ଜଳେଶ୍ବର ୨୭।୭: ଜମାଥିବା ଲକ୍ଷାଧିକ ଟଙ୍କାକୁ ହଡପ କରିନେଲେ କାର୍ଯ୍ୟରତ ପୋଷ୍ଟମାଷ୍ଟର । ଟଙ୍କା ଦାବି କରି ପୋଷ୍ଟ ମାଷ୍ଟର ଓ ଅଡିଟ ଅଧିକାରୀଙ୍କୁ ଅଟକ ରଖିବା ସହିତ ଡାକ ଘର ସମ୍ମୁଖରେ ଉତ୍ତେଜନା ଜାରି ରହିଛି ।

ସୂଚନାଯୋଗ୍ୟ ଯେ, ବାଲେଶ୍ୱର ଜିଲ୍ଲା ଜଳେଶ୍ୱର ବ୍ଲକ ଝାଡ଼ପିପଳ ପଂଚାୟତ ଝାଡ଼ପିପଳ ଗ୍ରାମରେ ଥିବା ଉପଡାକଘରେ ସଂଜୀବ ହାଁସଦା ପୋଷ୍ଟ ମାଷ୍ଟର ହିସାବରେ ଦୀର୍ଘ ୫ ବର୍ଷ ଧରି କାର୍ଯ୍ୟରତ ରହିଛନ୍ତି । ପୋଷ୍ଟ ଅଫିସରରେ ୧୨ଶହରୁ ଉର୍ଦ୍ଧ୍ବ ଜମାକାରୀ ରହିଛନ୍ତି । ପୋଷ୍ଟମାଷ୍ଟର ସଂଜୀବ ଟଙ୍କା ଜମା କରିବାକୁ ଆସୁଥିବା ଜମାକାରୀଙ୍କର ଟଙ୍କା ଜମା ନକରି ଲିଙ୍କ ନାହିଁ ବୋଲି କହିବା ସହିତ ପରେ ଜମା କରିଦେବେ ବୋଲି ପ୍ରତିଶ୍ରୁତି ଦେଇ ଟଙ୍କା ନିଜ ପାଖରେ ରଖି ଦେଉଥିଲେ । ମାତ୍ର ପରବର୍ତ୍ତୀ ସମୟରେ ଉକ୍ତ ଟଙ୍କାକୁ ଚଳୁ କରି ପାସ୍‌ବୁକରେ ହାତରେ ଲେଖି ତାହାକୁ ନିଜ ପାଖରେ ରଖି ଦେଉଥିଲେ ।

ଜମାକାରୀମାନେ ବାରମ୍ବାର ପାସବୁକ ମାଗି ମାଗି ନୟାନ୍ତ ହେଉଥିଲେ ମଧ୍ୟ ପାଇପାରୁ ନଥିଲେ । ପରବର୍ତ୍ତୀ ସମୟରେ ଜମାକାରୀମାନେ  ତାଙ୍କ ଆକାଉଣ୍ଟରୁ ଲକ୍ଷାଧିକ ଟଙ୍କା ହଡ଼ପ ହୋଇଥିବା ଜାଣିବାକୁ ପାଇଥିଲେ । ଟଙ୍କା ପାଇଁ ଜାମାକାରୀମାନ ଉପ ଡାକଘରେ ପହଞ୍ଚି ପୋଷ୍ଟ ମାଷ୍ଟର ସଂଜୀବ ହାଁସଦାଙ୍କ ସହିତ ଦୁଇ ଅଡିଟର ଅଫିସରଙ୍କୁ ଅଟକ ରଖିବା ସହିତ ଉତ୍ତେଜନା ଜାରି ରଖିଥିବା ଦେଖିବାକୁ ମିଳିଛି ।

You Can Read :