ମୟୁରଭଞ୍ଜ ୪|୧୦:  ପୁଣି ଖଟିଆରେ ବୁହା ହେଲେ ପ୍ରସୂତି । ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା  ଚାଉଳଘୋରି ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା ।  ରାସ୍ତା ଖରାପ ଯୋଗୁଁ ପ୍ରସୂତିଙ୍କ ଘର ପାଖକୁ ପହଞ୍ଚି ପାରିଲାନି ୧୦୨ ଆମ୍ବୁଲାନ୍ସ । ସୂଚନା ଅନୁସାରେ ଗାଁର କାଲୁ ସିଂ ଙ୍କ ପତ୍ନୀ ଟୁନି ସିଂ ଆସନ୍ନ ପ୍ରସବା ଥିଲେ । ପ୍ରସବ ଯନ୍ତ୍ରଣା ହେବାରୁ ଘରଲୋକ ଆମ୍ବୁଲାନ୍ସକୁ ଖବର ଦେଇଥିଲେ । ମାତ୍ର ରାସ୍ତା ଅତ୍ୟନ୍ତ ଖରାପ ଥିବା ଯୋଗୁଁ ଟୁନିଙ୍କ ପାଖରେ ଠିକ୍ ସମୟରେ ଆମ୍ବୁଲାନ୍ସ ପହଞ୍ଚିପାରିନଥିଲା ।  ବାଧ୍ୟ ହୋଇ ଘର ଲୋକେ ଗ୍ରାମବାସୀଙ୍କ ସହାୟତାରେ ଖଟିଆରେ ଆମ୍ବୁଲାନ୍ସ ପର୍ଯ୍ୟନ୍ତ ବୋହି ନେଇଥିଲେ ପ୍ରସୂତିଙ୍କୁ । ଗତ ୩ ଦିନ ତଳେ ମଧ୍ୟ ଗାଁରେ ସମାନ ଘଟଣା ଦେଖିବାକୁ ମିଳିଥିଲା ।