Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାନବିକତାର ପରିଚୟ ଦେଲେ ରାହୁଲ ; ତଳେ ପଡିଯାଇଥିବା କ୍ୟାମେରାମ୍ୟାନଙ୍କୁ ହାତ ଧରି ଉଠାଇଲେ

25/01/2019 at 2:03 PM

ଭୁବନେଶ୍ବର ୨୫|୧:  କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଆଜି ଓଡିଶା ଗସ୍ତରେ ଆସିଛନ୍ତି । ଓଡିଶା ମାଟିରେ ତାଙ୍କ ମାନବିକତାର ପରିଚୟ ଦେଇଛନ୍ତି ରାହୁଲ । ଭୁବନେଶ୍ବର ବିମାନ ବନ୍ଦରରୁ ବାହାରିବା ସମୟରେ ରାହୁଲଙ୍କ ଫଟୋ ଉଠାଇବା ବେଳେ ତାଙ୍କ କ୍ୟାମେରାମ୍ୟାନ ହଠାତ୍ ତଳେ ପଡିଯାଇଥିଲେ । ଏହା ଦେଖି ରାହୁଲ ତାଙ୍କ ପାଖକୁ ଯାଇ ତାଙ୍କ ହାତ ଧରି ତଳୁ ଉଠାଇଥିଲେ । ସଂପୃକ୍ତ କ୍ୟାମେରାମ୍ୟାନ୍ ଜଣଙ୍କ ରାହୁଲଙ୍କ ସହ ବିମାନରେ ଦିଲ୍ଲୀରୁ ଆସିଥିଲେ । ତେବେ ରାହୁଲ ନିଜେ ତାଙ୍କୁ ତଳୁ ଉଠାଇ ମାନବିକତାର ପରିଚୟ ଦେଇଛନ୍ତି ।

ଆଜି ସକାଳ ପ୍ରାୟ ୧୦ଟା ୪୫ରେ ଦିଲ୍ଲୀରୁ ଏକ ସ୍ବତନ୍ତ୍ର ବିମାନରେ ଭୁବନେଶ୍ବର ବିମାନବନ୍ଦରରେ ଆସି ପହଞ୍ଚିଥିଲେ ରାହୁଲ । ବିମାନବନ୍ଦରରେ ଦଳ ପକ୍ଷରୁ ବରିଷ୍ଠ ନେତାମାନେ ତାଙ୍କୁ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ । ସେଠାରୁ ରୋଡ୍ ସୋ କରି ହୋଟେଲ ମେ’ ଫେୟାର ଯାଇଥିଲେ ରାହୁଲ । ସେଠାରେ ଟାଉନ୍ ହଲ୍ କାର୍ଯ୍ୟକ୍ରମରେ ଯୋଗଦେଇ ବୁଦ୍ଧିଜୀବୀଙ୍କ ସହ ଆଲୋଚନା କରିଛନ୍ତି ରାହୁଲ । ଏହାପରେ ତମାଣ୍ଡୋ ମିନି ଷ୍ଟାଡିୟମ ଆୟୋଜିତ ସମାବେଶରେ ଯୋଗଦେବେ ରାହୁଲ । ଏହା ପରେ ଅପରାହ୍ନ ୪ଟା ୫ରେ ରାହୁଲ କଂଗ୍ରେସ ଭବନରେ ପହଞ୍ଚିବେ । ସେଠାରେ ହାଲ୍ ର କର୍ମଚାରୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏହା ପରେ ରାହୁଲ ରାଜ୍ୟ କଂଗ୍ରେସର ବରିଷ୍ଠ ନେତୃମଣ୍ଡଳୀ ଓ ବିଧାୟକଙ୍କ ସହ ଆଲୋଚନା କରିବେ । ସଂଧ୍ୟା ୫ଟା ୫୦ ମିନିଟରେ ରାହୁଲ କଂଗ୍ରେସ ଭବନ ଛାଡି ବିମାନବନ୍ଦର ଅଭିମୁଖେ ବାହାରିବେ । ସଂଧ୍ୟା ୬ଟା ୩୫ରେ ଦିଲ୍ଲୀ ଯାତ୍ରା କରିବେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି।

   Related Posts