oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୭ କୋଭିଡ୍ ପଜିଟିଭ୍
  • ||
  • ନବରାତ୍ରର ଦ୍ନିତୀୟ ଦିନ, ବ୍ରହ୍ମଚାରିଣୀ ରୂପେ ଦର୍ଶନ ଦେଉଛନ୍ତି ମାଆ ଜଗଦମ୍ୱା
  • ||
  • ରାଉରକେଲା : ବରିଷ୍ଠ ଆଇନଜୀବୀ ରମେଶ ବଳଙ୍କ ଆତ୍ମହତ୍ୟା, ଶ୍ୱଶୁର ଘରୁ ମିଳିଲା ଝୁଲନ୍ତା ମୃତଦେହ
  • ||
  • ଭୁବନେଶ୍ୱର : ଆସୁଛି ଆଉ ଏକ ଲଘୁଚାପ, ବର୍ଷାରେ ଭିଜିବ ଦଶହରା
  • ||

ପ୍ରାଚୀ କ୍ଷେତ୍ରରୁ ଶ୍ରୀକ୍ଷେତ୍ର ଯିବ ଅଣସର ଭାର

28/06/2021 at 1:47 PM

ଭୁବନେଶ୍ୱର, ୨୮/୦୬:  ଠାକୁର ଜ୍ୱରରେ ପଡ଼ିଛନ୍ତି । ପ୍ରଭୁଙ୍କ ସୁସ୍ଥତା ଲାଗି ପବିତ୍ର ପ୍ରାଚୀକ୍ଷେତ୍ରରୁ ଯିବ ମହାପ୍ରଭୁ ଶ୍ରୀଗନ୍ନାଥଙ୍କ ପାଇଁ ଅଣସର ଫଳଭାର ।  ଜୁନ ୨୯ ତାରିଖ ମଙ୍ଗଳବାର ପଞ୍ଚମୀ ତିଥିରେ ଏହି ଅଣସର ଭାର ପଠାଯିବାର ସବୁ ବ୍ୟବସ୍ଥା କରାଯାଇଛି । ନିଆଳିର ଶ୍ରୀମାଧବାନନ୍ଦ ଜିଉ ପୀଠ ଓ କାକଟପୁର ବିଶ୍ୱାମିତ୍ର ମଠ ପକ୍ଷରୁ ଏହି ଭାର ପଠାଯାଉଛି । ସକାଳ 8ଟା ସୁଦ୍ଧା ଶ୍ରୀମାଧବାନନ୍ଦ ଜିଉ ପୀଠରୁ ଫଳ ଭାର ଯାତ୍ରା ବାହାରି କାକଟପୁର ବିଶ୍ୱାମିତ୍ର ମଠ ପାଖରେ ପହଞ୍ଚିବ । ସେଠାରେ ମଧ୍ୟ ପୂର୍ବପ୍ରସ୍ତୁତି କ୍ରମେ ଭକ୍ତ ମାନେ ମଠରେ ଦେଇଥିବା ଫଳ ଭାର ନେଇ ଭାରଯାତ୍ରୀ ମାନେ କୋଣାର୍କ ବାଟ ଦେଇ ଯାତ୍ରା କରିବେ । ଦିନ ପ୍ରାୟ ୧୧ଟା ସୁଦ୍ଧା ସେମାନେ ସ୍ୱାମୀ ପ୍ର୍ଜ୍ଞାନାନନ୍ଦଙ୍କ ବାଲିଘାଇ ଆଶ୍ରମରେ ସାମୟିକ ରହଣି ଓ ଜଳପାନ ପରେ ପୁରୀ ଅଭିମୁଖେ ଯାତ୍ରା କରିବେ । ଦିନ ପ୍ରାୟ ୧ଟା ସୁଦ୍ଧା ପୁରୀ ହାତୀ ଆଖଡା ମଠ ଠାରେ ଭାରଯାତ୍ରୀ ମାନେ ପହଞ୍ଚିଲେ , ସେଠାରୁ ନାମ ସଂକୀର୍ତ୍ତନ ସହ ଶ୍ରୀମନ୍ଦିର ପର୍ଯ୍ୟନ୍ତ ଯିବେ । ସେଠାରୁ ସେବକ ମାନଙ୍କ ସହାୟତାରେ ଏହି ଭାର ସାମଗ୍ରୀ ନୃସିଂହ ଚକଡ଼ାରେ ପହଞ୍ଚାଇ ଦିଆଯିବାର କାର୍ଯ୍ୟକ୍ରମ ରହିଛି ।

ଏହି ଅଣସର ଭାର ସାମଗ୍ରୀ ମଧ୍ୟରେ ଅଛି – ପଣସ , ଆମ୍ବ , ସପୁରୀ , କଦଳୀ , ପିଜୁଳି , ଖଜୁରୀ , ତୁଳସୀ ଓ ବିଭିନ୍ନ ପ୍ରକାର ଫୁଲ । ଅନୁରୂପ ଭାବେ ନବମୀ ତିଥିରେ ଦେଉଳି ମଠରୁ ସୁସଜ୍ଜିତ ଶଗrରେ ତୁଳସୀ ଓ ଫୁଲ ଭାର ଯିବାର କାର୍ଯ୍ୟକ୍ରମ ମଧ୍ୟ ରହିଛି । ସମସ୍ତ କୋଭିଡ ନିୟମ ମାନି ଖୁବ କମ ସଂଖ୍ୟାରେ ଭକ୍ତଙ୍କୁ ନେଇ ଏହି ଯାତ୍ରା ସମ୍ପନ୍ନ କରାଯିବ ବୋଲି ପ୍ରାଚୀ ସଂସ୍କୃତି ଗବେଷକ ତ୍ରିଲୋଚନ ମିଶ୍ର ଓ ଶ୍ରୀମାଧବାନନ୍ଦ ଜିଉ ମନ୍ଦିର ସେବକ ତ୍ରିଲୋଚନ ପୁଷ୍ପାଳକ ଜଣାଇଛନ୍ତି । ବହୁ ପୁରାକାଳରେ ପୁରୀର ଦଶାବତାର ମଠ ଜରିଆରେ ପ୍ରାଚୀ କୂଳର ବିଭିନ୍ନ ସାମଗ୍ରୀ ମହାପ୍ରଭୁଙ୍କ ଉଦ୍ଦେଶ୍ୟରେ ପଠାଯାଉଥିଲା । ମାତ୍ର ପରେ ଏହି ପରମ୍ପରା ଅବଲୁପ୍ତ ହୋଇଯାଇଥିଲା । ତେବେ ୨୦୦୦ ମସିହାଠାରୁ ତ୍ରିଲୋଚନ ମିଶ୍ରଙ୍କ ଉଦ୍ୟମରେ ପ୍ରାଚୀକ୍ଷେତ୍ରରୁ ଅଣସର ଫଳଭାର ପଠାଯାଇ ଆସୁଥିବା ବେଳେ ଚଳିତବର୍ଷ ଏହି ଯାତ୍ରାରେ ଶ୍ରୀମାଧବାନନ୍ଦ ଜିଉ ପୀଠ ସାମିଲ ହୋଇଛି । ଗତ ଦୁଇ ବର୍ଷ ଧରି ମହାପ୍ରଭୁଙ୍କ ମଉଳା କ୍ଷେତ୍ର କୁହାଯାଉଥିବା ଶ୍ରୀମାଧବାନନ୍ଦ ଜୀଉ ପୀଠରୁ ପୋଢୁଆଁ ଭାର ପଠାଯିବା ମଧ୍ୟ ଉଲ୍ଲେଖନୀୟ ।   

   Related Posts