ନୂଆଦିଲ୍ଲୀ ୩୧।୧୦ : ଦକ୍ଷିଣ ଭାରତୀୟ ସୁପରଷ୍ଟାର ପୁନୀତ୍ ରାଜକୁମାର ୪୬ ବର୍ଷ ବୟସରେ ହୃଦଘାତରେ ମୃତ୍ୟୁ ବରଣ କରିଥିଲେ। ତାଙ୍କର ପରଲୋକରେ ଫିଲ୍ମ ଇଣ୍ଡଷ୍ଟ୍ରି ସହିତ ପ୍ରଶଂସକଙ୍କୁ ମଧ୍ୟ ସ୍ତବ୍ଧ କରିଛି। ପୁନିତଙ୍କ ପାର୍ଥିବ ଶରୀରକୁ ବେଙ୍ଗାଲୁରୁର କାଣ୍ଟେରାଭା ଷ୍ଟାଡିୟମରେ ରଖାଯାଇଛି। ଯେଉଁଠାରେ ତାଙ୍କ ଶେଷ ଦର୍ଶନ କରିବା ପାଇଁ ବହୁ ସଂଖ୍ୟକ ଲୋକ ଏକତ୍ରିତ ହୋଇଥିଲେ। ପୁନିତ ରାଜକୁମାରଙ୍କ ଶେଷ ରୀତିନୀତି ଆଜି ଅନୁଷ୍ଠିତ ହେବ । ତାଙ୍କ ଝିଅ ଧ୍ରୃତି ପିତାଙ୍କ ଶେଷ ରୀତିନୀତି ପାଇଁ ଆମେରିକାରୁ ବେଙ୍ଗାଲୁରୁରେ ପହଞ୍ଚିଛନ୍ତି।
ରିପୋର୍ଟ ଅନୁଯାୟୀ, ସେ ଶନିବାର ସନ୍ଧ୍ୟା ୫ଟା ସମୟରେ ବାଙ୍ଗାଲୋରରେ ପହଞ୍ଚିଛନ୍ତି। ପୁନିତ ରାଜକୁମାରଙ୍କ ଶେଷ ରୀତିନୀତି ପୂର୍ଣ୍ଣ ରାଜକୀୟ ସମ୍ମାନ ସହିତ ପାଳନ କରାଯିବ। ତାଙ୍କ ଅନ୍ତିମ ସଂସ୍କାର ସକାଳ ୧୧ ଟା ସୁଦ୍ଧା ଶେଷ ହେବ । ପୁନିତଙ୍କ ପିତା ରାଜକୁମାର ମଧ୍ୟ ଦକ୍ଷିଣ ଚଳଚ୍ଚିତ୍ରର ଜଣେ ପ୍ରସିଦ୍ଧ ଅଭିନେତା ଥିଲେ। ପୁନିତ ୧୯୭୬ ମସିହାରେ ପ୍ରେମଦା କାନିକେ ଚଳଚ୍ଚିତ୍ରରେ ଡେବ୍ୟୁ କରିଥିଲେ। ସେ ତାଙ୍କ କ୍ୟାରିୟରରେ ଅନେକ ହିଟ୍ ଫିଲ୍ମ ଦେଇଥିଲେ। ପୁନିତଙ୍କର ଦୁଇଟି ଚଳଚ୍ଚିତ୍ର 'ଜେମ୍ସ ଏବଂ ଦିବିତ୍ବ' ପ୍ରସ୍ତୁତ ହୋଇସାରିଛି । ଯାହା ତାଙ୍କ ମୃତ୍ୟୁ ପରେ ମୁକ୍ତିଲାଭ କରିବ।