vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ପରକୀୟା ପ୍ରୀତି ସନ୍ଦେହରେ ପ୍ରଜାକୋର୍ଟ, ଫାଟକରେ ଯୁବକ ଏବଂ ବିଧବା ମହିଳାଙ୍କୁ ବାନ୍ଧିଲେ ଲୋକେ

16/05/2022 at 10:59 PM

 ଯାଜପୁର, ୧୬/୦୫: ପରକୀୟା ପ୍ରୀତି ସନ୍ଦେହରେ ପ୍ରଜାକୋର୍ଟ । ଗାଁ ଦାଣ୍ଡରେ ଯୁବକ ଓ ବିଧବା ମହିଳାଙ୍କୁ ବାନ୍ଧି ପ୍ରଜାକୋର୍ଟ କଲେ ଲୋକେ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ସୁକିନ୍ଦା ଥାନା ସଂସାଇଲୋ ଗ୍ରାମରେ । ସୂଚନା ମୁତାବକ ସଂସାଇଲୋ ଗ୍ରାମର ଅନୁସୂଚିତ ଜାତି ସଂପ୍ରଦାୟର ଜଣେ ବିଧବା ମହିଳାଙ୍କ ଘରକୁ ସ୍ଥାନୀୟ ଅତା ଗ୍ରାମର ଗଗନ ମଲିକ ନାମକ ଜଣେ ଯୁବକ ସବୁ ସମୟରେ ଯିବା ଆସିବା କରନ୍ତି । ତେଣୁ ଉଭୟଙ୍କ ମଧ୍ୟରେ ପରକୀୟା ପ୍ରୀତି ଥିବା ଗ୍ରାମବାସୀ ସନ୍ଦେହ କରି ଆସୁଥିଲେ।

ତେବେ ଗତ ଶନିବାର ରାତିରେ ଗଗନ ସମ୍ପୃକ୍ତ ମହିଳାଙ୍କ ଘରୁ ବାହାରୁଥିବା ଦେଖି ଗ୍ରାମର କିଛି ଲୋକ ଉଭୟଙ୍କୁ ଅଟକ ରଖି ଗଗନଙ୍କ ପରିବାର ଲୋକଙ୍କୁ ଖବର ଦେଇଥିଲେ। ଖବର ପାଇ ଗଗନର ପରିବାର ଲୋକେ ସେଠାରେ ପହଞ୍ଚିବା ପରେ ଏଥିରେ ଗଗନ ଉତକ୍ଷିପ୍ତ ହୋଇ ସେମାନଙ୍କୁ ଗାଳିଗୁଲଜ କରିବା ସହିତ ଆକ୍ରମଣ କରିଥିଲେ। ଏହାପରେ ସେଠାରେ ଉଭୟଙ୍କ ପରିବାର ଲୋକଙ୍କୁ ବସାଇ ଗ୍ରାମବାସୀ ପ୍ରଜାକୋର୍ଟ କରିଥିଲେ।

ପ୍ରଜାକୋର୍ଟର ନିଷ୍ପତ୍ତିକ୍ରମେ ଗଗନ ଏବଂ ସମ୍ପୃକ୍ତ ମହିଳାଙ୍କୁ ଜବରଦସ୍ତ ଗାଁ ଦାଣ୍ଡରେ ଥିବା ଏକ ଫାଟକରେ ବାନ୍ଧି ଦେଇଥିଲେ । ରାତିସାରା ଉଭୟେ ସେଠାରେ ବନ୍ଧା ହୋଇ ରହିଥିଲେ। ପରଦିନ ସକାଳୁ ଖବର ପାଇ ସୁକିନ୍ଦା ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ଥାନାକୁ ନେଇଥିଲେ। ପରେ ପୋଲିସ ସେମାନଙ୍କୁ ଛାଡ଼ି ଦେଇଥିଲେ। ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।

   Related Posts