ଡରବାନ ୧୫।୨:  ଦକ୍ଷିଣ ଆଫ୍ରିକୀୟ ୱିକେଟ୍ କିପର ତଥା ବ୍ୟାଟସ୍‌ମ୍ୟାନ କ୍ୱିଣ୍ଟନ ଡି କକ୍‌ ଟି-୨୦ ଅନ୍ତର୍ଜାତୀୟ କ୍ରିକେଟ୍‌ରେ ଦ୍ରୁତତମ ଅର୍ଦ୍ଧଶତକ ହାସଲ କରିବାରେ ନୂଆ କିର୍ତ୍ତିମାନ ସ୍ଥାପନା କରିଛନ୍ତି। ଇଂଲଣ୍ଡ ବିରୋଧରେ ଅନୁଷ୍ଠିତ ମ୍ୟାଚ୍‌ରେ ସେ ଏହି ରେକର୍ଡ କରିଛନ୍ତି। ସେ ମାତ୍ର ୧୭ଟି ବଲରୁ ତାଙ୍କର ଅର୍ଦ୍ଧଶତକ ପୂରଣ କରିଛନ୍ତି।

{"id":224931,"sizeSlug":"large"}

ସେ ୨୨ଟି ବଲରୁ ୬୫ ରନର ଜବରଦସ୍ତ ଇନିଂସ ଖେଳିଥିଲେ। ଯେଉଁଥିରେ ତାଙ୍କର ୨ଟି ଚୌକା ଓ ୮ଟି ଛକ୍କା ବି ଥିଲା। ଏହା ପୂର୍ବରୁ ଏ.ବି.ଡେଭିଲିୟର୍ସ ଓ ଡି କକ୍ ୨୧ ବଲରୁ ୫୦ ରନ କରିବାର ରେକର୍ଡ କରିଥିଲେ। ତେବେ ଇଂଲଣ୍ଡ ବିପକ୍ଷରେ କକ୍‌ଙ୍କ ଏହି ତୋଫାନୀ ଅର୍ଦ୍ଧଶତକ ତାଙ୍କ ଟିମକୁ ବିଜୟୀ କରିପାରିନାହିଁ। ଆୟୋଜକ ଦକ୍ଷିଣ ଆଫ୍ରିକାକୁ ୨ ରନ ଯୋଗୁ ପରାସ୍ତ ହେବାକୁ ପଡିଛି।

{"id":224932,"sizeSlug":"large"}

ଏହି ବିଜୟ ସହ ଭ୍ରମଣକାରୀ ଇଂଲଣ୍ଡ ୩ ଟିକିଆ ଟି-୨୦ ଶୃଙ୍ଖଳାକୁ ୧-୧ରେ ବରାବର କରିବାରେ ସଫଳ ହୋଇଛି। ତେବେ ଟି-୨୦ରେ ଦ୍ରୁତତମ ଅର୍ଦ୍ଧଶତକ ହାସଲର ରେକର୍ଡ ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂହଙ୍କ ନାମରେ ରହିଛି। ସେ ୨୦୦୭ ଟି-୨୦ ବିଶ୍ୱକପ୍‌ରେ ଇଂଲଣ୍ଡ ବିପକ୍ଷରେ ଖେଳି ମାତ୍ର ୧୨ଟି ବଲରୁ ୫୦ ରନ ସଂଗ୍ରହର ରେକର୍ଡ ନିଜ ନାମରେ ନାମିତ କରିଛନ୍ତି।