ପୁରୀ ୨୨।୦୬: ଆଜି ଆଡ଼ପ ମଣ୍ଡପକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି। ଶୁକ୍ରବାର ବାହାରିବ ଆଡ଼ପ ଅବଢା । ଶରଧାବାଲିରେ ଏବେ ରଥାରୁଢ଼ ଶ୍ରୀଜିଉମାନଙ୍କୁ ଦର୍ଶନ କରୁଛନ୍ତି ଭକ୍ତ।

ଭକତ ଭାବରେ ବନ୍ଧା ମହାପ୍ରଭୁ ଶ୍ରୀ ଜଗନ୍ନାଥ, ବଡ଼ ଠାକୁର ଶ୍ରୀ ବଳଭଦ୍ର ଏବଂ ମା ସୁଭଦ୍ରାଙ୍କ ତିନି ରଥ ଭକ୍ତିପୂର୍ଣ୍ଣ ପରିବେଶ ମଧ୍ୟରେ ଆସି ଗୁଣ୍ଡିଚା ମନ୍ଦିର ପ୍ରାଙ୍ଗଣରେ ପହଞ୍ଚି ସାରିଛି ।

Jay Jagannath 🙏🙏🙏#RathaYatra2023 #MoPuri pic.twitter.com/szA5oSkJ6k

— PuriOfficial (@Puri_Official) June 21, 2023

ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ କହିବା କଥା ବିଧି ମୁତାବକ, ଗୁରୁବାର ଅପରାହ୍ଣରେ ଶ୍ରୀବିଗ୍ରହମାନେ ଆଡ଼ପ ମଣ୍ଡପକୁ ବିଜେ କରିବେ । ସେପଟେ ଯଥେଷ୍ଟ ସମୟ ପୂର୍ବରୁ ରଥଟଣା ଆରମ୍ଭ ହୋଇଥିଲେ ବି କାହିଁକି ରଥ ବାଟରେ ଅଟକିଲା ତା’ର କାରଣ ସମ୍ପର୍କରେ ଶ୍ରୀମନ୍ଦିର ମୁଖ୍ୟପ୍ରଶାସକ ସାଲବେଗଙ୍କ ଥିଓରି ବଖାଣିଛନ୍ତି । କହିଛନ୍ତି ବୋଧହୁଏ କୌଣସି ଭକ୍ତ ପହଞ୍ଚିନଥିଲେ, ତେଣୁ ମହାପ୍ରଭୁ ବାଟରେ ଅଟକି ଯାଇଥିଲେ ।
ତେବେ ରଥ ଉପରେ ଅଧିକ ସଂଖ୍ୟକ ସେବାୟତ ଚଢ଼ିବା, ଏବଂ ରଥ ବାରମ୍ବାର ମୋଡ଼ାଣି ନେବା ଆଦି ଅଭିଯୋଗର ତର୍ଜମା କରାଯିବ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାଶ ।