ଭୁବନେଶ୍ୱର ୦୧/୦୨: ଓଡ଼ିଶା ଆସିବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଆସନ୍ତା ୧୦ ତାରିଖରେ ସେ ଆସି ଓଡ଼ିଶାରେ ପହଞ୍ଚିବେ । ୧୦ ଓ ୧୧ ଦୁଇଦିନ ଧରି ସେ ଓଡ଼ିଶାରେ ରହିବେ ।
ଦୁଇଦିନିଆ ଗସ୍ତରେ ଭୁବନେଶ୍ୱର ଓ କଟକରେ ରହିବାର କାର୍ଯ୍ୟକ୍ରମ ଅଛି । ଭୁବନେଶ୍ୱରରେ ତିନୋଟି ଓ କଟକରେ ୧ଟି କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ଅଛି । ବିଶେଷ କରି ଭୁବନେଶ୍ୱରର ଉତ୍କଳ ମଣ୍ଡପ, ରମାଦେବୀ ମହାବିଦ୍ୟାଳୟ ସହ କଟକର ସିଆରଆରଆଇରେ ଯୋଗଦେବେ । ଶେଷରେ ସେ ଲିଙ୍ଗରାଜ ମନ୍ଦିର ଦର୍ଶନ ସାରି ଦିଲ୍ଲୀ ଫେରିଯିବେ ।
ରାଷ୍ଟ୍ରପତି ହେବା ପରେ ଏହା ତାଙ୍କର ଦ୍ୱିତୀୟ ଥର ଓଡ଼ିଶା ଗସ୍ତ । ଗତ ନଭେମ୍ୱର ମାସରେ ଓଡ଼ିଶା ଆସିଥିଲେ ରାଷ୍ଟ୍ରପତି ।