ଗାଁକୁ ଆସିପାରିଲାନି ଆମ୍ବୁଲାନ୍ସ, ବିପଦ ସଙ୍କୁଳ ଅବସ୍ଥାରେ ନଦୀ ପାର ହୋଇ ୨ କି.ମି. ଚାଲିଲେ ପ୍ରସୂତୀ

Published By : Prameya-News7 Bureau | July 21, 2023 IST

ମୋହନା ୨୧।୭: ଗାଁକୁ ନାହିଁ ରାସ୍ତା । ଆସିପାରିଲାନି ଆମ୍ବୁଲାନ୍ସ । ଫଳରେ କାଦୁଅ ପଚ ପଚ ରାସ୍ତାରେ ବିପଦ ସଙ୍କୁଳ ଅବସ୍ଥାରେ ୨ କିଲୋମିଟର ଚାଲିଲେ ପ୍ରସୂତୀ । ନଦୀ ପାର କରି ଚଲାଇ ଚଲାଇ ଆଣିଲେ ଆଶା କର୍ମୀ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ବ୍ଲକ ଦୁର୍ଗମ ଗରଡ଼ମା ପଞ୍ଚାୟତ ରାଜଖମା ଗାଁରେ ।

ସୂଚନାଯୋଗ୍ୟ ଯେ, ଗାଁକୁ ପକ୍କା ରାସ୍ତା ନାହିଁ l ବର୍ଷା ଯୋଗୁଁ ଗାଁକୁ ଯାଇଥିବା ରାସ୍ତାଟି କାଦୁଅ ପଚ ପଚ ହୋଇ ରହିଛି l ପୁଣି ରାସ୍ତା ମଝିରେ ଏକ ବଡ଼ ନଦୀ l ଏଭଳି ଅବସ୍ଥାରେ ଗର୍ଭବତୀ ଥିବା ଗାଁର ଜଗା ପାତ୍ରଙ୍କ ପତ୍ନୀ ପୂଜା ପାତ୍ରଙ୍କର ଶୁକ୍ରବାର ସକାଳେ ପ୍ରସବ ଯନ୍ତ୍ରଣା ଆରମ୍ଭ ହୋଇଥିଲା l ସେତେବେଳେ ଗାଁର ଆଶା କର୍ମୀ ସନ୍ଧ୍ୟାରାଣୀ ଦଣ୍ଡସେନl ଆମ୍ବୁଲାନ୍ସକୁ ଖବର ଦେଇଥିଲେ l ହେଲେ ଖରାପ ରାସ୍ତା ଯୋଗୁ ଗାଁକୁ ଆସିନଥିଲା ଆମ୍ବୁଲାନ୍ସ । ରାସ୍ତା ଖରାପ ଯୋଗୁଁ ଗାଁ ଠାରୁ ଦୁଇ କିଲୋମିଟର ଦୂରରେ ରହିଯାଇଥିଲା ଆମ୍ବୁଲାନ୍ସ l ବାଧ୍ୟ ହୋଇ ଆଶା କର୍ମୀ ଓ ପରିବାର ଲୋକେ  ଗର୍ଭବତୀ ମହିଳାଙ୍କୁ ଦୀର୍ଘ ଦୁଇ କିଲୋମିଟର କାଦୁଅ ପଚ ପଚ ରାସ୍ତାରେ ଚଲାଇ ଚଲାଇ ଆଣିଥିଲେ । ଏହାସହ ନଦୀ ପାର କରାଇ ପଦାସାହି ଗାଁକୁ ଆଣି ଆମ୍ବୁଲାନ୍ସରେ ବ୍ରlହ୍ମଣିଗାଁ ମେଡିକାଲକୁ ନେଇଥିଲେ ।

ତେବେ ରାସ୍ତା ନିର୍ମାଣ ପାଇଁ ଗ୍ରାମବାସୀ ବହୁବାର ଦାବି କରିଥିଲେ ମଧ୍ୟ କୌଣସି ସୁଫଳ ମିଳୁ ନଥିବା ଅଭିଯୋଗ କରିଛନ୍ତି ।

You Can Read :

wp:embed {"url":"https://www.prameyanews7.com/veichle-stuck-5-buffalo-at-baliguda/","type":"wp-embed","providerNameSlug":"prameya-news-7"}
https://www.prameyanews7.com/veichle-stuck-5-buffalo-at-baliguda/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.