vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଭୋ ଉପରେ ଚଢଉ ନେଇ ଚୀନର ରାଗ, କହିଲା- ‘ବିଦେଶୀ କମ୍ପାନୀଙ୍କ ଇଚ୍ଛା କମିଯିବ…’
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ବିବାହ ପୂର୍ବରୁ ସଜା ହେଲା ପ୍ରିୟଙ୍କାଙ୍କ ଘର : ନଭେମ୍ବର ୨୯ରୁ ଆରମ୍ଭ ହେବ ବିବାହ ରୀତିନୀତି

26/11/2018 at 3:07 PM

ମୁମ୍ବାଇ ୨୬/୧୧: ପ୍ରିୟଙ୍କା ଚୋପ୍ରା ଡିସେମ୍ବର ୨-୩ରେ ଆମେରିକୀୟ ସିଙ୍ଗର ନିକ୍ ଜୋନସଙ୍କୁ ବିବାହ କରିବାକୁ ଯାଉଛନ୍ତି। ବିବାହ ପୂର୍ବରୁ ମୁମ୍ବାଇ ସ୍ଥିତ ତାଙ୍କ ଘରକୁ ସଜାଇ ଦିଆଯାଇଛି। ସଜା ଯାଇଥିବା ପ୍ରିୟଙ୍କାଙ୍କ ଘରର ଫଟୋ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି।

ପ୍ରିୟଙ୍କା-ନିକଙ୍କ ମେହେନ୍ଦୀ ଏବଂ ସଙ୍ଗୀତ ଉତ୍ସବର ଆୟୋଜନ ନଭେମ୍ବର ୨୯ତାରିଖକୁ କରାଯିବ। ନିକ୍ ସଙ୍ଗୀତ ଉତ୍ସବରେ ଉଭୟ ହଲିଉଡ ଏବଂ ବଲିଉଡ ଡ୍ୟାନସରେ ନାଚିବେ। କୋରିଓଗ୍ରାଫର ଗଣେଶ ହେଗଡ଼େ ତାଙ୍କ ସଙ୍ଗୀତ ଉତ୍ସବ ନିମନ୍ତେ କୋରିଓଗ୍ରାଫି କରୁଛନ୍ତି। ପ୍ରିୟଙ୍କାଙ୍କ ପାଇଁ ନିକ୍ ହିନ୍ଦୀ ଗୀତ ଗାଇବେ। ସେ ନିଜ ଟ୍ରୃପ୍ ସହ ୪୫ମିନିଟର ପ୍ରସ୍ତୁତି ଦେବେ ।

ନଭେମ୍ବର ୩୦ତାରିଖରେ ପ୍ରିୟଙ୍କା ଏବଂ ନିକ୍ ତାଙ୍କ ବନ୍ଧୁ ଏବଂ ପରିବାର ସଦସ୍ୟମାନଙ୍କ ପାଇଁ  କକଟେଲ୍ ପାର୍ଟିର ଆୟୋଜନ କରିବେ। ଡିସେମ୍ବର ୧ତାରିଖରେ ତାଙ୍କ ହଳଦୀ ଉତ୍ସବ ଆୟୋଜିତ ହେବ। ସେମାନେ ଉଭୟ ହିନ୍ଦୁ ଏବଂ ଖ୍ରୀଷ୍ଟିୟାନ୍ ରୀତିନୀତି ଅନୁସାରେ ବିବାହ କରିବେ। ଡିସେମ୍ବର ୨ତାରିଖରେ ହିନ୍ଦୁ ରୀତିରେ ଏବଂ ଡିସେମ୍ବର ୩ତାରିଖରେ ଖ୍ରୀଷ୍ଟିୟାନ୍ ରୀତିରେ ବିବାହ ହେବ। ହିନ୍ଦୁ ରୀତି ବିବାହରେ ପ୍ରିୟଙ୍କା ଡିଜାଇନର ଅବୁ ଜାନୀ ଏବଂ ସନ୍ଦୀପ ଖୋସଲାଙ୍କ ଦ୍ବାରା ପ୍ରସ୍ତୁତ ପୋଷାକ ପିନ୍ଧିବେ। ସେହିପରି ଖ୍ରୀଷ୍ଟିୟାନ୍ ରୀତିରେ ରାଲ୍ଫ ଲୈାରେନଙ୍କ ଦ୍ବାରା ପ୍ରସ୍ତୁତ ଆଉଟଫିଟରେ ନଜର ଆସିବେ।

ଗୋଟିଏ ରିସେପ୍ସନ୍ ଦିଲ୍ଲୀରେ ହେବ। ବିବାହର କିଛି ଦିନ ପରେ ରିସେପସନ୍ ହେବ। ଦ୍ବିତୀୟ ରିସେପସନ୍ ବଲିଉଡ ବନ୍ଧୁଙ୍କ ପାଇଁ ଆୟୋଜିତ ହେବ। ଏଥିପାଇଁ ନିର୍ଦ୍ଦିଷ୍ଟ ଦିନ ଓ ତାରିଖ ଧାର୍ଯ୍ୟ ହୋଇନାହିଁ।

ଦୀପବୀରଙ୍କ ପରି ପ୍ରିୟଙ୍କାଙ୍କ ବିବାହର ଫଟୋ ଦେଖିବା ପାଇଁ ମଧ୍ୟ ଫ୍ୟାନମାନଙ୍କୁ  ଅପେକ୍ଷା କରିବାକୁ ପଡ଼ିବ। ବିବାହରେ କଡ଼ା ସୁରକ୍ଷା ମଧ୍ୟରେ କେହି ଫଟୋ କ୍ଲିକ୍ କରିପାରିବେ ନାହିଁ। ଏହା ବ୍ୟତୀତ ପ୍ରିୟଙ୍କା ଓ ନିକ୍ ଉମୈଦ ଭବନକୁ ହେଲିକପ୍ଟରରେ ପହଞ୍ଚିବେ। ଏଥିପାଇଁ କାହାକୁ ଫଟୋ କ୍ଲିକ୍ କରିବାର ସୁଯୋଗ ମିଳିପାରିବ ନାହିଁ।

   Related Posts