suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରିୟଙ୍କାଙ୍କ ସିଧାସଳଖ ମୁକାବିଲା ହେବ ମୋଦି ଏବଂ ଯୋଗୀଙ୍କ ସହ ; କଂଗ୍ରେସ ପ୍ରସ୍ତୁତ କରୁଛି ରଣନୀତି

23/01/2019 at 3:45 PM

ଦିଲ୍ଲୀ ୨୩/୧ : ୨୦୧୯ ସାଧାରଣ ନିର୍ବାଚନ ପୂର୍ବରୁ କଂଗ୍ରେସ ନିଜର ଟ୍ରମ୍ପ କାର୍ଡ ବ୍ୟବହାର କରିଛି | କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଭଉଣୀ ପ୍ରିୟଙ୍କା ଗାନ୍ଧୀ ରାଜନୀତିରେ ପ୍ରବେଶ କରିଛନ୍ତି | ଆଜି ରାହୁଲ ଗାନ୍ଧୀ ପ୍ରିୟଙ୍କାଙ୍କୁ କଂଗ୍ରେସ ଦଳର ମହା ସଚିବ ଭାବେ ନିଯୁକ୍ତି ଦେଇ ଉତ୍ତର ପ୍ରଦେଶର ଭାର ସମ୍ଭାଳିବା ଦାୟିତ୍ୱ ଦେଇଛନ୍ତି | ଏବେ ପ୍ରିୟଙ୍କା ଗାନ୍ଧୀଙ୍କ ମୁକାବିଲା ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥଙ୍କ ସହ ହେବ | ପୂର୍ବାଞ୍ଚଳରେ ବିଜେପିର ଏହି ଦୁଇ ବରିଷ୍ଠ ନେତା ପ୍ରତିନିଧିତ୍ବ କରୁଛନ୍ତି |

ଲୋକସଭା ନିର୍ବାଚନରେ ମୋଦିଙ୍କୁ ମାତ ଦେବା ପାଇଁ ସମାଜବାଦୀ ପାର୍ଟି ଏବଂ ବହୁଜନ ସମାଜବାଦୀ ପାର୍ଟି କଂଗ୍ରେସକୁ ଅଲଗା ରଖି ମହାମେଣ୍ଟ ଗଠନ କରିଥିଲେ | ଏଭଳି ସ୍ଥିତିରେ କଂଗ୍ରେସ ନିଜର କୂଟନୀତି ଦେଖାଇଛି | ପ୍ରିୟଙ୍କାଙ୍କୁ ପୂର୍ବାଞ୍ଚଳ ଦାୟିତ୍ୱ ଦେଇ କଂଗ୍ରେସ ନିଜ କୂଟନୀତି ପ୍ରମାଣିତ କରିଛି |

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବାଞ୍ଚଳ ବାରଣାସୀ ଲୋକସଭା ଆସନରୁ ସାଂସଦ ଅଛନ୍ତି | ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥ ମଧ୍ୟ ପୂର୍ବାଞ୍ଚଳ ଦାୟିତ୍ୱ ବହନ କରୁଛନ୍ତି | ସେ ଗୋରଖପୁର ଲୋକସଭା ଆସନରୁ ସାଂସଦ ଅଛନ୍ତି | ୨୦୧୪ ମସିହା ନିର୍ବାଚନ ବେଳେ ବିଜେପି ନରେନ୍ଦ୍ର ମୋଦିଙ୍କୁ ଲୋକସଭା ଆସନରେ ପ୍ରତିଷ୍ଠିତ କରାଇ ସବୁ ଦଳକୁ ସଫା କରିଦେଇଥିଲା | ୨୦୧୭ ମସିହା ବିଧାନସଭା ନିର୍ବାଚନ ବେଳେ ନରେନ୍ଦ୍ର ମୋଦି ୩ ଦିନ ଯାଏଁ ପୂର୍ବାଞ୍ଚଳରେ ଡେରା ପକାଇ ସମାଜବାଦୀ ପାର୍ଟି ଏବଂ କଂଗ୍ରେସର ମେଣ୍ଟକୁ ଧୂଳି ଚଟାଇଥିଲେ |

ପୂର୍ବାଞ୍ଚଳରେ ବ୍ରାହ୍ମଣମାନଙ୍କ  ଦବଦବା ରହିଛି | ପୂର୍ବାଞ୍ଚଳର ଅନେକ ଆସନରେ ବ୍ରାହ୍ମଣମାନଙ୍କ ଗୁରୁତ୍ୱପୂର୍ଣ ଭୂମିକା ରହିଛି | ଦିନ ଥିଲା ଯେତେବେଳେ ପାରମ୍ପରିକ ଭାବେ ବ୍ରାହ୍ମଣମାନେ କଂଗ୍ରେସକୁ ସମର୍ଥନ କରୁଥିଲେ | କିନ୍ତୁ ମଣ୍ଡଳ ଆନ୍ଦୋଳନ ପରେ ବ୍ରାହ୍ମଣଙ୍କ ସମର୍ଥନ ଆଉ କଂଗ୍ରେସ ପ୍ରିତି ରହିଲାନାହିଁ | ମଣ୍ଡଳ ଆନ୍ଦୋଳନ ପରେ ବ୍ରାହ୍ମଣ ବିଜେପି ଆଡକୁ ଢଳିବା ଆରମ୍ଭ କରିଥିଲେ |

ଆସନ୍ତା ନିର୍ବାଚନବେଳେ ଏହି ବ୍ରାହଣମାନଙ୍କୁ ଏକଜୁଟ କରି ନିଜ ଆଡକୁ ଟାଣିବା ପାଇଁ କଂଗ୍ରେସ ପ୍ରିୟଙ୍କା ଗାନ୍ଧୀଙ୍କୁ ନେଇ ରଣନୀତି ପ୍ରସ୍ତୁତ କରୁଛି ବୋଲି ଶୁଣିବାକୁ ମିଳୁଛି | 

   Related Posts