ଭୁବନେଶ୍ବର୩/୨: ବିଜୁଳି ବିଭ୍ରାଟ ଥମୁନି। ଅସନ୍ତୋଷ ବି ଯାଉନି। ତଥାପି ଉପଭୋକ୍ତାଙ୍କ ଉପରେ ବିଜୁଳି ବୋଝ ବଢ଼ିବା ଆଶଙ୍କା ଟଳୁ ନାହିଁ। କାରଣ ଲୋକଙ୍କୁ ୨୪ ଘଣ୍ଟା ନିରନ୍ତର ବିଜୁଳି ମିଳୁକି ନ ମିଳୁ, କିନ୍ତୁ କମ୍ପାନୀ ବିଜୁଳି ଦର ବୃଦ୍ଧି ଲାଗି ଦାବି କରୁଛି। ଓଇଆରସି ଶୁଣାଣିର ପ୍ରଥମ ଦିନରେ ଓଏଚ୍ପିସି ୟୁନିଟ ପିଛା ୭ ପଇସା ବଢ଼ାଇବାକୁ ଦାବି କରିଛି। କିନ୍ତୁ ଉପଭୋକ୍ତା ସଂଘ ଏବଂ ପୂର୍ବତନ ଯନ୍ତ୍ରୀ ମାନେ ଏହି ଦରବୃଦ୍ଧିକୁ ବିରୋଧ କରିଛନ୍ତି । ଏହି ଶୁଣାଣି ୧୪ ତାରିଖ ଯାଏଁ ଚାଲିବ।
{"id":219674,"sizeSlug":"large"}ଉତ୍ପାଦନ ଖର୍ଚ୍ଚ ବଢ଼ିଲାଣି ତେଣୁ ବିଜୁଳି ଦର ବଢ଼ାଅ । ବିଜୁଳି ଶୁଣାଣିର ପ୍ରଥମ ଦିନରେ ଓଡ଼ିଶା ଜଳ ବିଦ୍ୟୁତ ନିଗମ- ଓଏଚ୍ପିସି ଦରବୃଦ୍ଧି ନେଇ ତାର ପକ୍ଷ ରଖିଛି । ଯୁକ୍ତି ବାଢ଼ିଛି ଯେ, ବିଦ୍ୟୁତ ଉତ୍ପାଦନ ଜନିତ ଖର୍ଚ୍ଚ ବଢ଼ିବାରେ ଲାଗିଛି । ଚଳିତ ବର୍ଷ ଓଏଚ୍ପିସି ୫୬୦୨ ୟୁନିଟ ବିଦ୍ୟୁତ ଶକ୍ତି ଉତ୍ପାଦନ କରି ସରକାରଙ୍କୁ ବିକ୍ରି କରିବ। ସେଥିପାଇଁ ଖର୍ଚ୍ଚ ହେବ ୫୩୬କୋଟି ଟଙ୍କ। । ଏବେ ଓଏଚ୍ପିସି ୟୁନିଟ ପିଛା ୮୮ପଇସାରେ ବିଜୁଳି ବିକୁଥିବା ବେଳେ ବର୍ତ୍ତମାନ ୯୫ ପଇସାକୁ ବୃଦ୍ଧି କରିବାକୁ ଦାବି କରିଛି ।
{"id":219675,"sizeSlug":"large"}ଓଏଚ୍ପିସିର ଯୁକ୍ତିକୁ କିନ୍ତୁ ଉପଭୋକ୍ତା ସଂଘ ତୀବ୍ର ବିରୋଧ କରିଛି । ରାଜ୍ୟ ସରକାରଙ୍କ ଅଧୀନରେ ଥିବା ଓଏଚ୍ପିସି ଲାଭଜନକ ସଂସ୍ଥା । ଓଏଚ୍ପିସି ଲାଭ ବାବଦରେ ଗତ ବର୍ଷ ୩୩ କୋଟି ଟଙ୍କା ପ୍ରଦାନ କରିଥିଲା । ଏପରିକି ଏବେ ୬୬୬କୋଟି ଟଙ୍କା ବ୍ୟାଙ୍କରେ ଜମା ରହିଛି ।
{"id":219676,"sizeSlug":"large"}ଏହାସହ ଓଏଚ୍ପିସି ୨ହଜାର ମେଗାୱାଟ୍ ବିଦ୍ୟୁତ୍ ଶକ୍ତି ଉତ୍ପାଦନ କରିବା କ୍ଷମତା ଥିଲେ ମଧ୍ୟ ଏବେ ମାତ୍ର ୪୭୦ ମେଗାୱାଟ୍ ଉତ୍ପାଦନ କରୁଛି । ଏପଟେ ଖରାପ ହୋଇପଡିଥିବା ୟୁନିଟ୍ ଗୁଡିକୁ ଓଏଚ୍ପିସି ନ ସଜାଡି ଓପଜିସି ସହ ମିଶି ଥର୍ମାଲ ପାଓ୍ବାର୍ ୟୁନିଟ ଖୋଲିବାକୁ ଯୋଜନା କରୁଛି । ତେଣୁ ଓଏଚ୍ପିସି ୟୁନିଟ ପିଛା ୮ ପଇସା କମାଇବା ପାଇଁ ଯୁକ୍ତି ବାଢ଼ିଛି ବିଦ୍ୟୁତ ଉପଭୋକ୍ତା ସଂଘ
{"id":219677,"sizeSlug":"large"}ଦୁଇବର୍ଷ ଧରି ରାଜ୍ୟରେ ବିଦ୍ୟୁତ୍ ଦର ବଢ଼ିନାହିଁ । ଚଳିତ ବର୍ଷ ଦରବୃଦ୍ଧି କରିବାକୁ ସରକାର ଚିନ୍ତା କରୁଛନ୍ତି । ଏବେ ସରକାର ଗ୍ରାହକଙ୍କ ଠାରୁ ବିଦ୍ୟୁତ ଶୁଳ୍କ ବାବଦରେ ୧୩ଶହ କୋଟି ଟଙ୍କା ଆଦାୟ କରୁଥିବାରୁ ଗ୍ରାହକମାନଙ୍କୁ ୨ଶହ ୟୁନିଟ୍ ବିଦ୍ୟୁତ ମାଗଣାରେ ଯୋଗାଇ ଦେବାକୁ ଦାବି ଜୋର ଧରିଲାଣି।