ପୁରୀ ୦୪।୦୩ : ଶ୍ରୀମନ୍ଦିରରେ ଅଣହିନ୍ଦୁ ପ୍ରବେଶ ପ୍ରସଙ୍ଗ। ଅଣହିନ୍ଦୁଙ୍କୁ ଅଟକ ରଖି ତଦନ୍ତ କରୁଛି ସିଂହଦ୍ଵାର ଥାନା ପୋଲିସ। ସମ୍ପୃକ୍ତ ଅଣହିନ୍ଦୁଙ୍କ ପାସପୋର୍ଟ ଓ ଅନ୍ୟାନ୍ୟ କାଗଜପତ୍ର ଯାଞ୍ଚ କରାଯାଉଛି ବୋଲି ପୁରୀ ଏସ୍ପି ପିନାକ ମିଶ୍ର ସୂଚନା ଦେଇଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ, ସଂପୃକ୍ତ ଅଣହିନ୍ଦୁ ବାଂଲାଦେଶର ବାସିନ୍ଦା । ତେଣୁ ବାଂଲାଦେଶ ଦୂତାବାସ ସହ ଯୋଗାଯୋଗ କରାଯାଉଛି। ଶ୍ରୀମନ୍ଦିର ଭିତରେ କେମିତି ପ୍ରବେଶ କଲେ ଏବଂ କେଉଁ ସ୍ଥାନ ସବୁ ବୁଲିଥିଲେ । ସେନେଇ ସିସିଟିଭି କ୍ୟାମେରା ଯାଞ୍ଚ କରାଯାଉଛି।
ସୂଚନାଯୋଗ୍ୟ ଯେ, ରବିବାର ସଂନ୍ଧ୍ୟା ସମୟରେ ବାଙ୍ଗ୍ଲାଦେଶର ୪ ଜଣ ଅଣହିନ୍ଦୁ ସନ୍ଦେହ ଜନକ ଭାବେ ଉତ୍ତରଦ୍ୱାର ନିକଟ ପରିକ୍ରମା ମାର୍ଗରେ ବସିଥିବା ବଜରଙ୍ଗ ଦଳର କିଛି କର୍ମକର୍ତ୍ତା ଦେଖିଥିଲେ। ସେମାନଙ୍କୁ ପଚରାଉଚରା କରିବା ପରେ ତାଙ୍କର ୫ଜଣ ଲୋକ ମନ୍ଦିରକୁ ଯାଇଥିବା କହିଥିଲେ। ସେମାନଙ୍କ ମଧ୍ୟରେ ଜଣେ ହିନ୍ଦୁ ଓ ୪ଜଣ ଅଣହିନ୍ଦୁ ବୋଲି ସେମାନଙ୍କ ଠାରୁ ଜାଣିବାକୁ ପାଇଥିଲେ। ବଜରଙ୍ଗ ଦଳର କର୍ମୀମାନେ ସେମାନଙ୍କୁ ସିଂହଦ୍ଵାର ଥାନାରେ ପୁଲିସର ଜିମା ଦେଇଥିଲେ ।
wp:embed {"url":"https://www.prameyanews7.com/thermal-drone-camera-should-use-in-similipal/","type":"wp-embed","providerNameSlug":"prameya-news-7"}