ନୂଆଦିଲ୍ଲୀ: ଭାରତୀୟ କୁସ୍ତି ସଂଘରେ ବିରୋଧ ଥମିବାର ନାଁ ଧରୁ ନାହିଁ । ସଂଘର ଅଧ୍ୟକ୍ଷ ବୃଜଭଷଣ ଶରଣ ସିଂଙ୍କ ଗିରଫଦାରୀ ଯିଦରେ ଅଟଳ ଥିବା କୁସ୍ତିଯୋଦ୍ଧାମାନେ ନିଜ ଅସନ୍ତୋଷ ପ୍ରକାଶ କରିବା ସହ ମେଡାଲ ଗଙ୍ଗାରେ ବିସର୍ଜନ ନେଇ ଘୋଷଣା କରିଛନ୍ତି । କୁସ୍ତିଯୋଦ୍ଧାଙ୍କ ଘୋଷଣା ସହ ହରିଦ୍ୱାରରେ ବିରୋଧ ଆରମ୍ଭ ହୋଇଯାଇଛି ।

#WATCH | Protesting Wrestlers in Haridwar to immerse their medals in river Ganga as a mark of protest against WFI chief and BJP MP Brij Bhushan Sharan Singh over sexual harassment allegations. #WrestlersProtest pic.twitter.com/4kL7VKDLkB

— ANI (@ANI) May 30, 2023

ମଙ୍ଗଳବାର ସଂଧ୍ୟାରେ ହରକି ପେଡିର ଭାଗୀରଥି ପୋଲ ନିକଟରେ ମାଲଭୀୟ ଘାଟ ନିକଟରେ ପହଞ୍ଚିବା ପରେ କୁସ୍ତିଯୋଦ୍ଧାଙ୍କ ଆଖିରେ ଲୁହ ଦେଖିବାକୁ ମିଳିଥିଲା । କିସାନ ୟୁନିୟନର ରାଷ୍ଟ୍ରୀୟ ଅଧ୍ୟକ୍ଷ ନରେଶ ଟିକାୟତଙ୍କ ସମର୍ଥନ ପରେ କୁସ୍ତିଯୋଦ୍ଧା ମେଡାଲକୁ ବିସର୍ଜନ ନ କରି ଫେରିଆସିଛନ୍ତି । ନରେଶ ଟିକାୟତ ମେଡାଲଗୁଡିକୁ ନିକ ପାଖରେ ରଖିଛନ୍ତି । ଏହାସହ ସରକାରଙ୍କୁ ପାଞ୍ଚ ଦିନର ସମୟ ଦିଆଯାଇଛି । ତେବେ ଏହା ପୂର୍ବରୁ ଗଙ୍ଗା ସଭାର ପଦାଧିକାରୀମାନେ କୁସ୍ତିଯୋଦ୍ଧାଙ୍କୁ ନିଜ ପଦକକୁ ଗଙ୍ଗାରେ ବିସର୍ଜନ ନ କରିବା ପାଇଁ ଆହ୍ୱାନ ଦେଇଥିଲେ । ଏହି ସମୟରେ କଂଗ୍ରେସ ନେତା ଏବଂ କର୍ମୀ ଖେଳାଳି ସମର୍ଥନରେ ସେଠାରେ ଉପସ୍ଥିତ ରହିଥିଲେ ।

#WATCH | Protesting wrestlers return from Haridwar after Farmer leader Naresh Tikait intervened and sought five days time from them. pic.twitter.com/JQpweCitHv

— ANI (@ANI) May 30, 2023

ଶ୍ରୀଗଙ୍ଗା ସଭାର ଅଧ୍ୟକ୍ଷ ନୀତୀନ ଗୌତମ କହିଛନ୍ତି ଯେ ଖେଳାଳିଙ୍କୁ ହରକି ପେଡି ବ୍ରହ୍ମକୁଣ୍ଡରୁ ପଦକକୁ ଗଙ୍ଗାରେ ବିସର୍ଜନ କରିବାକୁ ଦିଆଯିବ ନାହିଁ । ସେ କହିଛନ୍ତି ଯେ ଖେଳାଳିଙ୍କ ପାଇଁ ସମ୍ମାନ ରହିଛି । ଖେଳାଳି ଆସନ୍ତୁ ପୂଜା କରନ୍ତୁ, ଆଳତୀରେ ସାମିଲ ହୁଅନ୍ତୁ । ଗଙ୍ଗା ସଭା ସ୍ୱାଗତ କରିବ । ହରକି ପେଡିକୁ ରାଜନୀତିର ଆଖାଡା କରା ନଯାଉ ।

READ ALSO: ଟ୍ୱିଟ୍ କରି ଭିନେଶ ଫୋଗାଟଙ୍କ ବଡ଼ ଘୋଷଣା, କହିଲେ- ଗଙ୍ଗାରେ ଭସେଇ ଦେବେ ଅଲିମ୍ପିକ ମେଡାଲ