previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଧର୍ମଗଡ : ଲଗାଣ ବର୍ଷାରେ ବେହାଲ କଳାହାଣ୍ଡି ଜିଲ୍ଲା, ନଦୀ କୂଳିଆ ଅଞ୍ଚଳରେ ବନ୍ୟା ପରିସ୍ଥିତି
  • ||
  • ମୋହନା : ଲଗାଣ ବର୍ଷାରେ ବୃଦ୍ଧି ପାଇଲା ହରଭଙ୍ଗୀ ନଦୀର ଜଳସ୍ତର, ୪ ଗାଁକୁ ଯୋଗାଯୋଗ ବିଚ୍ଛିନ୍ନ
  • ||
  • ସାନଖେମୁଣ୍ଡି : କୂଅରେ ପଡିଲା ଜଙ୍ଗଲୀ ବାରହା, ଉଦ୍ଧାର କାର୍ଯ୍ୟ ଜାରି
  • ||
  • ପୁରୀ : ପୁରୀ ସମୁଦ୍ରରେ ସ୍ନାନ ବେଳେ ଅଘଟଣ : ଭାସିଯାଇ ଯୁବତୀଙ୍କ ମୃତ୍ୟୁ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଜଣେ ଶିଶୁ ସମେତ ୩ ଆହତ
  • ||
  • ସମ୍ବଲପୁର : ବ୍ରେକ୍ ଫେଲ୍ ହେଲା ଚଳନ୍ତା ବସ୍‌, ଭାରସାମ୍ୟ ହରାଇ ରାସ୍ତାରେ ଓଲଟିଲା
  • ||
  • କାମାକ୍ଷାନଗର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • ବିହାରରେ ବଦଳିବ ରାଜନୈତିକ ସମୀକରଣ : କଂଗ୍ରେସ-ଆରଜେଡି ସମର୍ଥନରେ ସରକାର ଗଢିବେ ନୀତିଶ !
  • ||
  • ଜୟପୁର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • କଣ୍ଟାବାଞ୍ଜି : ଗାଁ ନିକଟ ମହୁଲ ଗଛରେ ଝୁଲୁଛି ଯୁବକଙ୍କ ମୃତଦେହ, ଆତ୍ମହତ୍ୟା ନା’ ହତ୍ୟା ଅସ୍ପଷ୍ଟ
  • ||

CPL ଖେଳିବାର ପ୍ରଥମ ଭାରତୀୟ ଖେଳାଳି ହେଲେ ୪୮ବର୍ଷୀୟ ପ୍ରବୀଣ ତାମ୍ବେ

27/08/2020 at 10:58 AM

ନୂଆଦିଲ୍ଲୀ ୨୭।୦୮: ଲେଗ୍‌ ସ୍ପିନର ପ୍ରବୀଣ ତାମ୍ବେ କାରବିଆନ୍‌ ପ୍ରିମିୟର ଲିଗ୍‌ (CPL 2020)ରେ ଖେଳିଥିବା ପ୍ରଥମ ଭାରତୀୟ ଖେଳାଳି ହୋଇଛନ୍ତି । ସେ ବୁଧବାର ଦିନ ତ୍ରିନିବାଗୋ ନାଇଟ୍‌ ରାଇଡର୍ସ ପକ୍ଷରୁ ସେଣ୍ଟ ଜୁସିଆ ଜୋକ୍ସ ବିରୋଧରେ ଖେଳିଥିଲେ । ୪୮ବର୍ଷୀୟ ତାମ୍ବେ ଟି-୨୦ ଲିଗ୍‌ରେ ବର୍ତ୍ତମାନର ସବୁଠାରୁ ବୟସ୍କ ଖେଳାଳି । ଏହାପୂର୍ବରୁ ଭାରତର ପୂର୍ବତନ ଅଣ୍ଡର-୧୯କ୍ରିକେଟର ସନ୍ନି ସୋହେଲ ୨୦୧୮ରେ ବାରବୋଡୋସ ଟ୍ରାଇଡେଣ୍ଟସ୍‌ ପାଇଁ ଖେଳିଥିଲେ । କିନ୍ତୁ ସେତେବେଳେ ସେ ଆମେରିକାର ନାଗରିକ ଭାବେ ଚୟନ ହୋଇଥିଲେ ।  

ପ୍ରବୀଣ ତାମ୍ବେ ସୁନୀଲ ନାରେଣଙ୍କ ସ୍ଥାନରେ ମ୍ୟାଚ୍‌ ଖେଳିଥିଲେ । ସେ ଇଣ୍ଡିଆନ୍‌ ପ୍ରିମିୟର ଲିଗ୍‌ ୨୦୨୦ରେ ହୋଇଥିବା ଖେଳାଳିମାନଙ୍କ ନିଲାମରେ ସବୁଠାରୁ ବୟସ ଖେଳାଳି ଥିଲେ । କିନ୍ତୁ ୟୁଏଇରେ ଏକ ଅନାଧିକୃତ ଟି-୧୦ ଲିଗ୍‌ ଖେଳିବା ପାଇଁ ତାଙ୍କ ଭାରତୀୟ କ୍ରିକେଟ୍‌ ବୋର୍ଡ ଅଯୋଗ୍ୟ ଘୋଷିତ କରିଦେଇଥିଲା । ଏହାପରେ ତାଙ୍କୁ ଆଇପିଏଲ୍‌ ଖେଳିବା ପାଇଁ ଅନୁମତି ଦିଆଯାଇନଥିଲା । ତାମ୍ବେଙ୍କୁ ଆଇପିଏଲ୍‌ ୨୦୨୦ରେ ନିଲାମରେ କୋଲକାତା ନାଇଟ୍‌ ରାଇଡର୍ସ ୨୦ଲକ୍ଷ ଟଙ୍କାରେ କିଣିଥିଲା । ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡର ନିୟମ ଅନୁସାରେ କୌଣସି ଖେଳାଳି ଅନ୍ୟ ଦେଶର ଘରୋଇ ଟି-୨୦ ଲିଗ ଖେଳିବାକୁ ଅନୁମତି ଦିଆଯିବ । ଯେତେବେଳେ କି ସେହି କ୍ରିକେଟର ଆଇପିଏଲ୍‌ ଓ ସମସ୍ତ ପ୍ରକାର ଖେଳରୁ ଅବସର ନେଇଥିବେ । ତେଣୁ CPL ଖେଳିବା ପାଇଁ ତାମ୍ବେ ଚଳିତ ବର୍ଷ ଜୁଲାଇ ମାସରେ ଅବସର ନେଇଥିଲେ । ଅକ୍ଟୋବର  ୧୯୭୧ରେ ଜନ୍ମ ପ୍ରବୀଣ ତାମ୍ବେ ଜଣେ ଲେଗ୍‌ ସ୍ପିନର ଅଟନ୍ତି । ୨୦୧୩ରେ ୪୨ବର୍ଷ ବୟସରେ ତାମ୍ବେ ଆଇପିଏଲ୍‌ ଖେଳିଥିଲେ । ୨୦୧୩ରୁ ୨୦୧୬ରୁ ମଧ୍ୟରେ ୪ଟି ସିଜିନ୍‌ରେ ମୋଟ ୩୩ ଆଇପିଏଲ୍‌ ମ୍ୟାଚ୍‌ ଖେଳିଥିଲେ, ଏବଂ ୨୮ଟି ଓ୍ୱିକେଟ୍‌ ନେଇଛନ୍ତି । ତେବେ ଗତ ମ୍ୟାଚ୍‌ରେ ତ୍ରିନାବାଗୋ ନାଇଟ୍‌ ରାଇଡର୍ସ ସେଣ୍ଟ ଜୋକ୍ସକୁ ୬ଓ୍ୱିକେଟ୍‌ରେ ପରାସ୍ତ କରିଛି । ପ୍ରବୀଣ ତାମ୍ବେ ଏହି ମ୍ୟାଚ୍‌ରେ ନିଜ ପ୍ରଥମ ସିପିଏଲ୍‌ ଓ୍ୱିକେଟ୍‌ ହାସଲ କରିଛନ୍ତି । ତାମ୍ବେ ଗୋଟିଏ ଓଭର ବୋଲିଂ କରି ୧୫ରନ ଦେଇ ଗୋଟିଏ ଓ୍ୱିକେଟ୍‌ ନେଇଛନ୍ତି ।   

   Related Posts