ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ବିଚ୍ଛିନ୍ନାଞ୍ଚଳରେ ପ୍ରଜାମେଳି : ଆଦିବାସୀଙ୍କ ପ୍ରତି ଅତ୍ୟାଚାର ବନ୍ଦ ଦାବିରେ ଆନ୍ଦୋଳନକୁ ଓହ୍ଲାଇଲେ ୬ ପଞ୍ଚାୟତବାସୀ

17/03/2020 at 11:58 AM

ମାଲକାନଗିରିର ।୩: ପୁଣି ବିଚ୍ଛିନ୍ନାଞ୍ଚଳରେ ପ୍ରଜାମେଳି । ନିରୀହ ଆଦିବାସୀଙ୍କ ପ୍ରତି ଅତ୍ୟାଚାର ବନ୍ଦ ଦାବିରେ ୬ଟି ପଞ୍ଚାୟତବାସୀ ଆନ୍ଦୋଳନକୁ ଓହ୍ଲାଇଛନ୍ତି । ପାଣସପୁଟ, ଆଣ୍ଡ୍ରାପାଲି, ଜନ୍ତ୍ରୀ, ଗଜଲମାମୁଡି, ମୁଦୁଲିଗୁଡା, ଦାରଳାବେଡା ପଞ୍ଚାୟତର ପାଖାପାଖି ହଜାରେରୁ ଅଧିକ ଲୋକେ ଗୋରାସେତୁ ଠାରେ ଏକତ୍ରିତ ହୋଇଛନ୍ତି । ପାରମ୍ପରିକ ଅସ୍ତ୍ରଶସ୍ତ୍ର ହାତରେ ଧରି ଆନ୍ଦୋଳନ ଆନ୍ଦୋଳନ କରୁଛନ୍ତି ସ୍ଥାନୀୟ ବାସିନ୍ଦା । ସ୍ଥାନୀୟ ଅଞ୍ଚଳରେ ମେଡିକାଲ ସହ ୧୦୮ଆମ୍ବୁଲାନ୍ସ ଯୋଗାଇ ଦେବାକୁ ଦାବି କରିଛି ବିଚ୍ଛିନ୍ନାଞ୍ଚଳ ବିକାଶ ମଞ୍ଚ ।

ଗତ ଜାନୁଆରୀ ମାସ ୨୫ ତାରିଖ ଯୋଡାମ୍ବୋଠାରେ ଘଟିଥିବା ଘଟଣା ପରେ ବିଚ୍ଛିନ୍ନାଞ୍ଚଳ ୨ ଭାଗରେ ବିଭକ୍ତ ହୋଇଯାଇଛି । ଯେଉଁଥିପାଇଁ ଅସୁବିଧାର ସମ୍ମୁଖୀନ ହେଉଛନ୍ତି ବିଚ୍ଛିନ୍ନାଞ୍ଚଳର ହଜାର ହଜାର ଲୋକେ । ଯୋଡାମ୍ବୋଠାରେ ଥିବା ସ୍ବାସ୍ଥ୍ୟକେନ୍ଦ୍ରକୁ ଯାଇପାରୁନଥିବା ବେଳେ ରୋଗବ୍ୟାଧି ତଥା ଗର୍ଭବତୀ ମହିଳାଙ୍କ ଚିକିତ୍ସା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି ୬ଟି ପଞ୍ଚାୟତ ବାସିନ୍ଦା । ସେଥିପାଇଁ ପଣସପୁଟଠାରେ ଏକ ସ୍ବାସ୍ଥ୍ୟକେନ୍ଦ୍ର ଖୋଲିବା ସହ ମା’ ଗୃହ ଯୋଗାଇ ଦେବାକୁ ସ୍ବାସ୍ଥ୍ୟମନ୍ତ୍ରୀଙ୍କୁ ସିଧା ସଳଖ ଚିଠି ଲେଖିଛନ୍ତି ବିଚ୍ଛିନ୍ନାଞ୍ଚଳ ବିକାଶ ମଞ୍ଚ ।

ଅନ୍ୟପଟେ ପୋଲିସ ପ୍ରଶାସନ ଗାଁକୁ ସୁରକ୍ଷା ଦେବା ନାଁରେ ନିରୀହ ଆଦିବାସୀଙ୍କୁ ନକ୍ସଲଙ୍କ ଆଖ୍ୟା ଦେଇ ଗିରଫ କରୁଛନ୍ତି । ମାର୍ଚ୍ଚ ୧୪ ତାରିଖରେ ଶିମିଳିପଦର ଗାଁର ବାସୁ ଖିଲ ନିଜ ଭଉଣୀଙ୍କ ଘରକୁ ଯାଉଥିବା ସମୟରେ ଅଧା ରାସ୍ତାରୁ ପୋଲିସ କହିକି ଜୋରଜବର ଦୋସ୍ତ ଉଠାଇ ନେଇଛନ୍ତି ତାହା ଆଜି ବି ରହିଛି ଅସ୍ପଷ୍ଟ । ଏଭଳି କାର୍ଯ୍ୟକୁ ଘୋର ନିନ୍ଦା କରିଛନ୍ତି ବିକାଶ ମଞ୍ଚ । ବିକାଶ ନାମରେ ଚଳାଉଥିବା ଅତ୍ୟାଚାରକୁ ତୁରନ୍ତ ବନ୍ଦ କରାଯାଉ, ନଚେତ୍ ଆଗାମୀ ଦିନରେ ଆମେ ବିଚ୍ଛିନ୍ନାଞ୍ଚଳ ବିକାଶ ମଞ୍ଚ ତରଫରୁ ଏହି ସ୍ଥାନରୁ ପୋଲିସ କ୍ୟାମ୍ପକୁ ଉଠେଇବାକୁ ବାଧ୍ୟ ହେବୁ ବୋଲି କଡା ଚେତାବନୀ ଦେଇଛନ୍ତି ସ୍ଥାନୀୟ ଲୋକେ ।

   Related Posts