scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଚିଟଫଣ୍ଡ କେଳେଙ୍କାରୀ, ୧୦ ବର୍ଷ ପରେ ଜେଲ୍‌ରୁ ମୁକୁଳିଲେ ପ୍ରଦୀପ ସେଠୀ

3/11/2022 at 8:29 AM

ଭୁବନେଶ୍ୱର ୦୩।୧୧ : ଚିଟ୍‌ଫଣ୍ଡ ଠକେଇ ମାମଲାରେ ଦୀର୍ଘ ୧୦ ବର୍ଷ ପରେ ଜେଲ୍‌ରୁ ମୁକୁଳିଛନ୍ତି ଅର୍ଥତତ୍ତ୍ୱ (ଏଟି) ମାଲିକ ପ୍ରଦୀପ ସେଠୀ । ସେ ବ୍ରହ୍ମପୁର ଜେଲ୍‌ରେ ବନ୍ଦୀ ଥିଲେ । ଜେଲ୍‌ରୁ ବାହାରିବା ପରେ ସେ ଏକ ଘରୋଇ ହସ୍ପିଟାଲ୍‌ରେ ଚିକିତ୍ସିତ ହେଉଛନ୍ତି । ତାଙ୍କର ମାନସିକ ସ୍ଥିତ ଖରାପ ଥିବା ଜଣାପଡିଛି । ତାଙ୍କୁ ୭ ବର୍ଷ ଜେଲ୍‌ ଦଣ୍ଡ ହୋଇଥିବା ବେଳେ ସେ ଅଧିକ ୩ ବର୍ଷ ଜେଲ୍‌ ଦଣ୍ଡ ଭୋଗିଛନ୍ତି । ଅନ୍ୟପକ୍ଷରେ ସିବିଆଇ ତାଙ୍କର ସମସ୍ତ ସ୍ଥାବର ଅସ୍ଥାବର ସମ୍ପତ୍ତି ଜବତ କରି ସାରିଛି କିନ୍ତୁ ଜମାକାରୀଙ୍କୁ ଟଙ୍କା ଟିଏ ମିଳିପାରିନାହିଁ ।

ପ୍ରଦୀପ ସେଠୀ ୨୦୦୯ରେ “ଅର୍ଥତତ୍ତ୍ୱ’ କମ୍ପାନି ଆରମ୍ଭ କରିଥିଲେ । ୨୦୦୯ ରୁ ୨୦୧୨ ମଧ୍ୟରେ ସଂସ୍ଥା ମୁଖ୍ୟ ପ୍ରଦୀପ ସେଠୀ ଓଡ଼ିଶାର ହଜାର ହଜାର ଜମାକରୀଙ୍କ ଠାରୁ ୬୦୦ କୋଟି ନେଇ ବଡ଼ ବ୍ୟବସାୟୀ ପାଲଟି ଯାଇଥିଲେ । ସ୍ୱର୍ଣ୍ଣ ଅର୍ଥତତ୍ତ୍ୱ ଯୋଜନାରେ ବିଭିନ୍ନ ଜମାକରୀଙ୍କ ଠାରୁ ୪୦ କୋଟିରୁ ଉର୍ଦ୍ଧ୍ୱ ଟଙ୍କା ଠକେଇ କରିଥିଲେ । ୨୦୧୩ରେ ସ୍ୱର୍ଣ୍ଣ ଯୋଜନାରେ ଟଙ୍କା ଲଗାଇଥିବା ବ୍ୟବସାୟୀ ପ୍ରିୟବ୍ରତ ମଲ୍ଲିକ ଏନେଇ ଖାରବେଳନଗର ଥାନାରେ ଏତଲା ଦେଇଥିଲେ । ପୁଲିସ୍‌ ୧୪୫/୧୩ରେ ଏକ ମାମଲା ରୁଜୁ କରି ଅଭିୁକ୍ତଙ୍କ ବିରୋଧରେ ଆଇପିସିର ଧାରା ୧୨୦(ଖ), ୪୨୦, ୪୦୬, ଏବଂ ୪,୫ ଓ ୬ ପ୍ରାଇସ୍‌ ଚିଟ୍ସ୍‌ ଆଣ୍ଡ ମନି ସର୍କୁଲେସନ୍‌ ସ୍କିମ୍‌(ବ୍ୟାନିଂ) ଆକ୍ଟ୍‌ ୧୯୭୮ରେ ମାମଲା ରୁଜୁ କରିଥିଲା । ହେଲେ ପୁଲିସ୍‌ ପ୍ରଦୀପଙ୍କୁ ସେତେବେଳେ ଗିରଫ କରିନଥିଲା ।

ସେହିପରି ଅବସରପ୍ରାପ୍ତ ବରିଷ୍ଠ ପୁଲିସ୍‌ ଅଧତ୍କାରୀ ସୁକୁମାର ପାଣିଗ୍ରାହୀଙ୍କ ଠାରୁ ଜମି ଦେବା ନାଁରେ ପ୍ରଦୀପ ୧୭ଲକ୍ଷ ଟଙ୍କା ନେଇଥିଲେ । କିନ୍ତୁ ପରେ ଜମି ଦେଇନଥିଲେ । ପୋଲିସ୍‌ ଅଧିକାରୀ ଏନେଇ ସେ ଖାରବେଳ ନଗର ଥାନରେ ଅଭିଯୋଗ କରିଥିଲେ । ଖାରବେଳନଗର ଥାନା ପୁଲିସ୍‌ ତାଙ୍କ ବିରୋଧରେ କେସ ନମ୍ୱର ୪୪/୧୩, ଦଫା ୪୨୦,୧୨୦ (ବି), ୪୦୬ରେ ମାମଲା ରୁଜୁ ତଦନ୍ତ ଆରମ୍ଭ କରିଥିଲା । ୨୦୧୩ ମେ’ ୧୨ ତାରିଖରେ କମିଶନ୍‌ରେଟ୍‌ ପୁଲିସ୍‌ ପ୍ରଦୀପ ସେଠୀଙ୍କୁ ଖୋର୍ଦ୍ଧାରୁ ଗିରଫ କରିଥିଲା । ପରେ ମାମଲା ସିବିଆଇକୁ ଯାଇଥିଲା । ସିବିଆଇ ଘଟଣାର ତଦନ୍ତ କରି ଅନ୍ୟ ଅଭିୁକ୍ତଙ୍କୁ ଗିରଫ କରିଥିଲା । ପ୍ରଦୀପ ନିଜର ଅପରାଧକୁ କୋର୍ଟରେ ସ୍ୱୀକାର କରିଥିଲେ ।

ପ୍ରଥମେ ୨୦୧୭ ମସିହାରେ ଚିଟ୍‌ଫଣ୍ଡ ଠକେଇ ମାମଲାରେ ସ୍ପେଶାଲ୍‌ ସିଜେଏମ୍‌ ସିବିଆଇ କୋର୍ଟ ସଂସ୍ଥା ମୁଖ୍ୟ ପ୍ରଦୀପଙ୍କୁ ୭ ବର୍ଷ ସଶ୍ରମ କାରାଦଣ୍ଡା ଦେଶ ଦେବା ସହ ୩୦ ହଜାର ଟଙ୍କା ଜରିମାନା କରିଥିଲେ । ତା’ଛଡା କ୍ଷତିପୂରଣ ବାବଦକୁ ପ୍ରଦୀପଙ୍କୁ ୨୫୦ କୋଟି ଟଙ୍କା ଦେବାକୁ ପଡ଼ିବ ବୋଲି କୋର୍ଟ ନିର୍ଦ୍ଦେଶ ଦେଇଥିଲେ । ଟଙ୍କା ନ ହେଲେ ତାଙ୍କ ସମ୍ପତ୍ତି ଆଟାଚ କରାଯିବ ବୋଲି କୋର୍ଟ ନିର୍ଦ୍ଦେଶ ଦେଇଥିଲେ । କ୍ଷତିପୂରଣ ବାବଦକୁ ପ୍ରଦୀପଙ୍କୁ ଟଙ୍କା ଦେଇ ନପାରିବାକୁ ତାଙ୍କର ସମସ୍ତ ସ୍ଥାବର-ଅସ୍ଥାବର ସମ୍ପତ୍ତି ଜବତ ହୋଇଥିଲା ।

ସେହିଭଳି ଖାରବେଳନଗର ଥାନାରେ ୧୪୫/୧୩ରେ ରୁଜୁ ହୋଇଥିବା ମାମଲାର ବିଚାର କରି ସିଜେଏମ୍‌ କୋର୍ଟ ସଂସ୍ଥା ମୁଖ୍ୟ ପ୍ରଦୀପଙ୍କୁ ପୁଣି ଥରେ ୭ ବର୍ଷ ଜେଲ୍‌ ଦଣ୍ଡ ଦେବା ସହ ୭୫ ହଜାର ଟଙ୍କା ଜରିମାନା କରିଥିଲେ । କୋର୍ଟ ଜରିମାନା ଅନାଦେୟ ହେଲେ ୬ ମାସ ଅଧିକ ଜେଲ୍‌ ଦଣ୍ଡ ଭେଗିବାକୁ ପଡ଼ିବ । କୋର୍ଟ ନିୟମ ଅନୁସାରେ ପ୍ରଦୀପ ୭ ବର୍ଷ ଜେଲ୍‌ ଦଣ୍ଡ ଭେIଗିବା ପରେ ଜେଲ୍‌ରୁ ବାହାରିବାର ନିୟମ ଥିଲା । ହେଲେ ବିଭିନ୍ନ ଆଇନଗତ ସମସ୍ୟା ପାଇଁ ସେ ବାହାରି ପାରିନଥିଲେ । ଏବେ ଦୀର୍ଘ ୧୦ ବର୍ଷ ପରେ ଜେଲ୍‌ରୁ ବାହାରିଛନ୍ତି ପ୍ରଦୀପ ।

   Related Posts