ଲାଞ୍ଜିଗଡ଼, ୧୨/୧୦: ନିକଟରେ ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନରେ ଜାତିଭିତିକ ସଂରକ୍ଷଣକୁ ନେଇ ଚିଠା ତାଲିକା ପ୍ରକାଶ ପାଇଛି । କଳାହାଣ୍ଡି ଜିଲ୍ଲା ପାଇଁ ପ୍ରସ୍ତୁତ ଏହି ଚିଠା ତାଲିକାରେ ବ୍ୟାପକ ଅସଙ୍ଗତି ଥିବାବେଳେ ଏହାକୁ ଦୂର କରିବା ଦାବିରେ ଆଜି ରାସ୍ତାକୁ ଓହ୍ଲାଇଛି ଓଡିଶାର ଅଗ୍ରଣୀ ସାମାଜିକ ସଂଗଠନ ଅଲ୍ ଓଡିଶା ସିଡ୍ୟୁଲ୍ଡ କାଷ୍ଟ ଫେଡେରେସନ, କଳାହାଣ୍ଡି ।
ଜିଲ୍ଲାର ତେରଟି ବ୍ଲକର ୩୬ ଗୋଟି ଜିଲ୍ଲା ପରିଷଦ ସଦସ୍ୟ ପଦବୀ ପାଇଁ ଜଣେ ବି ପଛୁଆ ବର୍ଗଙ୍କୁ ସାମିଲ କରାଯାଇ ନାହିଁ । ଏଥି ସହିତ ପେସା ଆଇନର ଆଳ ଦେଖାଇ ଲାଞ୍ଜିଗଡ ଓ ଥୁଆମୂଳ ରାମପୁର ବ୍ଲକରେ ସମସ୍ତ ସରପଞ୍ଚ ପଦବୀ ଅନୁସୂଚିତ ଜନଜାତିଙ୍କୁ ଦିଆଯାଇଛି । ଜିଲ୍ଲା ତଥା ବ୍ଲକର ଦ୍ୱିତୀୟ ବୃହତ୍ତମ ଜନଗୋଷ୍ଠୀ ଅନୁସୂଚିତ ଜାତିଙ୍କୁ ପ୍ରତିନିଧିତ୍ୱ ନେବା ସୁଯୋଗରୁ ବଞ୍ଚିତ କରି ରଖାଯାଇଛି ବୋଲି ଅସନ୍ତୋଷ ପ୍ରକାଶ ପାଇଛି।
