ଲଣ୍ଡନ: ବ୍ରିଟିଶ ରାଜ ପରିବାରର ସାନ ରାଜକୁମାର ପ୍ରିନ୍ସ ହ୍ୟାରୀଙ୍କ ଅଟୋବାୟୋଗ୍ରାଫି ସ୍ପେୟର ଖୁବ କମ ଦିନ ଭିତରେ ପ୍ରକାଶ ପାଇବାକୁ ଯାଉଛି । ପ୍ରିନ୍ସ ହ୍ୟାରୀଙ୍କୁ ଡ୍ୟୁକ ଅଫ୍ ସସେକ୍ସ ବୋଲି ମଧ୍ୟ କୁହାଯାଏ । ନିଜ ଅଟୋବାୟୋଗ୍ରାଫିରେ ସେ ନିଜ ବଡ଼ ଭାଇ ୱିଲିୟମଙ୍କ ବିରୋଧରେ ବହୁ ସଙ୍ଗୀନ ଅଭିଯୋଗ ଆଣିଛନ୍ତି । ହ୍ୟାରୀ ଦାବି କରିଛନ୍ତି ଯେ ତାଙ୍କ ପତ୍ନୀ ମେଗନ ମାର୍କେଲଙ୍କୁ ନେଇ ୱିଲିୟମ ବିବାଦୀୟ ଟିପ୍ପଣୀ କରିଥିଲେ, ଏହାକୁ ନେଇ ଦୁହିଁଙ୍କ ମଧ୍ୟରେ ବଡ଼ ଝଗଡା ହୋଇଥିଲା ।
ହ୍ୟାରୀଙ୍କ କହିବା ଅନୁସାରେ ୱିଲିୟନ ତାଙ୍କୁ ଧକ୍କା ମାରି ତଳେ ପକାଇ ଦେଇଥିଲେ। ଯାହାଦ୍ୱାରା ସେ ଆହତ ହୋଇଥିଲେ । ତେବେ ଏହା ପ୍ରଥମ ଥର ନୁହେଁ ଯେତେବେଳେ ମେଗନ ପାଇଁ ଦୁଇ ଭାଇଙ୍କ ମଧ୍ୟରେ ବିବାଦ ନେଇ ଖବର ସାମନାକୁ ଆସିଛି । ମେଗନ, ରାଜ ପରିବାର ସେହି ମହିଳା ଯାହାଙ୍କୁ ବ୍ରିଟେନରେ ସବୁଠୁ ଅଧିକ ନାପସନ୍ଦ କରାଯାଉଛି ।
ପ୍ରିନ୍ସ ହ୍ୟାରୀଙ୍କ ଦାବି,' ଝଗଡା ସମୟରେ ୱିଲିୟମ ତାଙ୍କର କଲର ଧରିଥିଲେ ଏବଂ ତଳେ ପକାଇ ଦେଇଥିଲେ । ମୋର ଡ୍ରେସ ଚିରି ଯାଇଥିଲା ଏବଂ ପିଠିରେ ଆଧାତ ଲାଗିଥିଲା' । ପ୍ରିନ୍ସ ହ୍ୟାରୀଙ୍କ ଏହି ଖୁଲାସା ପରେ ରାଜ ପରିବାରରେ ହଇଚଇ ସୃଷ୍ଟି ହୋଇଛି । ଅନୁମାନ କରାଯାଉଛି ଯେ ବ୍ରିଟେନର ମହାରାଣୀ ଏଲିଜାବେଥ୍ ଦ୍ୱିତୀୟଙ୍କ ବିୟୋଗ ପରେ ରାଜ ପରିବାର ଭିତରେ କିଛି ଠିକ୍ ନାହିଁ।
