oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର:ପ୍ରଧାନ ଶିକ୍ଷକଙ୍କ ବଦଳିକୁ ବିରୋଧ, ରାସ୍ତା ଉପରେ ପାଠ ପଢ଼ିଲେ ଛାତ୍ରଛାତ୍ରୀ
  • ||
  • ଛତିଶଗଡ଼ରେ ୪ ଓଡ଼ିଆଙ୍କୁ ନିର୍ମମ ହତ୍ୟା, ସ୍ୱାମୀ-ସ୍ତ୍ରୀ ଓ ଦୁଇ ଛୁଆ ମୃତ
  • ||
  • ଶାରଳାଙ୍କ ପୀଠରେ ଷଷ୍ଠୀ ପୂଜା, ମା’ଙ୍କ ଦର୍ଶନ ଲାଗି ଜମୁଛି ଶ୍ରଦ୍ଧାଳୁଙ୍କ ଭିଡ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୦୩ କୋଭିଡ୍ ପଜିଟିଭ୍
  • ||
  • ଭିଜିଲାନ୍ସ ଜାଲରେ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍
  • ||
  • ଦୁଷ୍କର୍ମ ଅଭିଯୋଗରେ ଜେଲ୍ ଗଲା ଟୁଙ୍ଗୁରୁ ଭୋଳ, ବହୁଚର୍ଚ୍ଚିତ ପ୍ରେମ କାହାଣୀରେ ପଡିଲା ପୂର୍ଣ୍ଣଚ୍ଛେଦ
  • ||
  • ମହାଷଷ୍ଠୀରେ ଭିଜିବ ଉପକୂଳ, ସମ୍ଭାବ୍ୟ ଲଘୁଚାପ ପ୍ରଭାବରେ ପହିଲାରୁ ବଢିବ ବର୍ଷା ପରିମାଣ
  • ||
  • ଶୁକ୍ରବାର ବସିବ କ୍ୟାବିନେଟ ବୈଠକ, ୧୦ଟି ପ୍ରସ୍ତାବରେ ବାଜିପାରେ ମୋହର
  • ||

ଖୁବ ଶୀଘ୍ର ବଜାରକୁ ଆସୁଛି ମେଡ୍ ଇନ୍ ଇଣ୍ଡିଆ ଇଲେକ୍ଟ୍ରିକ୍ କାର୍: ସିଙ୍ଗଲ୍ ଚାର୍ଜରେ ଚାଲିବ ୫୦୪ କିଲୋମିଟର୍

8/12/2020 at 5:51 PM

ନୂଆଦିଲ୍ଲୀ ୦୮/୧୨ : ଭାରତୀୟ ବଜାରରେ ଇଲେକ୍ଟ୍ରି କାରର ଚାହିଦା ବହୁତ ବଢୁଛି। ଯାହାଫଳରେ ସ୍ଥାନୀୟ ବାହନ ନିର୍ମାତା କମ୍ପାନୀ ଇଲେକ୍ଟ୍ରି କାର ତିଆରି କରିବାକୁ ମନ ବଳାଉଛନ୍ତି। ଏହି କ୍ରମରେ ଦେଶର ଆଉ ଏକ ଇଲେକ୍ଟ୍ରିକ ବାହନ ନିର୍ମାତା କମ୍ପାନୀ Pravaig Extinction ଇଲେକ୍ଟ୍ରି କାର Mk1 ଲଞ୍ଚ କରିବାକୁ ପ୍ରସ୍ତୁତି କରୁଛି। ସୂଚନା ଅନୁଯାୟୀ କମ୍ପାନୀ ଆଗାମୀ ବର୍ଷ ସୁଦ୍ଧା ଏହି କାର ବଜାରକୁ ଛାଡିପାରେ। 

ନିକଟରେ କମ୍ପାନୀ ଏହି କାର ଉପରେ ପରଦା ଉଠେଇଛି। ଏହି କାର ପ୍ରଥମେ ଫ୍ଲିଟ୍ ଅପରେଟର୍ସଙ୍କ ପାଇଁ ଉପଲବ୍ଧ ହେବ। କମ୍ପାନୀ ସର୍ବ ପ୍ରଥମେ ଦିଲ୍ଲୀ ଓ ବେଙ୍ଗାଲୁରୁରେ ଲଞ୍ଚ କରିବ। ଏହାପରେ ଗ୍ରାହକଙ୍କ ପ୍ରତିକ୍ରିୟା ଦେଖିବା ପରେ ଦେଶର ଅନ୍ୟ ସହରମାନଙ୍କରେ ଲଞ୍ଚ କରିବ।

ରିପୋର୍ଟ ଅନୁସାରେ, ଦୁଇଟି ଡୋର ବିଶିଷ୍ଟ ଏହି କୁପେ କାରରେ କମ୍ପାନୀ ୪ଟି ସିଟ ବିକଳ୍ପ ଦେଇଛି। ଯଦି ଉତ୍ପାଦନ କଥା ଦେଖାଯାଏ ତାହେଲେ କମ୍ପାନୀ ପ୍ରତିବର୍ଷ ୨୫୦୦ କାର ନିର୍ମାଣ କରିବାକୁ ଲକ୍ଷ୍ୟ ରଖିଛି।

କମ୍ପାନୀ ଦାବି କରିଛି ଯେ ଏହି କାର୍ ଥରେ ଚାର୍ଜ କଲେ ୫୦୪ କିଲୋମିଟର୍ ଯାଇପାରିବ। ଏହି ଇଲେକ୍ଟ୍ରିକ୍ କାର୍ ୩୦ ମିନିଟରେ ୮୦ ପ୍ରତିଶତ ଯାଏଁ ଚାର୍ଜ ହୋଇଯିବ। ଏହି କାରରେ ଯେଉଁ ଇଲେକ୍ଟ୍ରିକ୍ ମୋଟର୍ ପ୍ରୟୋଗ କରାଯାଇଛି ତାହା 202 hp ପାୱାର୍ ବିଶିଷ୍ଟ ଏବଂ 2,400 Nm ଟର୍କ ଜେନେରେଟ କରିଥାଏ। ପିକଅପ୍ ଓ ସ୍ପିଡ୍ ମାମଲାରେ ମଧ୍ୟ ଏଜ କାର୍ ଉତ୍ତମ। କମ୍ପାନୀ ଦାବି କରିଛି ଯେ ଏହି କାର ୫.୪ ସେକେଣ୍ଡରେ ଘଣ୍ଟା ପ୍ରତି ୦ ରୁ ୧୦୦ କିଲୋମିଟର୍ ସ୍ପିଡ଼ରେ ଯାଇପାରିବ। ଏହି କାରର ସର୍ବାଧିକ ସ୍ପିଡ୍ ଘଣ୍ଟା ପ୍ରତି ୧୯୬ କିଲୋମିଟର।

Pravaig ର ଏହି ନୂଆ ଇଲେକ୍ଟ୍ରିକ୍ କାର୍ ସମ୍ପୂର୍ଣ୍ଣ ମେଡ୍ ଇନ୍ ଇଣ୍ଡିଆ। ବଜାରରେ ଲଞ୍ଚ ହେବାପରେ ଏହି କାର୍ ମୁଖ୍ୟତଃ ଦକ୍ଷିଣ କୋରିଆର ପ୍ରମୁଖ ବାହନ ନିର୍ମାତା କମ୍ପାନୀ ହ୍ୟୁଣ୍ଡାଇର ଇଲେକ୍ଟ୍ରିକ୍ କାର୍ କୋନା ଓ ଏମଜି ମୋଟର୍ସ ଜେଡଏସ୍ ସହ ପ୍ରତିଦ୍ବନ୍ଦିତା କରିବ। Hyundai Kona ସିଙ୍ଗଲ୍ ଚାର୍ଜରେ ୪୫୨ କିଲୋମିଟର ଓ MG ZS ସିଙ୍ଗଲ ଚାର୍ଜରେ ୩୪୦ କିଲୋମିଟର ଡ୍ରାଇଭ୍ ରେଞ୍ଜ ପ୍ରଦାନ କରିଥାଏ। ଏହି କାରକୁ କମ୍ପାନୀ ଅତ୍ୟନ୍ତ ଫ୍ୟୁଚରଷ୍ଟିକ୍ ଡିଜାଇନ୍ ଦେଇଛି। ଏହି କାରକୁ ଭାରତର ଟେସ୍ଲା ମଧ୍ୟ କୁହାଯାଉଛି।

   Related Posts