ସମ୍ୱଲପୁର ୦୭/୦୩ : ସମ୍ୱଲପୁର ଭିସୁଟ ଛାତ୍ରୀ ଚିନ୍ମୟୀ ମୃତ୍ୟୁ ମାମଲା । ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି ପ୍ରିତିମାନଙ୍କ ବାପା । ସେ କହିଛନ୍ତି ମୋ ପୁଅ ପ୍ରିତିମାନ ନିର୍ଦ୍ଦୋଷ ।

ହତ୍ୟା ହୋଇଛି କି ନାହିଁ ତାହା ପୋଲିସ କହିବ । ତଦନ୍ତ ସରିଛି ସତ କଣ ସାମ୍ନାକୁ ଆସିଯିବ । ୭ ଦିନ ପର୍ଯ୍ୟନ୍ତ ପୁଅକୁ ବୁର୍ଲାରେ ରହିବାକୁ ପୋଲିସ କହିଛି । ତଦନ୍ତରେ ସହଯୋଗ କରିବାକୁ ପୁଅ ବୁର୍ଲାରେ ରହିବ । ତେବେ ଚିନ୍ମୟୀଙ୍କ ପରିବାର ପ୍ରତି ମୋର ଯଥେଷ୍ଟ ସମ୍ମାନ ରହିଛି ।

ସୂଚନା ଥାଉକି, ଚିନ୍ମୟୀଙ୍କ ଦୁଇ ପୁରୁଷ ବନ୍ଧୁଙ୍କ ଲାଏ ଡିଟେକ୍ସନ ରିପୋର୍ଟ ପୋଲିସର ହସ୍ତଗତ ହୋଇଛି । ପ୍ରୀତିମାନ ଓ ମାନସ ମିଛ କହିନାହାନ୍ତି ବୋଲି ଲାଏ ଡିଟେକ୍ସନ ରିପୋର୍ଟରୁ ଜଣାପଡିଛି । ଏଥିରୁ ସ୍ପଷ୍ଟ ଯେ ଚିନ୍ମୟୀ ସାହୁଙ୍କୁ ହତ୍ୟା କରାଯାଇନି । ବରଂ ସେ ପାଣିରେ ବୁଡି ମରିଛନ୍ତି ବୋଲି ସ୍ପଷ୍ଟ କରିଛନ୍ତି ସମ୍ୱଲପୁର ଏସ୍‌ପି ବି.ଗଙ୍ଗାଧର ।