ନୂଆଦିଲ୍ଲୀ: ଜାନୁଆରୀ ୧୫ରେ ନେପାଳର ପୋଖରାରେ ୟେତି ଏୟାରଲାଇନ୍ସର ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣା ସମୟରେ ବିମାନରେ ୭୨ ଯାତ୍ରୀ ଯାତ୍ରା କରୁଥିଲେ । ଦୁର୍ଘଟଣାରେ ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିଲା । ଏହି ବିମାନ ଦୁର୍ଘଟଣାର ତଦନ୍ତ କରୁଥିବା କମିଟି ବଡ଼ ଖୁଲାସା କରିଛି । ଯାଞ୍ଚ କମିଟିର ତଦନ୍ତରୁ ଜଣାପଡିଛି ଯେ ବିମାନର ଇଞ୍ଜିନରେ ସମସ୍ୟା ଯାଗୁଁ ଦୁର୍ଘଟଣା ଘଟିଥିଲା । ବିମାନର ଡାଟା ରେକର୍ଡର ଏବଂ କକପିଟ୍ ଭଏସ ରେକର୍ଡର ଯାଞ୍ଚରୁ ଏହା ଜଣାପଡିଛି ।

ଉଲ୍ଲେଖଯୋଗ୍ୟ ଯେ ଏହା ପୂର୍ବରୁ କିଛି ରିପୋର୍ଟରେ ଦାବି କରାଯାଇଥିଲା ଯେ ୟେତି ଏୟାରଲାଇନ୍ସର ବିମାନର ଚାଳକ ଲ୍ୟାଣ୍ଡିଂ ସମୟରେ ୱିଙ୍ଗ ଫ୍ଲେପକୁ ସମ୍ପୂର୍ଣ୍ଣ ରୂପେ ଖୋଲି ପାରି ନଥିଲେ, ଫଳରେ ବିମାନ କ୍ରାସ ହୋଇଥିଲା । ଉଲ୍ଲେଖଯୋଗ୍ୟ ଯେ ବିମାନକୁ ଅବତରଣ କରିବା ସମୟରେ ଏହାର ଗତିକୁ କମ କରାଇବା ଏବଂ ନିୟନ୍ତ୍ରଣରେ ରଖିବା ପାଇଁ ୱିଙ୍ଗ ଗୁଡିକର ପଛରେ ପ୍ଲେପ ଲାଗିଥାଏ । ବିମାନ ଲ୍ୟାଣ୍ଡିଂ ସମୟରେ ଏହା ସମ୍ପୂର୍ଣ୍ଣ ରୂପେ ତଳକୁ ରହିଥାଏ ।

ନେପାଳର ପୋଖରା ବିମାନ ବନ୍ଦରରେ ଅବତରଣ ସମୟରେ ବିମାନ ଦୁର୍ଘଟଣା ହୋଇଥିଲା । ବିମାନ ଦୁର୍ଘଟଣାରେ ୫୫ ଜଣ ନେପାଳୀ ନାଗରିକ, ପାଞ୍ଚ ଭାରତୀୟଙ୍କ ସହ ୧୫ ବିଦେଶୀ ନାଗରିକ ଏବଂ ୪ ଜଣ ବିମାନ କର୍ମଚାରୀଙ୍କ ମୃତ୍ୟୁ ହୋଇଥିଲା ।