ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୨୦-୨୨ରେ କୋଭିଡ଼ ନେଇଛି ୨୦ହଜାରରୁ ଅଧିକ ଜୀବନ, ବିଧାନସଭାରେ ରାଜସ୍ୱ ମନ୍ତ୍ରୀଙ୍କ ଲିଖିତ ଉତ୍ତର
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିରେ ହାଜର ହେଲେ ହୋଟେଲ ମାଲିକ
  • ||
  • ଟାଙ୍ଗୀ : ଅଧୁରା ରହିଗଲା ଜଗା ଦର୍ଶନ, ଦୁର୍ଘଟଣାରେ ଚାଲିଗଲା ୪ ଜୀବନ
  • ||

ନିଜ ଗାଁକୁ ଫେରିଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ : ନିଜର ସେହି ଭଙ୍ଗା କୁଡ଼ିଆରେ କଲେ ରାତ୍ରି ଯାପନ

10/06/2019 at 8:39 AM

ନୀଳଗିରି ୧୦/୬ : ବାଲେଶ୍ଵର ସାଂସଦ ପ୍ରତାପ ସଢଙ୍ଗୀଙ୍କ ସରଳ ଜୀବନ ଯାପନ ନେଇ ସାରା ଦେଶରେ ଏବେ ଚର୍ଚ୍ଚା ହେଉଛି । ତାଙ୍କୁ ଦୁଇ ଦୁଇଟି ବିଭାଗର ମନ୍ତ୍ରୀ ଭାବେ ଦାୟିତ୍ବ ଦିଆଯାଇଛି । ଗତକାଲି ମଧ୍ୟ ରାତ୍ରରେ ସେ ନୀଳଗିରି ସ୍ଥିତ ଗୋପୀନାଥପୁର ଶାସନକୁ ଆସିଥିଲେ । ଗ୍ରାମବାସୀ ତାଙ୍କୁ ବିପୁଳସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ।

କିଏ ମିଠା ବାଣ୍ଟୁଥିଲେ ତ କିଏ ନାଚୁଥିଲେ । ଗାଁକୁ ଫେରିବା ପରେ ପ୍ରତାପ ଷଡ଼ଙ୍ଗୀ ତାଙ୍କର ସେହି ଭଙ୍ଗା କୁଡ଼ିଆରେ ରାତ୍ରି ଯାପନ କରିଥିଲେ । କର୍ମୀମାନେ ବେଶ ଉତ୍ସାହିତ ହୋଇପଡିଥିବାବେଳେ ଏଭଳି ଏକ ବିଜେପି ନେତା ବିରଳ ବୋଲି କହିଥିଲେ ।

ଗାଁଲୋକେ ତାଙ୍କୁ ଏକ ରତ୍ନ ସଦୃଶ୍ୟ ଦେଖୁଛନ୍ତି । ଗ୍ରାମବାସୀ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମୁଦ୍ର ଭିତରୁ ଏକ ରତ୍ନ ଖୋଜିନେଇ ଯେଉଁ ଶୀର୍ଷ ସ୍ଥାନରେ ପହନ୍ଚିଛନ୍ତି ସେଥିପାଇଁ ପୁରା ବାଲେଶ୍ୱର ଗର୍ବିତ । ଏଥିପାଇଁ ଗ୍ରାମବାସୀ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଜଣାଇଛନ୍ତି ।

କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆଗାମୀ ଦିନରେ ଓଡିଶାର ନା ଉଜ୍ଜ୍ୱଳ କରିବେ ଏବଂ ଦେଶର ନାଁ ରଖିବେ ବୋଲି କହିଛନ୍ତି ଗ୍ରାମବାସୀ । ପ୍ରତାପ ଷଡ଼ଙ୍ଗୀଙ୍କୁ କେନ୍ଦ୍ରମନ୍ତ୍ରୀ ଭାବେ ନିଯୁକ୍ତି କରି ସେ ଓଡ଼ିଶାବାସୀଙ୍କୁ, ବାଲେଶ୍ୱରବାସୀଙ୍କୁ ସମ୍ମାନିତ କରିଛନ୍ତି ବୋଲି କହିଛନ୍ତି ପ୍ରତାପ ଷଡ଼ଙ୍ଗୀଙ୍କ ସମର୍ଥକ ।

   Related Posts