ମୁମ୍ଵାଇ ୨୩।୦୯: ପରିଣୀତି ଚୋପ୍ରା ଏବଂ ରାଘବ ଚଢାଙ୍କର ବିବାହ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ଉଭୟ ପରିବାର ଉଦୟପୁର ପହଞ୍ଚିଛନ୍ତି। ଆସନ୍ତାକାଲି ସାତ ଫେରା ନେବେ। ଏହି ବିବାହରେ ରାଜନୀତି ଏବଂ ବଲିଉଡର ଅନେକ ତାରକା ଯୋଗଦେବେ ।ତେବେ ଖବର ରହିଛି ଯେ ସବୁଠାରୁ ଗୁରୁତ୍ୱପୂର୍ଣ୍ଣ ଅତିଥି ପ୍ରିୟଙ୍କା ଚୋପ୍ରା ଏହି ବିବାହ ଉତ୍ସବରେ ଯୋଗଦେବେ ନାହିଁ। ଏହି କଳ୍ପନାଜଳ୍ପନା ମଧ୍ୟରେ ‘ଦେଶୀ ଗର୍ଲ  ତାଙ୍କ ଭଉଣୀ ପାଇଁ ଏକ ପୋଷ୍ଟ ସେୟାର କରିଛନ୍ତି । ଯାହା ଖୁବ୍‌ ଭାଇରାଲ୍‌ ହେବାରେ ଲାଗିଛି।

ସେପ୍ଟେମ୍ବର ୨୪ରେ ପରିଣୀତି ଏବଂ ରାଘବ ସାତ ଜନ୍ମର ସାଥି ହେବେ। ଅତିଥିମାନେ ସେମାନଙ୍କ ବିବାହ ଉତ୍ସବରେ ଯୋଗଦେବାକୁ ସେଠାରେ ଧିରେ ଧିରେ ପହଞ୍ଚିଛନ୍ତି। ମୁମ୍ବାଇ ବିମାନବନ୍ଦରରୁ ଚଢା ଏବଂ ଚୋପ୍ରା ପରିବାରର କିଛି ଭିଡିଓ ସାମ୍ନାକୁ ଆସିଛି। ବିବାହ ସମ୍ବନ୍ଧରେ ସମସ୍ତଙ୍କ ମୁହଁରେ ଏକ ଭିନ୍ନ ପ୍ରକାରର ଖୁସି ଦେଖିବାକୁ ମିଳିଥିଲା । ସମଗ୍ର ପରିବାର ଏକାଠି ଦେଖାଯାଇଥିବାବେଳେ ପ୍ରିୟଙ୍କାଙ୍କ ଅନୁପସ୍ଥିତି ତାଙ୍କ ବିବାହ ଉତ୍ସବରେ ଯୋଗ ନଦେବା ନେଇ ଚର୍ଚ୍ଚାର କାରଣ ପାଲଟିଛି। ଏହି ସମୟରେ ପ୍ରିୟଙ୍କା ପରୀଙ୍କ ପାଇଁ ସେୟାର କରିଥିବା ପୋଷ୍ଟରେ ସୂଚାଇ ଦେଉଛି ଯେ ସେ ଏହି ବିବାହ ଉତ୍ସବରେ ଯୋଗଦେବେ ନାହିଁ। ଏକ ପୁରୁଣା ଫଟୋ ସେୟାର କରି ପ୍ରିୟଙ୍କା ଲେଖିଛନ୍ତି, ମୁଁ ଆଶା କରେ ତୁମେ ତୁମର ଜୀବନର ସବୁଠାରୁ ବଡ ଦିନରେ ବହୁତ ଖୁସି ଏବଂ ସନ୍ତୁଷ୍ଟ … ତୁମକୁ ବହୁତ ଭଲପାଇବା ସର୍ବଦା

ପରିଣୀତି ଏବଂ ରାଘବଙ୍କ ବିବାହ ରୀତିନୀତି ଆଜିଠାରୁ ଆରମ୍ଭ ହେବ ଅର୍ଥାତ୍ ଶନିବାର । ଏହା ଅଭିନେତ୍ରୀଙ୍କ ଚୁଡା ସମାରୋହରୁ ଆରମ୍ଭ ହେବ । ଏହା ବିବାହ, ପାଇଁ ସ୍ୱତନ୍ତ୍ର ପ୍ରସ୍ତୁତି କରାଯାଇଛି । ହୋଟେଲ୍‌ରେ ପ୍ରବେଶ କରୁଥିବା ଲୋକଙ୍କ ମୋବାଇଲ୍ ଫୋନରେ ବ୍ଲୁ ଟେପ୍ ଲଗାଯିବ।  ଯାହାଫଳରେ ସେମାନେ ଭିଡିଓ ଏବଂ ଫଟୋ ଉଠାଇ ପାରିବେ ନାହିଁ। ଯଦି କେହି ଟେପ୍ ହଟାଇବେ ସୂଚନା ତୁରନ୍ତ ସୁରକ୍ଷାକର୍ମୀଙ୍କ ନିକଟରେ ପହଞ୍ଚିବ ।