ନୂଆଦିଲ୍ଲୀ: କଳାକାର ଏବଂ ହସ୍ତଶିଳ୍ପୀଙ୍କ ବିକାଶ ପାଇଁ ବିଶ୍ୱକର୍ମା ଯୋଜନା । ବିଶ୍ବବିନ୍ଧାଣୀଙ୍କ ପୂଜାରେ ବିଶ୍ୱକର୍ମା ଯୋଜନାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଯୋଜନା ପାଇଁ ୧୩ ହଜାର କୋଟି ଟଙ୍କା ବ୍ୟୟ ଅଟକଳ କରଯାଇଛି । ୫ ବର୍ଷ ପାଇଁ କଳାକାର ଏବଂ ହସ୍ତଶିଳ୍ପୀଙ୍କ ପାଇଁ ଆର୍ଥିକ ସହାୟତା ପ୍ରଦାନ କରାଯିବ । ବିଶ୍ବକର୍ମା ଯୋଜନାରେ କୌଳିକ ବୃତ୍ତି କରୁଥିବା ବିଶ୍ବକର୍ମା ଉପକୃତ ହେବେ ।

ଏହି ଯୋଜନାରେ ପଞ୍ଜିକୃତ ହସ୍ତଶିଳ୍ପୀମାନଙ୍କୁ ପିଏମ୍ ବିଶ୍ୱକର୍ମା ସାର୍ଟିଫିକେଟ ସହ ଆଇଡି କାର୍ଡ ପ୍ରଦାନ କରାଯିବ । ସେମାନଙ୍କୁ ପ୍ରାଥମିକ ପ୍ରଶିକ୍ଷଣ ଦିଆଯିବ । ୧୫ ହଜାର ଟଙ୍କାର ଟୁଲକିଟ୍ ପ୍ରଦାନ କରାଯିବ । ଏଥିସହ ୫ପ୍ରତିଶତ ସୁଧରେ ପ୍ରଥମ ପର୍ଯ୍ୟାୟରେ ୧ ଲକ୍ଷ ପର୍ଯ୍ୟନ୍ତ ଏବଂ ଦିତୀୟ ପର୍ଯ୍ୟାୟରେ ୨ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଯୋଗାଇ ଦିଆଯିବ ।

ଏହି ଅବସରେ ଓଡ଼ିଶାରେ ମଧ୍ୟ କାର୍ଯ୍ୟକ୍ରମ ରହିଛି । ଭୁବନେଶ୍ୱର କପିଳେଶ୍ୱର ଅଂଚଳର କଳାକାର ଏବଂ ହସ୍ତଶୀଳ୍ପୀଙ୍କୁ ଭେଟିଛନ୍ତି ରେଳମନ୍ତ୍ରୀ ଅଶ୍ୱୀନୀ ବୈଷ୍ଣବ । ସେମାନଙ୍କ ସହ ଆଲୋଚନା କରିବା ସହ ସୁବିଧା ଅସୁବିଧା ପଚାରି ବୁଝିଛନ୍ତି । କୁମ୍ଭାର ଓ ପଥର କାମ କରୁଥିବା ହସ୍ତଶିଳ୍ପୀଙ୍କୁ ପରମ୍ପରାକୁ ବଜାଇ ରଖିବାକୁ ଏହି ଯୋଜନା କରାଯାଇଥିବା କହିଛନ୍ତି କେନ୍ଦ୍ରମନ୍ତ୍ରୀ ।