ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଆମେରିକା ଗସ୍ତରେ ଅଛନ୍ତି । ଏଠାରେ ସେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇ ବିଜେପି ସରକାରଙ୍କୁ ଟାର୍ଗେଟ୍ କରୁଛନ୍ତି । ଏବେ ରାହୁଲ ଗାନ୍ଧୀ ମୁସଲିମ୍ ଲିଗକୁ ଧର୍ମନିରପେକ୍ଷ (ସେକ୍ୟୁଲାର) ପାର୍ଟି ବୋଲି କହିଛନ୍ତି । ଏହାକୁ ନେଇ ବିଜେପି ନେତା ରାହୁଲ ଗାନ୍ଧୀଙ୍କୁ ପାଲଟା ଆକ୍ରମଣ କରିଛନ୍ତି । ବିଜେପି ନେତା ଅମିତ୍ ମାଲଭିୟ କହିଛନ୍ତି ଯେ ଯେଉଁ ମୁସଲିମ ପାର୍ଟି ଦେଶ ବିଭାଜନ ପାଇଁ ଦାୟୀ, ତାହା ରାହୁଲ ଗାନ୍ଧୀଙ୍କ ଅନୁସାରେ ସେକ୍ୟୁଲାର ପାର୍ଟି ଅଟେ । ମାଲଭିୟ କହିଛନ୍ତି ଯେ ୱାଇନାଡରେ ଗ୍ରହଣୀୟତା ବଜାୟ ରଖିବା ପାଇଁ ଏହା ତାଙ୍କର ବିବଶତା ଅଟେ ।

ପଢନ୍ତୁ: ପ୍ରଥମ ଓଡ଼ିଆ ଭାବେ ମୃତ୍ୟୁଞ୍ଜୟ ମହାପାତ୍ର ହେଲେ ବିଶ୍ୱ ପାଣିପାଗ ବିଜ୍ଞାନ ସଂଗଠନର ଉପାଧ୍ୟକ୍ଷ

ୱାଶିଂଟନ ଡିସିରେ ନ୍ୟାସନାଲ ପ୍ରେସ କ୍ଲବରେ ରାହୁଲ ଗାନ୍ଧୀ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏଠାରେ ସେ ବିଭିନ୍ନ ପ୍ରଶ୍ନର ଉତ୍ତର ଦେଇଛନ୍ତି । ଏହି ସମୟରେ ରାହୁଲଙ୍କୁ କେରଳରେ ଇଣ୍ଡିଆନ ୟୁନିୟନ ମୁସଲିମ ଲିଗ ସହ କଂଗ୍ରେସର ମେଣ୍ଟ ନେଇ ପ୍ରଶ୍ନ କରାଯାଇଥିଲା । ଏହାର ଜବାବରେ ରାହୁଲ କହିଥିଲେ, ‘ମୁସଲିମ୍ ଲିଗ୍ ସମ୍ପୂର୍ଣ୍ଣ ରୂପେ ଧର୍ମନିରପେକ୍ଷ ଦଳ ଅଟେ । ଏଥିରେ କିଛି ବି ନନ-ସେକ୍ୟୁଲାର ନାହିଁ’। ଉଲ୍ଲେଖଯୋଗ୍ୟ ଯେ କେରଳରେ ଇଣ୍ଡିଆନ ୟୁନିୟନ ମୁସଲିମ ଲିଗ୍ ସହ କଂଗ୍ରେସର ମେଣ୍ଟ ରହିଛି ।

Jinnah’s Muslim League, the party responsible for India’s partition, on religious lines, according to Rahul Gandhi is a ‘secular’ party.

Rahul Gandhi, though poorly read, is simply being disingenuous and sinister here…

It is also his compulsion to remain acceptable in Wayanad. pic.twitter.com/sHVqjcGYLb

— Amit Malviya (@amitmalviya) June 1, 2023

ଏହି ପ୍ରସଙ୍ଗ ଉପରେ ବିଜେପି ଆଇଟି ସେଲର ମୁଖ୍ୟ ଅମିତ୍ ମାଲଭିୟ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କଡ଼ା ଜବାବ ଦେଇଛନ୍ତି । ସେ ଟ୍ୱିଟ୍ କରି କହିଛନ୍ତି, ‘ଜିନ୍ନାଙ୍କ ମୁସଲିମ୍ ଲିଗ୍, ଯେଉଁ ପାର୍ଟି ଧାର୍ମିକ ଆଧାରରେ ଭାରତର ବିଭାଜନ ପାଇଁ ଦାୟୀ, ତାହା ରାହୁଲ ଗାନ୍ଧୀଙ୍କ ଅନୁସାରେ ସେକ୍ୟୁଲାର ପାର୍ଟି ଅଟେ । ୱାଇନାଡରେ ଗ୍ରହଣୀୟତା ବଜାୟ ରଖିବା ପାଇଁ ଏହା ତାଙ୍କର ବିବଶତା ଅଟେ’ । ଉଲ୍ଲେଖଯୋଗ୍ୟ ଯେ ୨୦୧୯ ଲୋକସଭା ନିର୍ବାଚନରେ ରାହୁଲ ଗାନ୍ଧୀ ଅମେଠୀ ସହ ୱାଇନାଡରୁ ନିର୍ବାଚନ ଲଢିଥିଲେ । ଅମେଠୀରୁ ପରାଜିତ ହୋଇଥିବା ବେଳେ ୱାଇନାଡରୁ ନିର୍ବାଚିତ ହୋଇଥିଲେ । ନିକଟରେ ସୁରଟ କୋର୍ଟ ମାନହାନୀ ମକୋଦ୍ଦମାରେ ରାହୁଲ ଗାନ୍ଧୀଙ୍କୁ ୨ ବର୍ଷ ଦଣ୍ଡ ଶୁଣାଇଥିଲେ । ଏହାପରେ ତାଙ୍କର ସଦସ୍ୟତା ରଦ୍ଦ ହୋଇଥିଲା ।  

READ ALSO: ୨୦୨୪ ସୁଦ୍ଧା କର୍ଣ୍ଣାଟକରେ ଆଇଫୋନ୍‌ ତିଆରି ଆରମ୍ଭ କରିବ ଫକ୍ସକନ; ଜୁଲାଇ ସୁଦ୍ଧା ସରିବ ଜମି ହସ୍ତାନ୍ତର ପ୍ରକ୍ରିୟା