ଭୁବନେଶ୍ୱର ୩/୧୦ : ଭୁବନେଶ୍ବର ଉପକଣ୍ଠ ଡୁମୁଡୁମା ରଘୁନାଥନଗରରେ ବୋମାମାଡ ଘଟଣା । ଗଣ୍ଡଗୋଳ ଓ ପୋଲିସକୁ ଆକ୍ରମଣ ଘଟଣାରେ ୫୦ରୁ ଉର୍ଦ୍ଧ୍ବ ଲୋକଙ୍କୁ ଘରୁ ଉଠାଇ ନେଲା ପୋଲିସ । ସୋମବାର ଡୁମଡୁମା ବଜାରରେ ୩ଟି ଦୋକାନରେ ବୋମାମାଡ ହୋଇଥିଲା । ଉତ୍ତ୍ୟକ୍ତ ଲୋକେ ଟାୟାର ଜାଳି ରାସ୍ତା ଅବରୋଧ କରିଥିଲେ । ଲୋକଙ୍କୁ ବୁଝାସୁଝା ପାଇଁ ଘଟଣାସ୍ଥଳକୁ ପୋଲିସ ଯାଇଥିଲା । ହେଲେ ପୋଲିସ ଉପରକୁ ଆକ୍ରମଣ କରିଥିଲେ ଉତ୍ତ୍ୟକ୍ତ ଲୋକେ । ପିସିଆର ଭ୍ୟାନ ଭାଙ୍ଗିବା ବ୍ୟାପକ ପୋଡ଼ାଜଳା କରିଥିଲେ । ଆକ୍ରମଣରେ ଖଣ୍ଡଗିରି ଥାନା ଅଧିକାରୀଙ୍କ ସହ ୫ ଜଣ ପୋଲିସ କର୍ମଚାରୀ ଆହତ ହୋଇଥିଲେ । ଘଟଣାକୁ ନେଇ ୩ ଦିନ ଧରି ସରଙ୍କତରା ଓ ରଘୁନାଥନଗରରେ ଉତ୍ତେଜନା ଲାଗି ରହିଛି ।