ଚଣ୍ଡିଗଡ ୦୨/୧୦ : ପଞ୍ଜାବ ଏବଂ ହରିୟାଣାରେ ଧାନ କିଣାକୁ ନେଇ ଚାଷୀ ଏବଂ ସରକାରଙ୍କ ମଧ୍ୟରେ ଲାଗିରହିଥିବା ବିବାଦ ମଧ୍ୟରେ ଚାଷୀଙ୍କକୁ ବଡ ଆଶ୍ବସ୍ତି ମିଳିଛି । ଆସନ୍ତାକାଲି ଠାରୁ ପଞ୍ଜାବ ଏବଂ ହରିୟାଣାରେ ଧାନ କିଣା ପ୍ରକ୍ରିୟା ଆରମ୍ଭ ହେବ ବୋଲି ଘୋଷଣା କରାଯାଇଛି । ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟର ଏ ନେଇ କେନ୍ଦ୍ର ମନ୍ତ୍ରୀ ଅଶ୍ବିନ ଚୌବେଙ୍କୁ ଭେଟି ଆଲୋଚନା କରିବା ପରେ ଆସନ୍ତାକାଲି ଅର୍ଥାତ ଅକ୍ଟୋବର ୩ ତାରିଖରୁ ଧାନ କିଣା ପ୍ରକ୍ରିୟା ଆରମ୍ଭ ହେବ ବୋଲି ଘୋଷଣା କରିଛନ୍ତି ।
wp:html/wp:htmlThe procurement (of Kharif crops) will start from tomorrow in Haryana as well as Punjab: Ashwini Kumar Choubey, MoS, Consumer Affairs, Food & Public Distribution in Delhi pic.twitter.com/8rS3t765lF
— ANI (@ANI) October 2, 2021
ସୂଚନା ଅନୁସାରେ, ମୌସୁମୀ ବିଳମ୍ବ କାରଣରୁ ଅକ୍ଟୋବର ୧୧ ତାରିଖରୁ ଧାନ କିଣା ପ୍ରକ୍ରିୟା ଆରମ୍ଭ ହେବ ବୋଲି ଘୋଷଣା କରାଯାଇଥିଲା । କିନ୍ତୁ ପ୍ରତିବର୍ଷ ଅକ୍ଟୋବର ପହିଲାରୁ ହିଁ ଧାନ କିଣା ଆରମ୍ଭ ହୁଏ । ଧାନ କିଣା ବିଳମ୍ବ କାରଣରୁ ଚାଷୀମାନେ ରାଜରାସ୍ତାକୁ ଓଲ୍ଲାଇଥିଲେ । ପଞ୍ଜାବ ଏବଂ ହରିୟାଣାରେ ହଜାର ହଜାର ସଂଖ୍ୟାରେ ଚାଷୀ ପ୍ରଦର୍ଶନ କରୁଥିଲେ । ପୂର୍ବରୁ କେନ୍ଦ୍ର ସରକାରଙ୍କ ୩ ନୂଆ ଆଇନ ବିରୁଦ୍ଧରେ ଆନ୍ଦୋଳନ କରିଆସୁଛନ୍ତି । ଏବେ ଧାନ କିଣାକୁ ନେଇ ମଧ୍ୟ ପ୍ରଦର୍ଶନ କରୁଥିଲେ ଚାଷୀ ।
wp:html/wp:htmlDue to delay in monsoon, Central Govt had postponed start of procurement of paddy & millet to Oct 11 from Oct 1 this year... There are demands for an early start. The procurement will start tomorrow: Haryana CM ML Khattar after meeting MoS Food & Consumer Affairs Ashwini Choubey pic.twitter.com/q3AKe3fr7L
— ANI (@ANI) October 2, 2021
ଧାନ କିଣା ତାରିଖକୁ ନେଇ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟର ଗଣମାଧ୍ୟମକୁ ସୂଚନା ଦେଇ କହିଛନ୍ତି, ‘ମୌସୁମୀ ବିଳମ୍ବ କାରଣରୁ କେନ୍ଦ୍ର ସରକାର ଧାନ ଏବଂ ବାଜରା କ୍ରୟ ତାରିଖକୁ ବଢାଇ ଅକ୍ଟୋବର ୧୧ ତାରିଖ କରିଥିଲେ । କିନ୍ତୁ ଏବେ ଏଥିରେ ପରିବର୍ତ୍ତନ କରାଯାଇ ଆସନ୍ତାକାଲି ଠାରୁ ହି ଧାନ ସଂଗ୍ରହ ଆରମ୍ଭ ହେବ ।’ କେନ୍ଦ୍ରମନ୍ତ୍ରୀ ଅଶ୍ବିନ ଚୌବେ ମଧ୍ୟ ନିଜ ପ୍ରତିକ୍ରିୟାରେ କହିଛନ୍ତି, ହରିୟାଣା ସମେତ ପଞ୍ଜାବରେ ମଧ୍ୟ ଆସନ୍ତାକାଲି ଅର୍ଥାତ ଅକ୍ଟୋବର ୩ ତାରିଖରୁ ଧାନ ସଂଗ୍ରହ ଆରମ୍ଭ ହେବ ।
ସୂଚନାଯୋଗ୍ୟ, ଖରିଫ୍ ଫସଲ କିଣା ତାରିଖ ବଢାଯିବାକୁ ନେଇ ଉତ୍ତ୍ୟକ୍ତ ପଞ୍ଜାବ ଏବଂ ହରିୟାଣାର ଚାଷୀମାନେ ଆନ୍ଦୋଳନକୁ ଓଲ୍ଲାଇଥିଲେ। ପ୍ରଦର୍ଶନ ପାଇଁ ରାସ୍ତାକୁ ଓଲ୍ଲାଇଥିବା ହଜାର ହଜାର ସଂଖ୍ୟାରେ ଚାଷୀମାନେ ସାଂସଦ ଏବଂ ବିଧାୟକଙ୍କ ବାସଭବନ ଘେରାଉ କରିଛନ୍ତି । କରନାଲ୍ରେ ଚାଷୀମାନେ ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟରଙ୍କ ବାସଭବନକୁ ଘେରାଉ କରିବାକୁ ଚେଷ୍ଟା କରିଥିଲେ ।
ପ୍ରଦର୍ଶନକାରୀ ଚାଷୀମାନେ ଏତେ ଉଗ୍ର ହୋଇଯାଇଥିଲେ ଯେ, ପୋଲିସ ପକ୍ଷରୁ ଲଗାଯାଇଥିବା ବ୍ୟାରିକେଡ୍ ଉପରେ ଟ୍ରାକ୍ଟର ଚଢାଇ ଦେଇଥିଲେ । ଚାଷୀଙ୍କୁ ଆୟତ କରିବା ପାଇଁ ମୁତୟନ ହୋଇଥିବା ସୁରକ୍ଷାବଳ ସେମାନଙ୍କୁ କାବୁ କରିବା ପାଇଁ ପ୍ରୟାସ କରିଥିଲେ । ସ୍ଥିତି ଅଣାୟତ ହେବାରୁ ବାଧ୍ୟ ହୋଇ ଲାଠି ଚାର୍ଜ କରିଥିଲା ପୋଲିସ ।
ପ୍ରଦର୍ଶନରତ ଚାଷୀମାନେ ମୁଖ୍ୟମନ୍ତ୍ରୀ ଆବାସ ବାହାରେ ବ୍ୟାରିକେଡ୍ ଭାଙ୍ଗିବାକୁ ଉଦ୍ୟତ ହୋଇଥିଲେ । ଟ୍ରାକ୍ଟର ମଡାଇ ମୁଖ୍ୟମନ୍ତ୍ରୀ ଆବାସ ମଧ୍ୟକୁ ପଶିବାକୁ ଚେଷ୍ଟା କରିଥିଲେ । ଚାଷୀଙ୍କ ଉଗ୍ରରୂପ ଦେଖି ସ୍ଥିତି ଅଣାୟତ ପାଇଁ ପୋଲିସ ପାଣି ମାଡ କରିବା ସହ ଲାଠିଚାର୍ଜ କରିଥିଲା ।
