କନ୍ଧମାଳ ୨୬।୦୨: କନ୍ଧମାଳ ଜିଲ୍ଲାରେ ଉତ୍ପାଦିତ ମାଳ ଆଳୁ ବା କନ୍ଧଆଳୁର ବେଶ୍ ଚାହିଦା ରହିଛି । ରାଜ୍ୟ ବାହାରକୁ ଏପରିକି ବିଦେଶକୁ ମଧ୍ୟ ରପ୍ତାନୀ ହେଉଛି ଏହି କନ୍ଧଆଳୁ । ସଂପୂର୍ଣ୍ଣ ଦେଶୀ ଢାଞ୍ଚାରେ ଆଉ ବିନା ସାର ଏବଂ କୀଟନାଶକରେ ମାଳ ଆଳୁ ଉତ୍ପାଦନ କରାଯାଉଥିବାରୁ ଏହା ସମସ୍ତଙ୍କ ପସନ୍ଦ ପାଲଟିଛି । ତେବେ ଏହି କନ୍ଧଆଳୁ ଚାଷ କରିବା ଲାଗି ସରକାରଙ୍କ ପକ୍ଷରୁ ପ୍ରୋତ୍ସାହନ ମିଳିଲେ ଉତ୍ପାଦନ ବଢ଼ିପାରନ୍ତା
{"id":229400,"sizeSlug":"large"}ଦେଖିବାକୁ ଛୋଟ । ହେଲେ କନ୍ଧମାଳ ଜିଲ୍ଲାରେ ହେଉଥିବା ଏହି ଆଳୁର ଚାହିଦା କାହିଁରେ କଣ । ମାଳ ଆଳୁ ବା କନ୍ଧ ଆଳୁ ନାଁରେ ପରିଚିତ ଏହା । କେହି କେହି ଏହାକୁ ଠୁରି ଆଳୁ ମଧ୍ୟ କହୁଛନ୍ତି । ବିନା ସାର, କୀଟନାଶକରେ ସଂପୂର୍ଣ୍ଣ ଦେଶୀ ପଦ୍ଧତିରେ ଏହି ଆଳୁ ଚାଷ କରାଯାଇଥାଏ । ଏଥିରେ ଶର୍କରା ଅଂଶ କମ୍ ଥିବାରୁ ଡାଇବେଟିସ୍ ରୋଗୀ ମଧ୍ୟ ଖାଆନ୍ତି ଏହି ମାଳ ଆଳୁକୁ । ଜିଲ୍ଲାର ଆଦିବାସୀ ଚାଷୀମାନେ ନିଜ ଘରେ ଖାଇବା ସହ ସଂପର୍କୀୟମାନଙ୍କୁ ଦେବାଲାଗି ଏହି ଆଳୁ ଚାଷ କରିଥାଆନ୍ତି ।
{"id":229401,"sizeSlug":"large"}ଶୀତଳଭଣ୍ଡାରରେ ପ୍ରାୟ ବର୍ଷେ ପାଖାପାଖି ରହିଥାଏ ଏହି ଆଳୁ । କନ୍ଧମାଳ ଚାଷୀ ଏହି ଆଳୁ ଉତ୍ପାଦନ କରିବା ପରେ ନିଜ ପାଇଁ ସାଇତି ରଖିବା ପରେ ବଳକା ଆଳୁକୁ ବିକ୍ରି କରିଦେଇଥାଆନ୍ତା । ବଜାରରେ ଏହି ଆଳୁ କେଜି 20ରୁ 30 ଟଙ୍କା ଦରରେ ବିକ୍ରି ହୋଇଥାଏ । ତେବେ ମାଳ ଆଳୁ ଚାଷ ପାଇଁ କୌଣସି ପ୍ରୋତ୍ସାହନ ନାହିଁ ।
{"id":229402,"sizeSlug":"large"}ଚାଷୀ ନିଜ ଅର୍ଥରେ ସବୁକିଛି କରେ । ତେଣୁ ଖୁବ୍ କମ୍ ଚାଷୀ ଏହାକୁ ଚାଷ କରନ୍ତି ।ତେବେ କନ୍ଧ ଆଳୁ ଚାଷ କରୁଥିବା ଚାଷୀଙ୍କୁ ପ୍ରୋତ୍ସାହନ ଦିଆଯିବା ପାଇଁ ଉଦ୍ୟମ କରାଯାଉଥିବା କହିଛନ୍ତି ଉଦ୍ୟାନ ବିଭାଗ ଉପନିର୍ଦ୍ଦେଶକ ।ତେବେ ବିନା ସାର ଓ କୀଟନାଶରେ ଉତ୍ପାଦିତ ମାଳ ଆଳୁ ଚାଷୀଙ୍କୁ ସରକାରୀ ପ୍ରୋତ୍ସାହନ କେବେ ମିଳିବ ତାକୁ ଅପେକ୍ଷା ରହିଛି ।
{"id":229403,"sizeSlug":"large"}