ଜଟଣୀ ୧୧।୮: ଖୋର୍ଦ୍ଧାରୋଡ ମଣ୍ଡଳଠାରେ ପୂର୍ବତଟ ରେଳପଥ ଶ୍ରମିକ କଂଗ୍ରେସ ପକ୍ଷରୁ ନୂତନ ପେନସନ ରଦ୍ଦ ଏବଂ ପୁରୁଣା ପେନସନ ଲାଗୁ ସହିତ ୨୦ ଦଫା ସମ୍ବଳିତ ଦାବିକୁ ନେଇ ଶ୍ରମିକ କଂଗ୍ରେସର ରଣହୁଙ୍କାର । ସାଧାରଣ ସମ୍ପାଦକ ରମେଶ ଚନ୍ଦ୍ର ସାହୁଙ୍କ ଡାକରାରେ ଦୁଇ ହଜାରରୁ ଅଧିକ କର୍ମଚାରୀ ମଣ୍ଡଳ ମୁଖ୍ୟ କାର୍ଯ୍ୟାଳୟ ଆଗରେ ରଣ ହୁଙ୍କାର ଦେଇଥିଲେ ।

ଖୋର୍ଦ୍ଧାରୋଡ଼ ଶ୍ରମିକ କଂଗ୍ରେସର ସମସ୍ତ ଶାଖାରୁ ହଜାର ହଜାର କର୍ମଚାରୀ ପୁରୁଣା ପେନସନ ଦାବିରେ ଏକ ବିରାଟ ପଟୁଆର ସୀତାରାମ ଛକରୁ ବାହାରି ରେଳ ଷ୍ଟେସନ ଦେଇ ମଣ୍ଡଳର ମୁଖ୍ୟ କାର୍ଯ୍ୟାଳୟ ଠାରେ ପହଞ୍ଚିଥିଲା । ସେଠାରେ ଏକ ସଭା ଅନୁଷ୍ଠିତ ହୋଇଥିଲା । ପେନସନ ଜଣେ କର୍ମଚାରୀର ମୌଳିକ ଅଧିକାର । ଯଦି ଜଣେ ରାଜନେତା ଯେତେ ଥର ଏମପି, ଏମଏଲଏ ହେଲା ପରେ ପେନସନ ପାଉଛନ୍ତି ତାହାଲେ ଜଣେ କର୍ମଚାରୀ ୩୦/୪୦ ବର୍ଷ ସେବା ଦେଲା ପରେ କାହିଁକି ପେନସନ ପାଇବନି ବୋଲି କହିଥିଲେ ।

ପରିଣତ ବୟସରେ ପେନସନ ତାର ଅଧିକାର, ତେଣୁ ନୂତନ ପେନସନକୁ ବାତିଲ କରି ଯଥାଶୀଘ୍ର ପୁରୁଣା ପେନସନ ଲାଗୁ କରିବାକୁ ସାଧାରଣ ସମ୍ପାଦକ ରମେଶ ଚନ୍ଦ୍ର ସାହୁ ଦାବି କରିଥିଲେ । ସାରା ଭାରତବର୍ଷରେ ଦେଶର ସମସ୍ତ ମଣ୍ଡଳ ମୁଖ୍ୟ କାର୍ଯ୍ୟାଳୟ, ୱର୍କସପ, ମେଟ୍ରୋ, ଜୋନାଲ ମୁଖ୍ୟ କାର୍ଯ୍ୟାଳୟ ଠାରେ ଏନ୍ଏଫ୍ଆଇଆର୍ ସାଧାରଣ ସମ୍ପାଦକ ଡ଼ଃ ଏମ୍ ରାଘବେୟାଙ୍କ ଡାକରାରେ ଆନ୍ଦୋଳନ ଓ ବିକ୍ଷୋଭ ପ୍ରଦର୍ଶନ କରାଯାଇଛି । ଏହାକୁ ନିର୍ବାଚନ ପୂର୍ବରୁ ଶେଷ ଲଢେଇ ବୋଲି ଶାଖା ସମ୍ପାଦକ ଏଲ.ଡି. ମହାନ୍ତି । ପୁରୁଣା ପେନସନ ଦାବି ସହିତ ପ୍ରମୁଖ ୨୦ ଗୋଟି ଦାବି ସମ୍ବଳିତ ଏକ ଦାବିପତ୍ର ମଣ୍ଡଳ ପ୍ରବନ୍ଧକ ହରବିନ୍ଦ୍ର ସିଂ ବାଜୁଆଙ୍କୁ ପ୍ରଦାନ କରିଥିଲେ ।

You Can Read :