ସ୍ନାନ ପରେ ଜ୍ୱରରେ କମ୍ପୁଛନ୍ତି ଦାରୁ ଦିଅଁ, ଅଣସର ପିଣ୍ଡିରେ ଚାଲିଛି ଗୁପ୍ତ ଉପଚାର

Published By : Prameya-News7 Bureau | June 06, 2023 IST

ପୁରୀ ୦୬।୦୬ :  ଅତ୍ୟଧିକ ସ୍ନାନ ପରେ ମହାପ୍ରଭୁ ଏବେ ଜ୍ବରରେ ପୀଡିତ ହୋଇ ଅନବସର ଘରେ ଅଛନ୍ତି। ଜ୍ଵରରେ ପୀଡ଼ିତ ଦାରୁ ଦିଅଁ । ଆରମ୍ଭ ହୋଇଛି ଗୁପ୍ତ ଉପଚାର। ଦଇତାପତି ସେବାୟତ ମାନେ ଆରମ୍ଭ କରିଛନ୍ତି ଗୁପ୍ତ ସେବା ।

{"id":798851,"sizeSlug":"full","linkDestination":"none"}

ଅଣସର ସମୟରେ ପଣା ଓ ଚକଟା ଭୋଗ ସହ ଫଳମୂଳ ଲାଗି ହୋଇଥାଏ । ଏହି ସମୟରେ ଶ୍ବେତ ବସ୍ତ୍ର ପରିଧାନ କରନ୍ତି ଶ୍ରୀଜୀଉମାନେ । ତୁଳସୀ ମଧ୍ୟ ଲାଗି କରାଯାଇ ନଥାଏ । ୧୫ ଦିନ ଧରି ମହାପ୍ରଭୁଙ୍କୁ କେବଳ ଧଳା ଫୁଲ ଲାଗି କରାଯାଇଥାଏ।

{"id":798852,"sizeSlug":"large","linkDestination":"none"}

ସେପଟେ ଦଶାବତାର ଠାକୁରଙ୍କ ସମେତ ମହାପ୍ରଭୁ ଶ୍ରୀଜଗନ୍ନାଥଙ୍କ ବଦଳରେ ଅନନ୍ତ ନାରାୟଣ, ଶ୍ରୀବଳଭଦ୍ରଙ୍କ ସ୍ଥାନରେ ଅନନ୍ତ ବାସୁଦେବ ଏବଂ ଦେବୀ ସୁଭଦ୍ରାଙ୍କ ବଦଳରେ ମା ଭୁବନେଶ୍ଵରୀ ପୂଜା ପାଉଛନ୍ତି ପଟିଦିଅଁ ଭାବେ ।

{"id":798169,"sizeSlug":"full","linkDestination":"none"}

ସେପଟେ ଜୋରସୋରରେ ଆଗେଇ ଚାଲିଛି ରଥ ନିର୍ମାଣ କାର୍ଯ୍ୟ । ତିନି ରଥର ଚାରି ନାହାକା ଚାରିପାର୍ଶ୍ବରେ ବୁଲିଛି ଚଉଦ ନାହାକା । ତିନି ରଥରେ ଦ୍ବିତୀୟ ଭୂଇଁ ସଯୋଗ ହୋଇସାରିଥିବା ବେଳେ ତୃତୀୟ ଭୂଇଁ ନିର୍ମାଣ କାର୍ଯ୍ୟ ଜାରି ରଖିଛନ୍ତି ବିଶ୍ବକର୍ମା ମହାରଣାମାନେ । ରୂପକାର ଓ ଓଝା ସେବକମାନେ ଖୋଦେଇ ଏବଂ କଣ୍ଟା ନିର୍ମାଣ କାର୍ଯ୍ୟରେ ବ୍ୟସ୍ତ । ତିନି ରଥର ପାର୍ଶ୍ବ ଦେବାଦେବୀ, ସଖୀ ଏବଂ ଦେବାଦେବୀଙ୍କ ଆସ୍ଥାନରେ ରଙ୍ଗ କାର୍ଯ୍ୟ ଜାରି ରଖିଛନ୍ତି ଚିତ୍ରକର ସେବକମାନେ ।

{"id":798272,"sizeSlug":"full","linkDestination":"none"}

ମହାପ୍ରଭୁଙ୍କ ଅଣସର ନୀତି ଚାଲିଥିବା ବେଳେ ଏହି ସମୟରେ ଶ୍ରୀମନ୍ଦିରରେ ଭଜନ, କୀର୍ତ୍ତନ ନିଷିଦ୍ଧ ରହିବାର ବିଧି ରହିଛି । ସମସ୍ତ ଉପଚାର କରାଯାଇ ମହାପ୍ରଭୁଙ୍କୁ ସୁସ୍ଥ କରିବେ ଶ୍ରୀଅଙ୍ଗ ସୁରକ୍ଷା ସେବକ ଦଇତାପତି ।

You Can Read :

wp:embed {"url":"https://www.prameyanews7.com/no-pressure-on-player-to-win-icc-trophy-rahul-dravid-ahead-of-final/","type":"wp-embed","providerNameSlug":"prameya-news-7"}
https://www.prameyanews7.com/no-pressure-on-player-to-win-icc-trophy-rahul-dravid-ahead-of-final/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.