ଚଣ୍ଡିଗଡ଼: ଖଲିସ୍ତାନ ସମର୍ଥିତ ସଂଗଠନ ‘ଓ୍ବାରିସ୍ ପଞ୍ଜାବ ଦେ’ର ମୁଖ୍ୟ ଅମୃତପାଲ ସିଂହ ଫେରାର୍ । ପଞ୍ଜାବ ପୋଲିସ, ଆଇଏସଆଇ ସହିତ ଜଡ଼ିତ ଥିବା ଅମୃତପାଲ ସିଂହକୁ ପଳାତକ ଘୋଷିତ କରିଛି । ଅମୃତପାଲକୁ ଗିରଫ ପାଇଁ ବଡ଼ ଅପରେସନ ଧରଣର ଆରମ୍ଭ ହୋଇଛି । ବିଭିନ୍ନ ସ୍ଥାନରେ ଚଢ଼ାଉ କରୁଛି ପଞ୍ଜାବ ପୋଲିସ । ହରିୟାଣାରେ ଥିବା ଫାଇନ୍ସର ଦଲଜିତ୍ ସିଂକୁ ଗିରଫ କରାଯାଇଛି । ପଞ୍ଜାବ ପୋଲିସ୍ ଏହି ଅପରେସନରେ ପ୍ରାୟ ୭୮ଜଣଙ୍କୁ ଗିରଫ କରି ପଚରାଉଚରା ଜାରି ରଖିଛି ।

ଖଲିସ୍ତାନ ଦେଶ ଦାବି କରୁଥିବା ଆତଙ୍କୀ ଅମୃତପାଲ ସିଂହଙ୍କ ପାଇଁ ପଞ୍ଜାବ ଉତ୍ତେଜନା ଦେଖିବାକୁ ମିଳିଛି । ପୋଲିସ ଆଇନ ଶୃଙ୍ଖଳା ବ୍ୟବସ୍ଥା ଜାରି ରଖିବା ପାଇଁ ରବିବାର ରାତି ୧୨ଟା ପର୍ଯ୍ୟନ୍ତ ପଞ୍ଜାବ ବିଭିନ୍ନ ସ୍ଥାନରେ ଇଣ୍ଟରନେଟ୍ ଏବଂ ଏସଏମଏସ ସର୍ଭିସିକୁ ବନ୍ଦ କରିଦେଇଛି । ଅନେକ ସ୍ଥାନରେ ୧୪୪ ଧାରା ଜାରି ରହିଛି ।

ଅମୃତପାଲ ସିଂହକୁ ଗିରଫ କରିବା ପାଇଁ ପଞ୍ଜାବ ପୋଲିସ ସର୍ଚ୍ଚ ଅପରେସନ ଚଳାଇଥିଲା । ଯାଞ୍ଚ ବେଳେ ପୋଲିସକୁ ପଏଣ୍ଟ-୩୧୫ ବୋର ରାଇଫଲ, ୧୨ ବୋରର ୭ଟି ରାଇଫଲ, ଗୋଟିଏ ରିଭରବଲ୍, ୩୭୩ କାରସୁତ୍ ସହିତ ୯ଟି ମାରଣାସ୍ତ୍ର ଜବତ କରାଯାଇଛି ।

ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ପାକିସ୍ତାନର ଗୁଇନ୍ଦା ସଂସ୍ଥା ଭାରତରେ ଆତଙ୍କବାଦୀ କାର୍ଯ୍ୟକଳାପ ବଢ଼ଇବା ପାଇଁ ଅମୃତପାଲ ସିଂହକୁ ପଞ୍ଜାବ ପଠାଇଥିଲା । ଅମୃତପାଲ ସିଂ କେମିତି ଆଇଏସଆଇର ଲିଙ୍କରେ ଆସିଲା । ଅଧିକାରୀ କହିବା ମୁତାବକ, ଆତଙ୍କୀ ଅମୃତପାଲ ସିଂ ଦୁବାଇରେ ଏକ ଟ୍ରକ୍ ଡ୍ରାଇଭର ଭାବେ କାମ କରୁଥିଲା ।  ଆଇଏସଆଇ ଖଲିସ୍ତାନ ସମର୍ଥକଙ୍କ ଜରିଆରେ ଅମୃତପାଲକୁ ଉଗ୍ରବାଦୀ ଟ୍ରେନିଂ ଦେଇ ପଞ୍ଜାବକୁ ପଠାଇଥିଲା । ଅମୃତପାଲ ପଞ୍ଜବ ଫେରିବା ପରେ ଲଗାତାର ଖଲିସ୍ତାନ ସଂଗଠନକୁ ସମର୍ଥନ କରୁଥିଲା । କେନ୍ଦ୍ରଗୃହ ମନ୍ତ୍ରୀ ଅମିତ ଶାହା ଓ ପଞ୍ଜାମ ମୁଖ୍ୟମନ୍ତ୍ରୀ ଭଗଓ୍ବନ୍ତ ସିଂହ ମାନଙ୍କୁ ହତ୍ୟା ଧମକ ଦେଇଥିଲା । ପୋଲିସ ଅମୃତପାଲ ସିଂହକୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରିବା ସହିତ ଡେରା ପକାଇଛି ।