବେ ଭାରତ ବିରୋଧୀ ଶକ୍ତିମାନେ ଭାରତ ବିରୋଧୀ ପ୍ରତିକ୍ରିୟା ଦେଇ ଦେଶର ଛବି ଖରାପ କରିବାକୁ ଚେଷ୍ଟା କରୁଛନ୍ତି। ଭାରତୀୟ ଲୋକମାନେ ଜାଣିଛନ୍ତି ଯେ ରାହୁଲ ଗାନ୍ଧୀ ହେଉଛନ୍ତି ଜଣେ ପପୁ। ହେଲେ ବିଦେଶୀ ଲୋକମାନେ ଜାଣି ନାହାନ୍ତି ଯେ ସେ ଜଣେ ସତରେ ପପୁ।

ତେବେ ବାରମ୍ବାର ସେଇ ଗୋଟିଏ କଥାକୁ ଦୋହରାଇବାର ଗୋଟି ସୀମା ଥାଏ ବୋଲି ମନ୍ତ୍ରୀ କହିଛନ୍ତି। ସୂଚନା ଥାଉକି ରାହୁଲ ଗାନ୍ଧୀ ଗତ କିଛିଦିନ ହେବା ବ୍ରେଟିନ୍ ଗସ୍ତରେ ଅଛନ୍ତି। ସେଠାରେ ସେ କେମ୍ବ୍ରିଜ୍ ବିଶ୍ୱ ବିଦ୍ୟାଳୟରେ ଛାତ୍ରଛାତ୍ରୀମାନଙ୍କୁ ବିଭିନ୍ନ ପ୍ରସଙ୍ଗରେ ଭାଷଣ ଦେବାକୁ ଯାଇଛନ୍ତି।