ସୋର ୧୩।୭: ଅଭାବୀ ମଣିଷର ମହାନତା । ରାସ୍ତାରୁ ସୁନା ଗହଣା ପାଇବା ପରେ ଲୋଭର ବଶବର୍ତ୍ତୀ ନହୋଇ ତାହାକୁ ଫେରାଇବାକୁ ଉଦ୍ୟମ କରିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ସୋର ଥାନା ପାଖର ପଞ୍ଚାୟତ ଅଞ୍ଚଳରେ ।
{"id":479749,"width":749,"height":412,"sizeSlug":"large","linkDestination":"none"}![](https://www.prameyanews7.com/wp-content/uploads/2021/07/vlcsnap-2021-07-13-09h57m32s587.png)
ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ସୋର ଥାନା ପାଖର ପଞ୍ଚାୟତ ମlଣିପୁର ଗାଁର ରାଜେନ୍ଦ୍ର ବେହେରା କୌଣସି କାମରେ ସୋର ବଜାରକୁ ଆସିଥିଲେ । ଏହି ସମୟରେ ଏକ ବ୍ୟାଗ୍ ପଡିଥିବା ସେ ଦେଖିବାକୁ ପାଇଥିଲେ । ବ୍ୟାଗ୍ ଉଠାଇ ଦେଖିବା ପରେ ସେଥିରେ ଗୋଟିଏ ହଳ ସୁନା କାନ ଫୁଲ ଓ କିଛି ଟଙ୍କା ଥିଲା । ରାଜେନ୍ଦ୍ରଙ୍କ ଆର୍ଥିକ ଅବସ୍ଥା ସେତେ ଭଲ ନାହିଁ । ସୁନା ଓ ଟଙ୍କା ଦେଖି ସେ ଲୋଭର ବଶବର୍ତ୍ତୀ ନହୋଇ ତାହାକୁ ଫେରାଇବା ପାଇଁ ଉଦ୍ୟମ କରିଛନ୍ତି ।
{"id":479750,"width":751,"height":413,"sizeSlug":"large","linkDestination":"none"}![](https://www.prameyanews7.com/wp-content/uploads/2021/07/vlcsnap-2021-07-13-09h57m43s559-1.png)
ରାଜେନ୍ଦ୍ର ସୋସିଆଲ ମିଡିଆରେ ନିଜ ଇଚ୍ଛା ପ୍ରକାଶ କରିଛନ୍ତି । ଜଣେ ଗରିବ ଚାଷୀ ହୋଇଥିଲେ ହେଁ ରାଜେନ୍ଦ୍ରଙ୍କର ଏପରି ମହତ କାମକୁ ନେଇ ବିଭିନ୍ନ ମହଲରେ ତାଙ୍କୁ ପ୍ରଶଂସା କରାଯାଇଛି ।