ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୨୦-୨୨ରେ କୋଭିଡ଼ ନେଇଛି ୨୦ହଜାରରୁ ଅଧିକ ଜୀବନ, ବିଧାନସଭାରେ ରାଜସ୍ୱ ମନ୍ତ୍ରୀଙ୍କ ଲିଖିତ ଉତ୍ତର
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିରେ ହାଜର ହେଲେ ହୋଟେଲ ମାଲିକ
  • ||
  • ଟାଙ୍ଗୀ : ଅଧୁରା ରହିଗଲା ଜଗା ଦର୍ଶନ, ଦୁର୍ଘଟଣାରେ ଚାଲିଗଲା ୪ ଜୀବନ
  • ||

ମନ୍ଦିର ପାଖରେ ୨୦ ଫୁଟ୍ ଲମ୍ବର ଅଜଗର : ଦେଖୁ ଦେଖୁ ମୟୁରକୁ ଜିଅନ୍ତା ଗିଳିଦେଲା, ସ୍ଥାନୀୟ ଅଞ୍ଚଳରେ ଆତଙ୍କ

1/06/2020 at 1:13 PM

ଯମୁନାନଗର ୦୧/୦୬ : ଗତ କିଛି ଦିନ ହେଲା ହରିୟାଣା ଯମୁନାନଗରରେ ଦିନବେଳେ ଟାଣ ଖରା ହେଉଥିବାବେଳେ ରାତିରେ ବର୍ଷା ହେଉଛି | ଯାହାଫଳରେ ଜନଜୀବନ ଅସ୍ତବ୍ୟସ୍ତ ହୋଇ ପଡିଥିବାବେଳେ ବନ୍ୟା ଜୀବଜନ୍ତୁଙ୍କ ପାଇଁ ମଧ୍ୟ ସମୟ ଦେଖାଦେଇଛି | ପାଣିପାଗରେ ହଠାତ ଦେଖା ଦେଇଥିବା ଏହିଭଳି ପରିବର୍ତ୍ତନ ଯୋଗୁଁ ରାଷ୍ଟ୍ରୀୟ ପକ୍ଷୀ ମୟୁର ପାଇଁ ଜୀବନ ମୃତ୍ୟୁ ଭଳି ପରିସ୍ଥିତି ସୃଷ୍ଟି ହୋଇଛି | ଘଞ୍ଚ ବୁଦା ଓ ଗଛ ତଲାଶରେ ମୟୁର ଜଙ୍ଗଲ ମୁହାଁ ହୋଇଛନ୍ତି | ଜଙ୍ଗଲରେ ଭୟଙ୍କର ବିଶାଳକାୟ ଅଜଗର ସାପ ସେମାନଙ୍କୁ ଶିକାର କରିବାକୁ ଅପେକ୍ଷା କରି ବସିଛନ୍ତି | ବିଶାଳକାୟ ଅଜଗର ମୟୁରମାନଙ୍କୁ ଶିକାର କରି ଜିଅନ୍ତା ଗିଳି ଦେଉଛନ୍ତି | ଏହି ଭୟଙ୍କର ଦୃଶ୍ୟର ଏକ ଭିଡିଓ ସାମ୍ନାକୁ ଆସିଛି | ଅଜଗର ଏକ ମୟୁରକୁ ଜିଅନ୍ତା ଗିଳି ଦେଉଥିବା ଭିଡିଓରେ ସ୍ପଷ୍ଟ ଦେଖିବାକୁ ମିଳିଛି | ମାମଲା ସଢାରା ବ୍ଲକର ଝଣ୍ଡା ଅଞ୍ଚଳର | ଗ୍ରାମବାସୀ ମୋବାଇଲରେ ଏହି ଭିଡିଓ ରେକର୍ଡ କରିଛନ୍ତି |

ଗାଁର ପୂର୍ବତନ ସରପଞ୍ଚ ମାଁ ସିଂ କହିଛନ୍ତି ଯେ, ଗାଁର ପାହାଡି ନିକଟସ୍ଥ ଶିବ ମନ୍ଦିର ପାଖରୁ ବିଶାଳକାୟ ଅଜଗର ସାପ ବାହାରିଥିଲା | ସାପକୁ ଦେଖି ଲୋକଙ୍କ ମଧ୍ୟ ଆତଙ୍କ ସୃଷ୍ଟି ହୋଇଥିଲା | ଅଜଗର ସେଠାରେ ବୁଲୁଥିବା ଏକ ମୟୁରକୁ ଜିଅନ୍ତା ଗିଳି ଦେଇଥିଲା | ଭୟଭୀତ ଗ୍ରାମବାସୀ ବନ ବିଭାଗ କର୍ମଚାରୀ ଓ ପୋଲିସକୁ ସୂଚନା ଦେଇଥିଲେ | ବନ ବିଭାଗ ଟିମ ଓ ପୋଲିସ ପହଞ୍ଚିବା ପୂର୍ବରୁ ଅଜଗର ଜଙ୍ଗଲ ଭିତରକୁ ଚାଲିଯାଇଥିଲା | ଗ୍ରାମବାସୀ କହିଛନ୍ତି ଯେ ବିଶାଳକାୟ ଅଜଗରକୁ ଦେଖି ସେମାନଙ୍କ ହୋସ ଉଡି ଯାଇଥିଲା | ପାଖାପାଖି ୧୫ ରୁ ୨୦ ଫୁଟ ଲମ୍ବ ଅଜଗର ମୟୁରକୁ ସମ୍ପୂର୍ଣ ଗିଳି ଦେଇଥିଲା | ଅଜଗର ବାହାରିବା ପରେ ଲୋକେ ନିଜ ଚାଷଜମିକୁ ଯିବା ପାଇଁ ଭୟଭୀତ ହେଉଛନ୍ତି |

   Related Posts