ନୂଆଦିଲ୍ଲୀ ୨୧।୦୩:  ଉତ୍ତରାଖଣ୍ଡରେ କିଏ ହେବେ ପରିବର୍ତ୍ତୀ ମୁଖ୍ୟମନ୍ତ୍ରୀ ତାହା ଉପରୁ ହଟିଛି ସସପେନ୍ସ । ପୁଣି ଥରେ ପୁଷ୍କର ସିଂ ଧାମି ରାଜ୍ୟର ମୁଖ୍ୟମନ୍ତ୍ରୀ ହେବେ। ବିଜେପି ବିଧାୟକ ଦଳ ବୈଠକରେ ପୁଷ୍କର ସିଂ ଧାମି ସର୍ବସମ୍ମତିରେ ନେତା ନିର୍ବାଚିତ ହୋଇଛନ୍ତି। ବିଜେପିର କେନ୍ଦ୍ରୀୟ ପର୍ଯ୍ୟବେକ୍ଷକ ତଥା କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ କେନ୍ଦ୍ର ବିଦେଶ ରାଷ୍ଟ୍ରମନ୍ତ୍ରୀ ମୀନାକ୍ଷୀ ଲେଖିଙ୍କ ଉପସ୍ଥିତିରେ ପୁଷ୍କର ସିଂ ଧାମି ବିଜେପି ବିଧାୟକ ଦଳ ନେତା ନିର୍ବାଚିତ ହୋଇଛନ୍ତି।

wp:html

Pushkar Singh Dhami announced as the leader of the Uttarakhand Bharatiya Janata Party Legislature Party.

(File Pic) pic.twitter.com/oh7KVRuPBo

— ANI UP/Uttarakhand (@ANINewsUP) March 21, 2022

/wp:html

ବିଜେପି ବିଧାୟକ ଦଳ ନେତା ନିର୍ବାଚିତ ହେବା ପରେ ପ୍ରତିରକ୍ଷା ମନ୍ତ୍ରୀ ଟ୍ୱିଟ କରି ଧାମିଙ୍କୁ ଶୁଭେଚ୍ଛା ଜଣାଇଛନ୍ତି। ରାଜନାଥ ସିଂ କହିଛନ୍ତି, ମୋର ବିଶ୍ୱାସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାର୍ଗଦର୍ଶନ ଏବଂ ପୁଷ୍କର ସିଂ ଧାମିଙ୍କ ନେତୃତ୍ୱରେ ଉତ୍ତରାଖଣ୍ଡ ପ୍ରଗତି କରିବ । ଧାମି ପୂର୍ବରୁ ସରକାର ଚଲାଇ ସାରିଛନ୍ତି। ସରକାର ଲଚାଇବାର ଅଭିଜ୍ଞତା ରହିଛି। ମାତ୍ର ଛଅ ମାସରେ ଧାମି ନିଜର ଛାପ ଛାଡି ସାରିଛନ୍ତି।    

wp:html

उत्तराखंड में भाजपा विधायक दल की बैठक में श्री @pushkardhami को नेता चुने जाने पर मैं हार्दिक बधाई और शुभकामनाएँ देता हूँ।

मुझे पूरा विश्वास है कि प्रधानमंत्री श्री @narendramodi के दिशा निर्देशन में और धामीजी के नेतृत्व में उत्तराखंड का बहुआयामी और बहुत तेज़ गति से विकास होगा।

— Rajnath Singh (@rajnathsingh) March 21, 2022

/wp:html

ଉଲ୍ଲେଖଯୋଗ୍ୟ ଯେ, ଉତ୍ତରାଖଣ୍ଡରେ ବିଜେପି ଚମତ୍କାର ପ୍ରଦର୍ଶନ କରି ଏକାକୀ ସରକାର ଗଢିବା ପାଇଁ ବହୁମତ ହାସଲ କରିଥିଲା। କିନ୍ତୁ ମୁଖ୍ୟମନ୍ତ୍ରୀ ଧାମି ଖଟିମା ଆସନରୁ ପରାଜିତ ହୋଇଥିଲେ। ଏପରି ସ୍ଥିତିରେ କିଏ ସରକାରର ନେତୃତ୍ୱ ନେବ ଏହାକୁ ଆଶଂକା ବଢିଥିଲା। ବିଜେପି ଶୀର୍ଷ ନେତୃତ୍ୱ ଏହା ଉପରେ ବିଚାରବିମର୍ଶ କରି ଶେଷରେ ଧାମିଙ୍କ ନାଁରେ ମୋହର ମରାଯାଇଛି। ଏପରି ସ୍ଥିତିରେ ଆସନ୍ତା ୬ ମାସ ମଧ୍ୟରେ ଧାମିଙ୍କୁ ନିର୍ବାଚନ ଜିତି ଗୃହର ସଦସ୍ୟ ହେବାକୁ ପଡିବ।

ଉତ୍ତରାଖଣ୍ଡ ବିଧାନସଭା ନିର୍ବାଚନରେ ବିଜେପି ମୋଟ ୭୦ଟି ଆସନରୁ ୪୭ଟି ଆସନରେ ବିଜୟୀ ହୋଇଥିଲା। ଅନ୍ୟପଟେ କଂଗ୍ରେସ ୧୯ ଆସନରେ ବିଜୟୀ ହୋଇଥିଲା। ବିଏସପିରୁ ୨ ଏବଂ ଦୁଇ ଜଣ ସ୍ୱାଧୀନ ନିର୍ବାଚିତ ହୋଇଥିଲେ।